YNJAN ÝÜREK.

Maña dymma bolupsyñ, gürle diýýärler.
Mende gürlemäge gurbat galmady. Owadanlap gürlemäge bolsa sözem tapamok. Ýasama sözlere çalşýanam welin, biygtyýar, ikiyüzli gözýaşlar gözümden düwme-düwme bolup gaýdýar, şeýdibem olar meniñ hemmelere aýan etmek islemeýan syrlarymy ile paş edýärler.
Maña ozalkyñ ýaly owadan ýylgyr diýýärler.
Zalym shol gözler. . .
Bilseñiz meniñ arassa çeşmimden owadan ýylgyrşymy ogurlady-da gidiberdi.
Niçe ýalbarýanam, wagytlaýynça bolsa-da gaýdyp ber diýip.
Doñbagyr. . . gaýdyp beräýenok. Sen şeýle zalymmy diñe özüñ hakda pikir eder ýaly. Aýtsana, señ ýüregiñ nämeden, ýüregiñ owazyna düşünmez ýaly?!
Belki bu halaty setirlere geçirseñ, köñlüñ köşeşer diýdiler.
Synanşdym, zat çykmady.
Hamala, sözlerim añyrdan gaýtmaýan ýaly.
A men bolsa ýasamalyga endik etmändirin. Bu yaşaýyşda ýek görýänimem hut şonuñ özi.
Maña uly bagtdan bir çümmejigini golça salyp getirip berdiler. Hemmeleriñ geregini alar ýaly tükenmez şöhleli uly bagta öwür diýip.
Göwünlerini üçinem kabul etmedim.
Aýly gije sen, elmydama-da meniñ syrdaşym.
Men şol gijeden özgä özümi ynanyp bilemok.
Sebibi men olar bilen sessiz düşünşýän.
Olar meniň çyn pikirdeşim.
Köňlimiń syrlaryny hiç kime gürrüñ bermän saklap bilýärler.
Edil deñziñ düýbine atylan daş ýaly gizlin saklaýarlar özem.
Sazlar. . .
Sizi ýöne bir geldi-geçer duýgularyñ döretmeýanine-de şükür.
Size gulak salýarkam, meniň neneňsi merdemsi sypata girýänimi bir bilsediňiz.
Boýun alýan bir hakykaty. Siz meniň yüregimiň owazy.
Sazlar maňa ýuwaşjadan " Sen söýmegi öwredeni däl-de söýgini gorajagy saýlagyn" diýýärler.
Men siziň ynjytmajak bolýanyňyzy duýýan-a. Siz azara galmaň! Barybir men bolmaly ýagdaý bilen ylalaşýana: sebäbi siz maňa bähbitlisini isleýäňiz.
Syn edip otursaň bar zat biri-biri bilen sazlaşykly.
Hiç aýra zat ýok.
Onsañam bir zady yatda saklañ!
HIÇ MAHAL ASMANY GARA BULUT TUTSA GYNANMA.
BIR ZAT BOLAR.
ÖZEM HOKMAN BOLAR.
ERTIR HÖKMAN $UGLALY GÜN DOGAR!