BOLJAK GELNIME ÖWÜT... goşgy

Men senden islämok çäksiz gözellik,
Olam kem bolmasyn,owadanja bol.
Goý tarypyñ bolsun goşgy gazallyk,
Gahar gazabyñy ýuwudanja bol.

İlki bilen awla ejemiñ göwnün,
şony razy etseñ bolarsyñ göwnüm,
Gepiñ gykylyga edäýse öwrüm,
ýürekde saklama unudanja bol,

Köplügiñ içinde,bolsun abraýyñ,
Syla ýakynlaryñ ýasyny,toýun,
Kömek islänlerden goý dolsun öýüm,
Teşnäñ dodagyna damaganja bol

Rysgally öýümiz gupba dek bolsun,
ýakyndan,alysdan myhmanlar gelsin,
şeýle gelinimiñ bardygyn bilsin,
BiR çetdejik senem guwananja bol.

Dostlarym gelende höwes etsinler,
Hyzmatdan ganygyp,gelip gitsinler,
Olaram sen ýaly gelne ýetsinler,
Gelene hyzmatda duraganja bol.

Birinden aýama hiçem gök çaýyñ,
Ol meniñ kakamdyr,a saña gaýyn,
Goý nahar iýlende,haýyşym aýym,
öýde tapdyrmasa elde çemçe bol.

Munym kemsitme däl,sylagdyr uly,
Gelin bolmak diýmek synagdyr uly,
Haýyşym bolmagyn baýlygyñ guly,
Garyp,ýöne ýüzi gülegenje bol.

Allam bize ogul bersin,gyz bersin,
Biri daýhan,biri asperant bolsun,
Beren mähriñ ikisinden deñ gelsin,
Görkezen mähriñi göregenje bol.

Buýruk däl,haýyş däl öwütdir bilseñ,
Toýa çen şulara taýynlyk gör sen,
ýene bar, aýdaryn ony toýdan soñ,
Oña çen sabyrly ýöregenje bol