Hudaý gorasyn welin...

Dünýäde bolýan zatlary görüp her zat kelläňe gelýär. Bir ýerini sil alyp ýatyr, ýene bir ýerde ýer ýerinden oýnaýar...men göni tema geçmekçi.
 
Bilşimiz ýaly biziň gözel paýtagtymyz Aşgabat seýsmiki zonada ýerleşýär. Özem ýöne-möne däl. 1948-de bolan zarply ýer yranmadan hemmämiz habarly. Hudaý gorasyn welin, bu zatlar adamlaryň elinde däl. Şeýle ýagdaý gaýtalanaýsa, şoňa taýýarlygymyz barmyka? Täze gurulýan binalar şoňa çydamlymyka? Gurluşyk ministrliginiň inspektorlary şu zatlary içgin barlaýalarmyka? Meniň pikirimçe aşakdaky zatlar häzirden göz öňünde tutulmaly:
 
1. Adatdan daşary ýagdaýlar ministrligi döredilmeli (MÇS). Bu ministrlik şeýle ýagdaýlara, ýagny tebigy we senagat betbagtçylyklaryna taýýar bolmaly.
 
2. Adatdan daşary ýagdaýlara taýýarlyk türgenleşigi. Mekdeplerde, ýokary okuw jaýlarda, edaralarda şeýle ýagdaýlarda ilki bilen näme etmeli - şu zatlar ýylda bir gezek profilaktika edilmeli.
 
3. Seýsmologiýa edarasyna dünýäniň güýçli tehnologiýalaryny ornaşdyrmaly. Ol ýerdäki kadrlar hem işini çigit döwen ýaly bilýän bolmaly.
 
4. Radio işgärleri bu ugurda kurs geçmeli (TW we gazetlere däl). Şeýle ýagdaýda adamlary aljyratman nädip ýol görkezmeli, ýagdaýlary nähili düşündirmeli, nähili tonda gürlemeli - bular gerek.
 
5. Awazada gurulýan binalary deňze golaý etmeli däl. Hazarda kan ýer sarsýar, ol seýsimi zona. Eger uludan sarssa, suwuň joşmajagyna garantiýa yok.
 
6. Milli gymmatlyklaryň sanawyny düzmeli we adamlardan soň ilki bilen şolar halas edilmeli. Bular esasan hem muzeýdäki eksponatlara we arhiwdäki dokumentlere degişli.
 
7. Hassahanalar üçin azyndan 7 gün işläp biljek generatorlary oturtmaly. Tok kesilen ýagdaýynda operasiýa etmäge we reanimasiýa adam ýerleşdirmäge taýýar bolmaly.
 
8. Gyzgyn liniýa döretmeli - 911 ýaly - we şo liniýanyň nomerini her adam öz ady ýaly bilmeli. Sebäbi adamlar köplenç şeýle ýagdaýlarda aljyrap, nirä jaň etjeklerini bilenoklar. 
 
9. Tebigy betbagtçylyk döwri üçin niýetlenen baza bolmaly. Ol ýerde medisina dermanlary, azyk harytlary, çadyrlar we beýleki gerek enjamlar ulanylman saklanmaly.
 
10. Her welaýatda bir merkez döretmeli we ol merkez tebigy betbagtçylyk döwri üçin saklanmaly. Her biri gerek bolsa beýleki welaýatdan ewakuasiýa edilen adamlary alyp bilmeli.

Budjetden şu zatlar üçin häzirden pul çykarmalymy?

Hawa(94%, 34 adam)

Ýok(5%, 2 adam)