Maglumatlar geçirlende Windows 7-den Windows 10 has tapawutly!

Maglumatlar geçirlende Windows 7-den Windows 10 has tapawutly!

Windows 7 gurnalan dürli kompýuterlerde (noutbuklar hem degişli) bar bolan USB 3.0 port-larynda her dürli ölçegdäki faýllary elde göterilýän gaty disklere (HARD DISK) geçirip syn eden wagtymyzda olarda iň ýokary tizlik görkezeni 60-70 Mb/sekunt bolupdy. Bu hem örän seýrek ýagdaýda gabat gelýär (Käte 90 Mb/sek bolan ýerleri hem bolupdy).

Windows 7 ulgamynda işleýän kompýuterlerde faýllary gaty diskden geçirip alyş/çalyş edilende olaryň adaty tizligi 30-35 Mb/sekunt möçberde bolýar. Gaty disk USB 3.0 port-a birikdirlendigine garamazdan ýokary tizlikde faýllar geçirilmeýär. (Onuň käbir sebäpleri hem bolup biler, ýöne hiç hili sebäpsiz hem ýokary tizlige ýetip barmaýar)

Men bu ýerde Windows 7-iň faýl geçiriş tizligine seljerme berjek bolýandyr diýip pikir etmegiňizde mümkin, ýöne asla olar ýaly pikirim-de ýok.

Bu ýerde men Windows 7-de ?30-35 Mb/sek tizlikde maglumat geçirip duran kompýutere Windows 10-y gurnamagyň hasabyna iň pesinden ☞60-70 Mb/sek tizlige eýe bolup biljekdigiňizi we siz USB 3.0 port-y ulanmagyň hasabyna ☛90-100 Mb/sek tizlikde maglumatlary (faýllary) geçirip biljekdigiňizi arkaýyn aýdyp bilerin.

Eýýäm ençeme wagtdan gabat gelip durýan ýagdaýlarymyň biri hem hut şunuň özüdi, ýagny şol bir kompýuterde, şol bir faýly ilki Windows 7 we soňra Windows 10 ulgamynda Hard disk-e geçirip tizliklerini deňeşdireniňde 3 esse diýen ýaly ýokary netijäni Windows 10-da görmek bolýar.

Eger siziň kompýuteriňizde USB 3.0 port bar bolup, özüňizem ýygy-ýygydan uly faýllary ondan-oňa geçirip durmaly bolýan bolsaňyz şeýle hem hökman Windows 7/XP ulgamy bolmagyny talap edip durýan programmany ýa-da oýuny ulanmaýan bolsaňyz onda täze Windows 10 ulgamyny gurnap onuň göze görnüp duran hyzmatyny, ýangny USB 3.0 port-yň ýokary geçiriş tizliginden peýdalanyň.

Özümä köplenç uly möçberdäki faýllary geçirip durmaly bolýanlygym sebäpli Windows 10 ulgamyna birçak geçmändigime gynandym. Windows 7-de ulanýan programmalarymyň ählijesi hem Windows 10 ulgamynda hem işläp duranlygy üçin täze ulgam has-da göwne ýarady.

Aşakda ýönekeýje bir meselem hökmünde faýlyň geçýän wagtynda onuň tizligini meselem hökmünde surata aldym:⤵

Windows 10-da uly ölçegli maglumatlary ondan-muňa geçirmek indi köp wagtyňy almaýar. (Bir ýerde boş ýer bolsa dolduryp boljak ekeni ýokary tizligiň hasabyna?)