Dädemiñ(Kakamyñ) Şygyrlaryndan-3 kabir agzalaryn islegi boyuncha (:

Dünýede

Her güleñde telwas eder ýüregim,
Durmuşda sen bolduñ meniñ diregim,
Göwnüne degmäli birek-biregiñ,
Sensiz ýollar garañkydyr dünýede.

Sözleriñ dürdäne, ýumşak señ özüñ,
Mylaýym sözläñde gülüp dur yüzüñ,
Özüñe meñzäpdir Hatyja gyzyñ,
Şoñ bagtyna uzak ýaşa, dünýede.

Bolduñ sen meniñ ojagymyñ bagty,
Ýaşlykda ýazypdym ençeme haty,
Ýylgyrañda bolýar öýlermiz ýagty,
Aýlar-günler geçmez sensiz dünýede.

Çaraýşyñ birgiden mähirden doly,
Saýladyñ durmuşda arassa ýoly,
Sen bilen öýlermiz ala-ýaz ýaly,
Sensiz öçer ýyldyzlaram dünýede.

Ogul-gyza öz ganyñdan jan berdiñ,
Ýatmazdyñ sen çekip olaryñ derdin,
Eje mährin paýlap, akylam guýduñ,
Ene mährinden doýan barmy, dünýede?

Kän gyzlañ içinden saýladym seni,
Edep, näz-kereşmäñ bendi etdi meni,
Geçip, gidip barýar, ol ýyllar hany?
Geçen günler öwrülmez bu dünýede.

Sag bol, Möwlam aga, beripsiñ edep,
Allam saña bersin, egsilmez medet,
Barsañ başyn eger, äpet dag Edet,
Sensiz tikenekdir, ýollar dünýede.


Ejemjana sylag-hormat eýlediñ,
Gaty-gaýrym erbet sözler diýmediñ,
Gamgyn wagty ejem ýeke goýmadyn,
Sylaglyga sylag bardyr dünýede.

Çagalar daşyñda äbede-jüýje,
Bir Sanjar ýatanok käteler gije,
Ulalyp balajyk girer-le güýje,
Ogulsyza karar ýokdur dünýede.

Täçdurdy, sen bolduñ meniñ guwanjym,
Kerim, Hekim, Sanjar ýürek daýanjym,
Biri arkadagym, biri begenjim,
Ogulsyzyñ yzy ýokdur dünýede.


Avtor: Taçdurdy Hojageldiyev
10/01/2004