Gybat

Es Selämu aleýkum
eziz musulman doganlar we uýalar.

Ýalan sözlemek we töhmet atmak
haramdyr. Uly günäleriň biridir we kyýamat güni jezasam gaty agyrdyr.

Töhmet atmak şol bir wagtyň
özünde ýalan sözlemekdir. Töhmet we ýalan sözlemek ynsanlaryň arasyny bozýan,
fitne-fesat çykarýan, ynsanlaryň arasyna duşmanlyk we agyz-alalyk salýan
zatdyr.

Ýalançy we töhmetçi kişi
şeýtanyň esgeridir we ýalan sözlemek we töhmet atmak bilen şeýtana hyzmat
edýändir!

Allah Tagala Kuran-Kerimde
ýalançy we töhmetçiler barada: “Ýalan gürleýänler (töhmet atanlar) Allah Tagalanyň
aýatlaryna ynanmaýan kişilerdir. Olar hakyky ýalançydyrlar.” (Nahl
16/: indi ýazmaly).

Pygamberimiz Muhammed
sallallahu aleýhi we sellem ýalançy we töhmetçiler barada şeýle diýýär: “Bir kişi
mü’minde (musulmanda) ýok zady aýtsa (töhmet atsa), töhmet atylan kişi ony
bagyşlaýança, Alla Tagala ony jähenneme salar.” (Ebu
Dawud).

Pygamberimiz Muhammed
sallallahu aleýhi we sellem şeýle diýýär: “Bir mü’minde her hili häsiýet bolup
biler. Emma hyýanat we ýalançylyk bolmaz.” (Ibni
Ebi Şeýbe).

Enes (Alla ondan razy bolsun)
rowaýat edýär:

Pygamberimiz Muhammed
sallallahu aleýhi we sellem şeýle diýýär: “Miraj gijesinde dyrnaklary misden
bolan bir topar gördüm. Bular ol dyrnaklary bilen ýüzlerini (döşlerini)
dyrnaçaklaýardylar. Jebraýyl perişdä: Eý Jebrail! Bular kim diýip, soradym.
Jebraýyl: Bular ynsanlaryň (gybat etmek bilen) etlerini iýenler we abraýlaryna
dil uzadanlar.” Diýdi(Ebu Dawdu, edep 40, (4878, 4879).

Pygamberimiz Muhammed
sallallahu aleýhi we sellem şeýle diýdi: “Kimde-kim bir musulmany garalajak
bolup, töhmet atsa, Allah Tagala ony kyýamat gününde jähennemiň köprüsiniň
üstünde (günäsi dökülýänçe) tutyp goýar.” (Ebu
Dawud, edeb 41, hadis №: 4883, 4/270).

Allah Tagala ählimizi
erbet-gylyk häsiýetlerden gorasyn! Ämin!