Akylly gelin
Bu ýazgynyň diňe başlangyç bölegi saklanyp galypdyr.
Bir ýigit juda akylly we edepli, maşgalasynda gowy terbiýe alan gyza öýlenýär. Ol ýigit gelininden gaty razy eken. Bir gün ol ýigit öz dostlarynyñ ýanyna barypdyr. Ol ahlaksyz adamlaryñ: "Men gelinimi eýleräk urdum, beýleräk urdum!" - diýip, öwünýänlerini eşidip, muña haýran galyp olardan soraýar:
- Näme üçin gelinleriñizi urýarsyñyz? Heý, günäsi ýok gelini-de urup bolarmy?
Onda dostlarynyñ ekabyrragy:
- Mundan añsat zat ýok. Agşamlyk öýüñe eslije et alyp bar-da geliniñ çorba bişiren bolsa: "Men başga nahar iýjek, çorba iýesim gelenok diý!" - diýip, akyl öwredipdirler.
Ýigit ertesi gün agşamara öýne gelip, saçagyñ başyna geçipdir. Gelini täze etden bişiren çorbasyny haýal etmän onuñ öñünde goýýar. Ol gelnine söwünip:
- Meniñ gowrulan et iýesim gelýär!
- Men üzüm ýapragyna dolanan dolama iýjekdim!..
Adamsynyñ häsiýetine belet edepli gelin adamsynyñ hoş gören zadynyñ ählisini elinde baryny edip bişiripdir. Garaz, näme diýse, onuñ göwnüne ýetipdir.
Ýigit ertesi ýene dostlarynyñ ýanyna barypdyr. "Ýeri nähili boldy? Geliniñi urduñmy?" - diýip, olar gyzyklanyp ýigitden sorapdyrlar. Ýigit bolan wakany aýdanynda dostlary:
- Sen bagtly ekeniñ! Geliniñ akylly, edepli, ugurtapyjy eken. Şeýle gelinler ärleriniñ bagtydyr - diýipdirler...
Arhiwiň ýagdaýy
◐ Bu ýazgynyň diňe başlangyç bölegi saklanyp galypdyr.
○ Teswirler saklanmandyr
Ýazylan saýty: ertir.com · Çeşme: RSS lentasy (Feedly) — ertir.com, 23 maý 2017 ý. · Lentany gör ↗
Teswirler 0
Teswir ýok.