Aleme iyberlen Mukades Kitap hakynda!

Pygambermiz asv aydanlary:
“Ýadynda Kurandan hiç hili aýat bolmadyk bir kişi haraba dönen bir öý kimindir”.
“Kuranyň haram eden zatlaryny halal hasaplan kişiniň Kurana ynanmadygydyr”.
“Kurandan bir harp okan birisi bir hasene (ýagşylyk) gazanar. Onuň ol ýagşylygyna bolsa on esse sogap berler...”.
“Diňe iki kişä imriniler: Birinjisi, Kurany öwrenen we gije-gündiz ony okaýandyr. Ikinjisi bolsa, Allah Tagala tarapyndan özüne baýlyk yhsan edilip, ol baýlygyny gije-gündiz Allah ýolunda sarp edýän kişidir.”
“Kuran okaýan mümin edil ütrüjje (apelsin) ýalydyr. Onuň ysy-da, tagamy-da gözeldir. Kuran okamaýan mümin hurma ýalydyr. Onuň ys-koky ýokdur, emma tagamy gowudyr. Kuran okaýan mynapyk reýhana meňzär. Onuň ysy gözeldir, tagamy welin ajydyr. Kuran okamaýan mynapyk bolsa Ebu Jehil garpyzyna meňzär. Onuň ys-kokunyň bolmaýşy ýaly, tagamy-da ajydyr.”

“Allah Tagala gürrüňsiz bu Kuran bilen (amal edýän we okaýan) kowumlary beýgelder. Onuň bilen amal etmeýänleri we ony okamaýanlary bolsa peselder.”
“Kimde kim Kurany okasa we ýat tutsa, Onuň halal eden zatlaryny halal, haram edenini-de haram kabul etse, Allah Tagala ol kişini jennete alar. Aýratyn hem ýakynlaryndan jähenneme girjek bolan on kişä şepagat etme haky berler”.
“Kimde kim Kurany okap, onuň bilen amal etse, Kyýamat güni onuň kakasyna bir täç geýdiriler. Bu täjiň şöhlesi Günüň öýleriň içini ýagtylandyryşyndan has gözeldir. Onda siz hut Kuran bilen amal edeniň nähili şöhle saçjakdygy barada pikir edýärmisiňiz?”

“Kurany Kerimi okaýan bir kimse soňradan (ol ony terk etse we okamakylygy) unutsa, Kyýamat güni ol jüzzamly (pis açan) halda Allaha gowşar”.
“Kurany teganni (kadaly, labyzly) okamaýan bizden däldir”.
“Allah Tagala gözel sesli Pygamberiň Kurany teganni bilen okamagyndan razy bolşy ýaly, başga hiç bir zatdan razy bolmandyr”.
“Kuran gamgyn halda inendir. Ony okanyňyzda hem gamlanyň.”

Ýene bir Hadysy Şerifde:
“(Häzire çenli) inderilen Kitaplaryň içindäkileriniň ählisi Kuranyň içindedir. Kuranyň içindäkileriniň ählisi “Fatihanyň” içindedir. “Fatihanyň” içindäkileriniň ählisi-de “Besmeläniň” “b” harpyndadyr”.

Resuly Ekrem “Süreýi Ýasin” hakynda:
““Ýasin” Kuranyň ýüregidir. Gürrüňsiz ol bütin dertlere şypadyr.”

Her bir zadyň bir kalby bardyr. Kurany Kerimiň kalby-da Ýasin süresidir. “Ýasini” bir gezek okan kişä – “Ýasinsiz”, Kurany on gezek hatm sogaby berler.
“Anna agşamlary “Ýasin” süresini okaýan kimse magfyret edilen, ýalkanan halda ertire çykar.”
“Säher bilen oýananyňda “Ýasin” süresini okaýan kimsäge ol günüň ýeňillik we begenji berler, agşam bolanda okaýanlara bolsa ertire çenli ol gijäniň rahatlyk we begenji berler. Jennet ähli Kurandan diňe “Ýasin” we “Taha” süresini okarlar.”
“Kuranda bir süre bardyr. Özüni köp okaýana şepagat eder. Diňleýän bolsa magfyret ediler. Dykgat ediň, ol “Ýasin” süresidir...”
“Gabrystana baran adam ol ýerdäki ýatanlar üçin “Ýasin” süresini okasa, Allah Tagala okalan “Ýasiniň” hormatyna olaryň azabyny ýeňleder. Okaýan kişä-de harplarynyň sanyça sogap berler”.
“Kimde kim sabaha ýetende üç gezek “Euzu billähis-semiul-aliými mineş-şeýtanirrajiým” diýip we “Haşr” süresinden üç aýat okasa, Allah oňa ýetmiş müň melegi wekil taýyn eder. Olar agşama çenli oňa rahmet okarlar, eger-de ol kişi şol gün ölse şehit bolar. Agşam wagty ýene şu şekilde okasa, ertire çenli edil şunuň ýaly bolar.”

👏
👏

Semure b. Jündüb şeýle habar berýär: “Resullullah (s.a.w.) köplenç sahabalaryna: “Siziň içiňizde düýş göreniňiz barmy?” diýip sorardy. Şondan soň oturanlaryň arasynda kim düýş gören bolsa, düýşüni gürrüň bererdi. Ol (s.a.w.) hem Allanyň halan uslybynda ol düýşi ýorardy. Bir gezek Pygamberimiz (s.a.w.) ertir säher bilen şeýle diýdi:
“Öten agşam düýşümde ýanyma iki sany adam gelip, maňa “ýöre” diýdiler. Men-de olar bilen bile ýöredim. Soňra biz arkasyny bir zada ýaplap oturan bir adamyň ýanyna geldik. Seretsem, onuň baş ujunda, eli bir bölek ullakan daşly birisi dur. Ol adam elindäki daşyny oturan adamyň depesinden inderýär we onuň kellesini ýarýar. Ondan soň daş-da ýere gaçyp togalanyp gidýär. Ýaňky adam ol daşyň yzyndan ylgap, ony eline alyp yzyna dolanyp gelýänçä, oturan adamyň kellesi oňat bolýar duruberýär. Eli daşly adam bolsa, şol öňki hereketlerini gaýtalap dur. Soňra ýanymdakylara:
- Subhanallah, bu nedir? – diýdim.
- Sen ýene ýöräber – diýdiler.
Ýene-de ýöredik we arkan ýatan bir adamyň ýanyna geldik. Bir seretsem, onuň başujunda eli çarşakly birisi dur. Ol ýatan adamyň gapdalyna geçip, elindäki çarşagyny onuň agzynyň, burnunyň bir gyrasyndan sokup, çarşagyny towlap, agzyny, burnuny ýirýär hem-de gözüniň birini düýbünden çykarýar. Soňra ýatanyň beýleki gapdalyna geçip, edil ýaňky edişi ýaly, onuň beýleki gözüni çykarýar we agzynyň, burnunyň beýleki gyrasyny ýirýär. Ýöne ol onuň ýüzüniň bir tarapyny edýänçä, beýleki tarapy oňat bolýar duruberýär. Ol şonda-da bu işini dowam etdirip dur. Men-de durup bilmän:
- Subhanallah, bular nedir? – diýdim.
- Sen entäk ýöräber – diýdiler.
Biz-de ýöredik. Ahyry tamdyra meňzeş bir küräniň ýanyna geldik. Bir görsem ol küräniň içinden düşnüksiz sözler, erbet goh-galmagaldyr agy sesleri eşidilýär. Ol küräniň içine seretsek, içi ýalaňaç erkekmi-de aýaldan doly. Aşaklaryndan bolsa ot tutaşdyrylypdyr. Ot tutaşdygyça-da olar wägirişip, dady-perýat edýärler.
Men-de:
- Bular nedir? – diýdim.
- Sen ýöre-ýöre – diýdiler.
Ýöredik. Bir derýaň boýuna bardyk. Suwuň reňki bolsa, edil ganyň reňki ýaly gyp-gyrmyzy. Bir seretsem, derýada biri ýüzüp ýör. Derýanyň kenarynda-da töweregine birgiden daş üýşürilgi bir adam dur. Ol derýaň içindäki adam bolsa güýjüniň ýetdiginden ýüzüp, hälki, ýanyna bir topar daş üýşürilgi adamyň ýanyna gelýär we agzyny açýar. Ol adam-da onuň agzyna bir daş atýar, ol-da täzeden ýüzüp gidýär. Soňra aýlanyp ýene-de derýanyň kenaryna gelýär. Edil öňküsi ýaly, her gelende-de agzyny açýar, beýlekisi-de oňa bir daş ýuwutdyrýar.
- Bu ikisi nämedir? – diýdim.
- Ýöre-ýöre – diýdiler.
Ýöredik, soňra biz, şeýle bir murdar, şeýle bir aýylganç, hatda “Bu ynsanmyka bir” diýiljek bir adamyň ýanyna geldik. Seretsek, ol adam ot ýakyp, ol oduň daşyndan aýlanyp dur.
- Bu näme? – diýdim.
- Ýöräber, ýöräber – diýdiler.
Ýöredik. Ahyry, her dürli gül-gunçalar ösüp oturan, ýaýylyp ýatan gülälekli meýdana ýetdik. Seretsem, meýdançanyň ortarasynda uzyn boýly bir adam dur. Eger biraz gijiräk galan bolsam, onda onuň seleňläp göge ýetip duran başyny görüp bilmezdim. Daşyny-da henize bu güne çenli görmedik çagalarym. Çagalar şeýle kän welin, sanap gutarar ýaly däl.
- Bular näme? – diýdim.
- Ýöräber, ýöräber – diýdiler.
Ýöredik. Bir agajyň ýanyna geldik. Men henize çenli beýle beýik we owadan agajy görmändim. “Bu ýere gir!” diýdiler, girdik. Seretsem, kerpiçlerine çenli altyndyr kümüşden gurlan, giden bir şäher. Şäheriň derwezesine bardyk we ol gapynyň açylmagyny isledik. Gapy açyldy. Seretsek, bizi garşylamak üçin birgiden adam garaşyp dur. Özünem olaryň ýarpy göwreleri-hä şeýle bir owadan, şeýle bir gözel, beýleki ýarpy göwreleri-de diýseň gorkunç, diýseň pis. Ýanymdaky şol iki kişi olara: “Gidiň-de derýa giriň” diýdiler. Seretsem, öňümizde çüýşe ýaly dury suwly, lummurdap derýa akyp ýatyr. Özünem, şeýle bir giň welin, aňyrsyna-bärsine göz ýeter ýaly däl. Suwuň reňki bolsa, edil arassa süýdüň reňki ýaly. Ýaňkylaryň hemmesi bu derýa girip çykdylar. Soňra bolsa, dolanyp biziň ýanymyza geldiler. Seretsem, olardaky hälki erbetlikleriň ählisi aýrylypdyr we şeýle gözel şekile giripdirler. Ýanymdakylar maňa: “Bu Adn (Jennetde bir derejäniň ady) Jennetidir. Şu-da seniň mekanyňdyr” diýdiler. Gabagymy galdyryp seretsem, ak buluda meňzäp duran bir köşk dur. Olara:
- Allah bereketiňizi artdyrsyn. Meni-de goýberiň, gireýin – diýdim.
- Häzir bolmaz, emma sen ol ýere girersiň – diýdiler.
- Bu gije geň-ajaýyp zatlar gördüm, bu görenlerim nämäň alamatydyr? – diýdim.
- Biz saňa bulary aňladaly diýip, başdan-aýak bolup geçen zatlary düşündirmäge başladylar. Ilki görenimiz, depesine daş bilen urlup, sütem edilýän adam, Kuran okamagy öwrense-de ony okamaýan we uklap, parz namazlaryny wagtynda ýerine ýetirmeýän adamdyr. Ol erni, burny çarşak bilen towlanyp, düýbünden ýyrtylyp, tä ýeňsesine çenli süýndirilen we gözi köwlenip çykarylan adam-da, öýünden ertir bilen ýaman niýetli çykyp, tä uzaklara çenli ýalan gepler ýaýradan birisidir. Tamdyra meäzeş küräniň içinde, astynda ot goýberilen ýalaňaç erkekler we aýallar bolsa, zyna edenlerdir. Derýada ýüzüp ýören we aralygynda kenara gelende agzyna daş atylýan adam bolsa, faiz iýen (prosent alan süýthor) kişidir. Ot ýakyp daşyndan aýlanyp ýören, aýylganç görnüşli birisi bolsa, jähennem işleri bilen jogapkärli Mälik atly melekdir. Gülälekli meýdandaky uzyn boýly adam bolsa Ybraýym Aleýhisselamdyr. Töweregindäki çagalar-da heniz kiçijik ýaşda ölen çagalardyr...
- Eý, Resulallah, olaryň içinde müşrikleriň çagalary-da barmydyr? Ol günäsizje çagalaryň içine olar hem girýärmi? – diýip soraldy.
- Müşrikleriň çagalary-da ahyretde musulman çagalary ýalydyr. Ol, ýarpy göwresi owadan, gelşikli, galan bölegi-de aýylganç kişiler bolsa, ýagşy amallar bilen birlikde ýaman işleri-de edenlerdir, ýagny hem sogap, hem günä ýüki bilen gelenlerdir. Eden ýagşy-ýagşy işleri üçin Allah Tagala olary bagyşlandyr..

mugallym.narod.ru

Teswiromania:
her hili wahabistlaram kopelipdiray

butin adam zada iberlen bolsa namucin arapca, terjime etsek bolmayamy manysyna dushuner yaly

gurbik:
butin adam zada iberlen bolsa namucin arapca, terjime etsek bolmayamy manysyna dushuner yaly

tersan jan edýän dälsiň Hudaýa shukur shu wagt islän diliňde KURAN KERIM bar ahyryn. türkmen dilindede bar ahyryn

pgs:

gurbik:
butin adam zada iberlen bolsa namucin arapca, terjime etsek bolmayamy manysyna dushuner yaly

tersan jan edýän dälsiň Hudaýa shukur shu wagt islän diliňde KURAN KERIM bar ahyryn. türkmen dilindede bar ahyryn

Hojahmet Ahunyňkyny okada tapda.

bizin mollalarymyz yalnyshyamyka ya dine arapca okayalar welin toyda-yasda. Hojahmet Ahun olar bilen habarlashyp bilmedimika. turkmenche okasan bolyamy meselem Yasyn diyyaler, yarym sagatlap okayalar, onson hemme kishi bir zada diyya bu arapcha diyip sesini chykarman dinleya shony alyp terjimesini okasanam bolyamy adam jaylananda

mowzugyda teswirlerida haladym, milletimiz oz dinini gun gunden cunnur owrenyar Allaha shukur abadancylyk bolar geljekde-de! yene-de iyberilen dal-de iberilen bolmaly)) 

Şükür aga, köp sag bol, mowzugyňy haladym, berekellah!

Rugsat bolsa mende-de birki sany sorag bar. Mülk süresine /Tebärek/ Kurany Kerimiň täji diýýärler, Ýasyn süresine Kurany Kerimiň kalby diýýärler, bularyň sebäbi nämekä? Ýene-de Aýatyl Kürsini aşa köp okamakdan zyýan geler diýýärler. Ýogsa, Aýatyl Kürsi aýatlaryň iň üstünidir diýip eşidipdim. Munuň aňyrsynda näme hikmet bolup biler?

Şükür aga, köp sag bol, mowzugyňy haladym, berekellah!

Rugsat bolsa mende-de birki sany sorag bar. Mülk süresine /Tebärek/ Kurany Kerimiň täji diýýärler, Ýasyn süresine Kurany Kerimiň kalby diýýärler, bularyň sebäbi nämekä? Ýene-de Aýatyl Kürsini aşa köp okamakdan zyýan geler diýýärler. Ýogsa, Aýatyl Kürsi aýatlaryň iň üstünidir diýip eşidipdim. Munuň aňyrsynda näme hikmet bolup biler?

tersan:

Teswiromania:
her hili wahabistlaram kopelipdiray

haçanda musulmanlary Kur,äniň çagyrana wähabi diýýän bolsan onda senä gutarypsyň ýara sen ulymsyzlykdan diýýäň ýada saňa biri pul berip diýdirýär.Gadyrly teswirçiler şular ýalylardan ägä boluň sebäbi käbir toparlar biziň elimizdäki Kur,änede dil ýetirýänlerde bar şolaryň iň ulylary Şiga Rofidasydyr.

''Magtymguly  okar  Gurhan,
Ahyryetde  dilar  iman'' 
 
Kop-kop  minnetdar  Shukur  jan  biradar. 

<

blockquote>Bashlyk:

<

blockquote>shukur:

<

blockquote>Bashlyk:

shukur:

<

blockquote>InSolemmenT:

<

blockquote>Bashlyk:

<

blockquote>shukur:

<

blockquote>Bashlyk:

shukur: