Millionerleriň sanawy ýa-da näme üçin Siziň familiýaňyz ol ýerde ýok

Maýk Kassidi bilen söhbetdeşlik
Korrespondent: Merkýuri Nýus 

Millionerleriň sanawy ýa-da näme üçin Siziň familiýaňyz ol ýerde ýok

Gün-günden baý we meşhur adamlaryň sanawlary çykýar. Baýlaryň sany ýöne köpelip gidip otyr, indi olaryň hemmesiniň adyny sanap gutarar ýaly hem däl. Şonuň üçin hem olary görnüşlere we kategoriýalara bölmeli bolýar. Mysal üçin, tehnologiýa, oba hojalyk we ş. m.

Ep-esli ýyl mundan ozal "Forbes" žurnaly özüniň milliarderleriniň sanawyny 200-e çenli azaldypdy. Sebäbi, eýýäm gapjygynda dokuz noly bolan oglanlaryň hemmesine ýer ýokdy. "Fontune" žurnaly bolsa "40 ýaşdan aşakdaky iň baý adamlaryň" sanawuny düzdi. Soňra bolsa, "Forbes" 400 sany iň baý

amerikalynyň ýygyndysyny yglan etdi...

Hawa, bular ýaly adamlar belki-de siziň hem ýakynlaryňyzda ýaşaýandyr. A siz bolsa olaryň hatarynda dälsiňiz.

Öňler baý bolmasaňam bolýardy, şonda-da hemme zat ýerbe-ýerdi. Siz başgalar bilen arkaýyn oturşyp, turşyp bilýärdiňiz, baý bolmak hökmanam däldi. Ýöne, indi welin köpler baýaýar. A siz bolsa

bary-ýogy "ýeterlik" gazanç edýärsiňiz, we eýýäm edeni ugruna bolmaýan, şowsuz adam ýaly görünýärsiziňiz.

Bu gün bolsa men okujy üçin birnäçe sowal we jogap taýýarladym. Bu soraglar bary-ýogy "ýeterlik" gazanýan we şonuň üçinem özüni pes tutýan adamlary biraz köşeşdirer. (Eger-de siz baý bolsaňyz, onda bu ýazylanlary okap, öz ýanyňyzdan şatlanyp we jykyr-jykyr gülüp bilersiziň.)
 

Sowal: Näme üçin menden başga hemme elektron we kompýuter senagatynda işleýän adamlar baýaýar?
Jogap: Hawa, bu hakyt şeýle.

Sowal: Men baýamok --- bu meniň gaty gowy adam däldigimdenmi?

Jogap: Ýok! Islendik bir meşhur ykdysadyýetçi size munuň sebäbini düşündirip biler. Siz baýaňyzok, sebäbi "durmuş şeýle gurulan". 

Sowal: "Durmuş şeýle gurulan"?
Jogap: Hawa. Siz, megerem, ykdysadyýetiň başlangyçlaryny gowy bilýän dälsiňiz. Bilýäňizmi, her bir ykdysadyýet taýdan berk jemgyýetde adamlaryň iki topary bolýar: baýlar (olar) we baý däller (siz). Bu siziň hiç bir roly ýerine ýetirmeýändigiňizi aňlatmaýar. Aslynda, siz gaty wajyp roly oýnaýarsyňyz. Düşünýärsiňizmi, baýlaram biriniň hasabyna baýamaly ahyryn. Ine, şu ýerde bolsa siziň ajaýyp roluňyz
gelýär. 
Sowal: Meniň baýamak gezegim hiçem ýetmezmi?
Jogap: Hiç haçan.

Sowal: Näme üçin?
Jogap: Durmuş şeýle gurulan-da. 

Sowal: Ýöne, men görüp durun-a, meniň käbir goňşularym nähili maşynlary münýärler, nähili köşk ýaly jaýlarda ýaşaýarlar. Olaryň puly meniňkiden onçakly köp däl-ä, şeýle gerek?
Jogap: Görýän welin, siziň maşynlardan gowy başyňyz çykýar. Ine, şeýle: eger-de olar "Mersedes" bolsa, siz --- "Zaporož".
Sowal: Ýöne, gaty baý adamlar iki-ýeke bolýar dälmi, Bill Gates dagy ýaly? Iň azyndan, şol sanawlardakylaryň köpüsiniň puly meniňkiden kän köpem däl-ä, şeýle gerek?

Jogap: Siz, mysal üçin, Ji Young Kim barada eşidipmidiňiz? Ýa-da onuň işleýän "Yuri Systems" kompaniýasy barada? Ine, şonuň 429 million dollary bar. 

Sowal: Mysal üçin, men ruhumy satasym gelse näme? Men öz ruhumy satyp gaty baý adama öwrülip bilerinmi?
Jogap: Öňler ruhuňy satyp gowja pul gazanyp bolýardy. Ýöne, näletsiňen orta asyrlar indi geçdi. Näbileýin, eger-de siz Internetde ruhlaryň alyş-satyş saýtyny açyp bilseňiz, belki-de, birzatlar bolsa-da bolaýar. 

Sowal: Men okapdym, Bill Gates'de 85 milliard dollar barmyşyn we ol öz pulunyň belli bir bölegini başgalar bilen paýlaşmakçymyşyn. Ol maňa-da 1-2 millionjyk dagy bermezmi-kä?
Jogap: Indiki sorag. 

Sowal: Beh, onda mende baý bolmak üçin hiç-hili mümkinçilik ýok-da?
Jogap: Hiç-hili. 

Sowal: Azajygam bolsa ýokmy?
Jogap: Azajygam ýok. 

Sowal: Çalajadamy?
Jogap: Boldy, bar işiň bilen bol.

* Terjime eden: Blackrain, 20.03.2011

Mowzuk ýaradymy?

Hawa(89%, 17 adam)

Ýok(10%, 2 adam)