"Mert ýigit we onuñ söýgülisi hakda hekaýa"

Bir mert ýigit gözel gyzy halady.
Ýigit oña gije-gündüz maýyldy.

Ikisi wysala ýetmezden burun,
Gyz bir agyr derde uçrady bir gün.

Haly gaçyp günde düshekde ýatdy,
Gyzzarma ýolukdy, üshetdi ýatdy.

Aý ýaly ýüzüni dishedi mama,
Mydam göwün berdi garañky tama.

Çünkü onuñ keshbi - asly ak keshbi,
Gara ýyldyz biten göge meñzeshdi.

Günde perýat etýär, ah çekýär jenan,
Gün ýaly tegelek ýüzi perishan.

Bu habar gowushdy ashyk ýigide,
Ol ýüzüne çekdi bir gara perde.

Ýumdy gözlerini, gaýdyp açmady,
Gapyl göreçleri shöhle saçmady.

Agzyndan ot çykdy hem çekdi pygan,
Dostlaryna etdi derdini aýan:

"Gerdenime düshen zulum zerarly,
Nurana gözlerim kör bolan borly.

Dostlar, kalbyma-da alawlar düshdi",
Ashyk bilen magshuk bir gün birleshdi.

Kör ýigit hem ýüzi betnyshan aýal
Bile ýashadylar, boldular hoshal.

Aýalyñ ärine gelýärdi haýpy,
Emma bir gün onuñ ýatdy ak bagty.

Äri bilen ýigrimi ýyl dünýäde
Ýashap, bu jahandan gitdi ol bende.

Ýigit ýeke galdy, açyldy gözi,
Rakyplar shol pursat diýdi shu sözi

"Gözleriñ nur saçýar, özümiz shaýat,
Bu niçik tapmaça, niçik hekaýat?"

Ashyk diýdi "Bedroý bolanda ýarym,
Men görmejek bolup onuñ didaryn,

Ýumdum gözlerimi, tümlükde gezdim,
Ajy ýashlar bilen ýüzümi ezdim.

"Meniñ görýänimi bilmesin" diýip,
Gezdim men ýüzüme perdäni geýip.

Gitdi ýarym, pany dünýäden gitdi,
Ýetdi ýarym, baky shähere ýetdi.

Ýuman gözlerimi açdym men indi..."
Diýdiler "Sen halkyñ çyn mert perzendi.

Aýala teselli bagysh edipsiñ,
Göwnünde ne gözel nagysh edipsiñ.

Sokur däl halyña bolupsyñ sokur,
Mertligiñ iñ baryp ýatany shudur".
"Abdyrahman Jamy"

Okanyñyz üçin minnetdar 🙂