Göresim gelýär

Kirpigimden aslyşanda damjalar,
Gussalar eýerläp atanda ýükün,
Sönüp barýan kuýaş deýin alawlap,
Arzuwlam ýyllara bolanda dökün,
Ýönekeý sebäpden tapyp howsala,
Bimaksat ýellerim yranda çöpün,
Ýatlamalaň yzasyna çydaman,
Harlanan duýgulam, düşende çökün,
Şol pursat meň seni göresim geldi...

Soňy gelen bir näbelli umydyň
Salgym deýin saralanda gurşawy,
Ýazgydyna nokat goýan täleýiň
Gözlänimde üytgewine rugsady,
Duralgasy gurulmadyk ýollaryň
Uzaklygnyň jebir beren pursady,
Ýüregimde sygyşmadyk gaýgylar
Elenende, kapas görüp gursagy,
Şol pursat meň seni göresim geldi...

...Daglara gygyrsam, ses beren daglar
Salgysyn bermedi ýalňyzlyk emin.
Ynanyp söýýänler aglaýar eken,
Ynanyp söýemde, barmydy kemim...?

Gitseň-de,
seň adyň soňky söz bolar,
Alanda ýüregim iň soňky demin...

Allanur ÇARYÝEW