Biziñ güýzümiz.

Ir sagat 6-da paýtagtyñ wokzalynda otludan düshenimde howa gaty sowukdy.düýnküsi gün agsham otla münemde howa maýyldy.ir bilen beýle howa garashmandym,ýagysha bolsa asla.ir garañkyda asmanyñam reñki içgysgynç mep-meledi.ýagysham doly ýagyp bilmän,jybarlap,sowuk shemal bilen ýüzüñi ýalap gelýärdi.menem üshäp,penjegimiñ ýokarky iliklerini dakyshdyryp wokzalyñ perronyndan düshüp taksi tutup,gelnejemlere tarap ugradym.
Ashgabady güýz paslynda birinji gezek görüshimdi.owadana owadan diýmeli.güýzüñ sary ýapraklary,asmanyñ aglaýjak bolup durmasy Ashgabadyñ birjigem gözelligini gaçyrmandyr.
Men saña Ashgabada gelýänimi aýtmandym.bu surprizime sen diýseñ begenipdiñ...
* * *
Seniñ bilen online-de ýazyshýarkak hyýallarymyzda seniñ bilen gözel Ashgabada aýlanýardyk.ol ýerde iñ halaýan ýerim buzly köshkdi.muny saña aýdanymdan soñ seniñem buzda typmagy halaýanyñy bilip galdym.
Biziñ ilkinji wirtual dushushygymyz bolsa aý dolan gijesi bolupdy.ýadyña düshýärmi ol agshamky gürrüñimiz.biz çatlashyp otyrdyk.saglyk-amanlyk sorashanymyzdan soñ men saña:
-shu wagt nirede otyrsyñ?-diýdim.sen:
-öýde.
-penjiräñ töweregindemi?
-hawa.
-penjireden dasharyk seret.
-a-ha,seretdim.
-näme görýäñ?
-agshamky shäheri we gat-gat jaýlary görýän.
-shäherden ýokaryk seret-diýip men seni has-da gyzykdyrdym.senem ýokaryk seredip:
-ýyldyzly asmany görýän.bu gün aýam dolupdyr.
-bilýäñmi näme
-... näme?
-haçanda adamlar biri-birinden uzakda wagty olar ýyldyzlara seretseler olar edil shol wagt bile bolýarmyshlar.senem shu wagt aýa seredýäñ,menem shu wagt aýa seredýän.diýmek biz shu wagt bile.goý bu biziñ ilkinji dushushygymyz bolsun.
-... Dogrudanam shu wagt sen ýanymda ýaly.
- 🙂
-bu gün birhili aý hasam owadan...
-ýyldyzlaram owadan.
-bilýäñmi näme,gel indiki gezek uly Ýedigeniñ ýanynda dushushaly. 🙂
-ok. Gijä galaýma.
Sheýdip ýyldyzly asmany uzak gije gezim ederdik.uly Ýedigende oturyp Ömrüzaýa ýyldyzyna bakardyk,Akmaýanyñ ýolundan gol tutushyp ýöräp arzuw ederdik.biziñ ýolumyz uzak.ýöne haýsymyzyñ birinji döwülip ashak gaçyp,ýyldyzlañ arasynda ýitirim boljagymyzy bilemok.
* * *
men buzuñ üstünde onçakly gowy typyp bilemokdym. buzuñ üstünde ilkinji gezek meniñ golumdan tutushyñ... Men ýykylamda maña goluñy uzadyshyñ... Sen ýykylañda men saña golumy uzadyshym...
Sheýdip meni gowy göräýjek we meniñ gowy görjek ynsan bilen gol-gola,egin-egine bolup,bu durmushyñ agyr we shatlykly günlerinde biri-birimizi söýüp,sylap,buýsanyp,gollarymyzdanam berk tutushyp bile geçsek diýip arzuw ederdim.birnäçe razoçarowaniýelerden soñ näme üçindir beýle bagt maña miýesser etmez diýen pikir döräpdi.köp zada ynamym gaçyp bashlapdy.seni tanaýan wagtym bäri bolsa durmushymda ynam döredi.
Wah,shu wagt seniñ bilen buzuñ üstünde geçiren minutlarymy player-däki ýaly yzyna saradyp,gaýtaladyp bolsady...
Aramyzda gör näçe ýol ýatyr.aramyzda 400-e golaý kilometrler ýatyr.daglar,çöller ýatyr.men bolsa shol 400 km-i azaldyp,aramyzdaky distanciýany 50 sm-e getiripdim.indi bolsa öýe gaýdyp barýaryn.ine shu wagt takside gidip barýaryn.aýnadan dashardaky geçip barýan peýzajlary synlaýaryn.gözýetime,geçip duran düzlüklere seredip,geçip duran her bir kilometriñ meni senden dashlashdyrýanyna gamgyn bolýardym.sheýle pikirler bilen oturan ýerimde irkilipdirin.
Birden tisginip gözlerimi açsam telefonymyñ budilnigi sagat 7.00 bolanyny görkezip,aýdymyna gygyryp meni öýandyran ekeni...