ilki ýürek ölýär
Begenjimi siz bilen paýlaşmak isledim. Türkiýede täze kitabym çykdy. Ol barada maglumat almak isleseňiz google daýydan kitabyň adyny ýazyp gözledip bilersiňiz.
Türkiýedäki agzalar, umuman okyjylar ony kitapçylardan alyp bilerler. Okanyňyzdan soň pikirleriňizi ýazarsyňz diýip umyt edýän.
Arhiwiň ýagdaýy
● Doly tekst
● 65/65 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 65
nam barada?
Gysgaça aýtsam, bir adamyň irden turanda ýüregi uranok. Sebäbi näme? Temperaturasy aşak (süýrenjileriňki ýaly). Kitapda ýürege agram salýan wakalar bir adamyň başdan geçirmesi bolup beýan edilýär.
gyzyklyja yalyla
gutlayan Yhlas aga
🙂
gutlyan yhlas aga.enşalla kitapcylarda satylyp başlandan alyp okajak 🙂 içinde name barka? sabyrsyzlyk bilen garaşyan
Satylyp balanan bolsa gerek. Gara pişigiň maslahatyna gulak asyp, türkmençesinden bir bölümi teswirlere goýaýyn.
hawa goyayin hayiş ertir okaryn enşalla!
(Bu alan bölümimde baş garyman Ol adamyň aýaly ýedinji gatdan özüni oklaýar)
Ol adam ilki gözüne-de ynanman, soň bolsa liftiň gelerine-de howlugyp basgançakdan ylgap aşak düşýänçä töweregiň baglaryna seredýän Ybraýym aga gana bulaşyp ýatan Maýsaň gyzyl gyňajyny ýüzüne ýapyp ýetişipdi. Hereketsiz, gaňyrlyp ýatan elleri rezeli goýup, eşiklerini düzedişdiripdi. Indi kelläň degen ýerindäki gan diýäýmeseň Maýsa ýüzüni ýapyp, rahat ýatana meňzeýärdi. Ol adam gelişine Maýsaň ýüzüni açjak boldy. Ybraýym aga ony döşünden itip, zor bilen saklady.
- Oglum, kysmatydyr. Özüňi dürse. Öleniň yzynda ölüp bolmaz. Maňlaýynda bardyr, bendäň. Kir serişdirjek boldumy, nätdimi aýagy taýandyr. Beýdip köçe-de ýatmasyn, adamlar, öýe ýygnalyň.
Az salymyň içinde hümer bolup üýşen adamlaryň biri bir ýerden aşagyna düşär ýaly köneräk keçe getirdi. Ybraýym aga «sen beýt, sen eýt» diýip gaty parahat buýruk berýärdi. Jesedi göterip keçäň üstünde ýatyrdylar. Ýarylan kelleçanakdan ganyň gelmesi henizem kesilenokdy. Ýaşulyň aýdyşy ýaly dört adam keçäň daşyndan jesedi gujaklap göterip alyp ugradylar. liftiň agzyna gelenlerinde Ybraýym aganam aljyraňňylyk basdy. Jeset lifte sygmaýardy.
- Şu gidişiňize basgançak bilen gidiberiň bolmasa.
Ol adam adamlaryň öňüne geçip sakga durdy. Jesedi çala dikeldibiräk gujagyna aldy-da, lifte girdi.
- Dur-dur, öli diriden agyrdyr, götertmez. Oglanlar biriň kömek ediň.
Emma ol adama nädip kömek etjek? Kimdir biri liftiň ýedilik ýazylgy düwmesine basdy. Liftiň içinde ýene birine ýer ýokdy. «Agyrdyr» diýilenini eşidenden boldumy ol adamyň dyzlary biygtyýar epilip çommaldy. Bu dünýä gelip, eden ähli etmişleri gujagyna berlen ýaly boldy. Oňa şu wagt kömek etmän haçan etjek? Ol adamyň welin, isleýän kömegi – kömek etmek isleýän ynsanlaryň gözünden halas bolmakdy. Bu dilegi kabul bolan ýaly liftiň gapysy ýuwaşlyk bilen ýapyldy.
Şeýdip ol adam, gujagynda Maýsa ýokary göterlip ugrady. Maýsaň ýyly ganynyň soňky damjalary keçeden geçip onuň goluny jümşüldetdi. Dartylyp duran gyňaç jesedi biynjalyk edýän bolaýmasyn diýip ony çekmekçi boldy. Elindäkini tas gaçyrypdy. Bäbegi elinden gaçjak bolan ene ýaly gorkan ol adam, gyssanyp jesedi berk bagryna basdy. Bu zatlara parhsyz lift iňläp ýokary göterlip gidip otyrdy.
«Wah şeýdip göterle-göterle o dünýä çenli bileje gidip bolsa bolmaýarmy?»
«Bolmaýaýar» diýýän ýaly lift ýedinji gata ýetip sakga durdy. Gapy ýene ýuwaşlyk bilen açylanda agzynda garaşyp duranlar jesedi aldylar. Ol adam gan bolan bilegini gizlemäge gyssandy. Ýerinden turmaga rowgaty ýokdy. Maýsaň erkek doganlaryndan biriniň turmaga kömek etjek bolup elini uzatmasyna ol bilegindäki gan yzyny görjek bolýandyr öýdüp tisgindi. Birdenem kömek ediljek bolunýanyny aňyp:
- Sen baryber, özüm turaryn – diýdi.
Özüm turaryn diýse-de, wagty bilen aýagy ýazylmady. Onýança-da liftiň gapysy ýapyldy-da, aşak inip ugardy. Liftdäki öçügsi sary ýagtylyk ýeke galan ol adamyň beýnisini gurşap aldy. Esli wagtlap ol hiç zady görmedi, hiç zady eşitmedi, hiç zada akylam çatmady. Iki garagyna saman, çöp-çalam dykylan ýaly bar zat sarylygyň aňyrsyndady.
Tabyda mündürlen Maýsany ýedinji gatdan aşak düşürmegem aňsat düşmedi. Sähne ýaly bolup ýören ol adam indi ony gujagyna alyp lift bilen düşürip biljek däldi. Asla düşürjegem bolanokdy. Obadan gelen ýaşulylaryň biri gaharyna «Ölüsini otlamalymyka munda ýaşaýanlar? Nä myrdar bü?» diýip, elindäki hasasyny diwara urdy. Lifte-hä asla sygmajak tabyt, basgançaklardanam aýlatdyrmansoň, tabydy boşadyp, jynaza duruljak ýere jesedi keçäň arasyna salyp düşürdiler. Içinden ruhy giden öli däl-de, özi dar basgançakda iki ýana aýlanana meňzeýän ol adamyň jeset ýere düşenden soň dünýesi giňedi.
Tabytda ykjam ýerleşdirilip, üsti örtülen Maýsa: «Indi boldy. Men iň dogrusyny etmedimmi näme? Meniň bilen ýaşaşmagyň, ýa-da menden aýrylyşmagyň aladasyny edip ýörmän, sen indi öýüňe arkaýyn girip çykarsyň. Tabydyň haýsy ýana öwürseňem dar basgançakdan geçmeýişi ýaly, ikimiziň bile ýaşaşyp bilmejegimizem görnüp duran zatdy ahyryn. Onsoň iki jahan owarrasy bolup ýörenden ahyrynda barmaly dünýämi saýlanym dogry dälmi? Oglumam garnyny dok, eşigini bitin etseň, meni küýsese bäş gün küýsär. Öýeribilseň soň menem gerek bolman, senem» diýen ýaly boldy.
Ol adam boş beýnisine bu pikirleriň nireden gelendigine haýran galdy. Onynça-da jynaza namazy okalyp bolnup, Maýsaň ýakyn dogan-gardaşlary ses edip tabydy ýerden göterdiler. Ol adam märekä goşulmaga zordan ýetişdi.
Kitap Özet
İşte o zaman yaşamak, acı çekenler için değil de acı çektiren için kurtulmak mümkün olmayan bir zindana dönüşür
Kalp, ancak kendisiyle yüzleşebilir, pişmanlık gözyaşlarıyla yıkanabilirse eski canlılığına kavuşur, o zindandan kurtulur
“Önce Kalp Ölür”, duran bir “kalbin” yeniden atma mücadelesi...
Başkalarını acılara boğmuş bir kalp, gün gelir, bu acıların altında dayanamaz, durur, atmaz olur
kaynak: x forum!Türkiyede okayanlar şu yerden satyn alypp bilerler
Begendim! Gutlayaryn! Galamynyz kutelmesin! Hokman tapyp okarys.
woow menem hemme agzalaryn begenjine goshulyan! gutly bolsun ylyas dayi 🙂 Tmda tapyp bolarmyka shu kitaby? onsonam terjimani kim etdika?
Kitaby nirden tapyp bolarka? Biza turkiyede dal..
salowmaleykum Ylyas agam. taze kitabyngyz gutly bolsun, galamynyzyng ujy yiti bolsun.
Gutly bolsun Ylyas aga, taze kitabynyz, Galamynyz mundanam yiti bolsun!
yakynda kitaby satyn alyp, pdf`lap goyaryn bu yere!
Tuweleme 🙂 ellerinize saglyk Yhlasly aga! Chynynyz bilen yhlas etdiniz 🙂 dowamly bolsun IN$ALLAH.
Ullakan ish edenin bor dost! garashyan..
Berekella!
Tüweleme!
Höwri köp bolsun!
Türkmençe neşiriniň hem ugruna çykyp gör. Belki, bir zatlar bolar.
Men bu romany birki aýlykda okapdym. Mende munuň türkmençesi bar we kime gerek bolsa, awtoryň rugsady bilen ugradyp bilerin.