Gödeklik we sypaýylyk.

Kä wagt gödeklik, sypaýylykdan gowy bolup gelýär.
Siz nähili häsiýetli adamlary halaýarsyňyz??? Şahyrymyz Gurbannazar Ezizowyň goşgysyny alyp göreliň:

Dünýede
her kimiň öz gylygy bar,

Oňatlary
saýlap-seçgin  - diýdiler.

Edep-sypaýçylyk
adamy bezär,

Mydam gödeklerden gaçgyn - diýdiler.

Diýişleri ýaly, gaçdym-da ýördim,

Gödekligem meni kowlap ýörmedi.

Ol öňümden çyksa, ýüzüm öwürdim,

Oň nä
derdi – asyl gaty görmedi.

Sypaýy
diýenler bolýar her hili.

Juda
sypaýylar daşym aldylar.

Duýman
durka, kastlary bar ýaly,

Sypaýylygmyň dulugyna çaldylar.

Sypaýçylyk
bilen hormat etdiler.

Sypaýçylyk
bilen adym tutdylar.

Sypaýçylyk bilen arzan satdylar.

Sypaýçylyk bilen etdiler baryn.

Soň ýene
diýdiler ýanyma gelip,

Mert
ýigide näzik bolmak ýaraşmaz.

Bardyr
adamlarda şeýle bir gylyk, -

Ajyň
yokmy – süýjüňe-de garaşmaz.

Eýsem, ýaranjaňlyk, öz külbäň küýi

Göriplik hem juda-juda küteklik

Ýaly gylyk – häsiýet duş gelýän güni

Iň ýaramaz gylykmydyr gödeklik?!

Baş çykarmak gerek şeýle gylykdan

Näçe çuň düşünseň şonça-da ýagşy.

Kebzä pyçak sokýan sypaýçylykdan

Tumşugyňa kakýan gödeklik yagşy.

Eý, siz,
sypaýylar, men taýa bakan

Gelmäweriň
leşger çekip, dökülip.

Ýaşasyn
hak üçin gulakdan çekýän,

Göni
göze bakýan sagdyn gödeklik.