Çaý tohumyndan ýag öndürildi

Köpümiziň gündelik durmuşymyzyň aýrylmaz bölegine öwrülen çaý ösümliginden diňe bir gara we gök çaý däl, eýsem, başga önümler hem öndürilýär. Türkiýäniň çaý önümçiliginde öňdebaryjy şereketi bolan “ÇAYKUR” çayyň tohumyndan ýag, çagalar üçin şekerli, limonly gök çaý ýaly önümleri taýýarlady. Çaý ösümliginden başga önümler taýýarlanylanda, çaýyň ýapragy, baldagy we tohumyndan peýdalanylýar. Şereket täze önümler öndürmek maksady bilen Türkiýäniň ylmy we tehhiki barlaglar guramasy we Akdeniz uniwertsiteti bilen geçiren işleriniň netijesinde gök we gara çaýyň gerdejiklerini hem öndürdiler. Çaý gerdejigi adaty çaý ýaly üstüne gaýnan suw guýlup demlenilmeli we garyşdyrylmaly. Limon ysly bu “çaýlaryň” tagam we ys babatda adaty çaýdan tapawudy ýok. Şeýle hem gök çaýdan şerbet hem öndürildi. Dürli witaminlere baý bolan bu şerbeti irden içmek saglyk üçin diýseň peýdalydyr. Şeýle hem çagalar üçin şekerli gök çaý öndürilipdir. Bir ýarym ýyldan bäri üstünde işlenilýän bu önümleriň häzirlikçe nusgalyk görnüşi öndürildi. Golaýda köpçülikleýin önümçiligine başlanylyp, alyjylara hödürlener.