Täze öýlenen ýigidiň goşgusy

.

Gelin aljak bolsaňam,

Her ýeriň öz modasy bar.

Galyň, sylag-serpaýdada

Her obaň öz kadasy bar.

Biziňkiler gyz tarapa,

Ilki baryp söz aýtdylar.

Sypmarsyn diýp, gyz boýnuna

Zynjyr dakyp gaýtdylar.

Şondan bäri biziňkiler,

Gyzyň öýne gatnap otyr.

Her aýda iki gezek

Doglan günün gutlap otyr.

Atam bolsa geýerne,

Bitin jorap tapman otyr.

Içi boşap galdy diýip,

Enem sandygny ýapman otyr.

Eden bergisin hasaplap,

Uzyn gije ýatman otyr.

Muň soňuna nädip çykjak,

Şoňa akly çatman otyr.

Güýmenjek bolsa bir işe,

Eli işe batman otyr.

Duşuşmaga barsam gyzam,

“Pullaryňyz jemmi?” diýdi.

-Maýa göçdi otuz ikä,

-Men-nä şondan kemmi?-diýdi.

Bu söze atam ýeňsesin,

Ençe gezek gaşandyr.

Enem gyzyňka, ýüzläp-ýüzläp

Işlekliler daşandyr.

Mal agyllar, towuk ketek

Gazyklarmyz boşandyr.

Bir sygyrmyz seň sepiçkaň,

Sen güjäňläp ýörsüň halka.

Münýän “Ural” motormyzam

Gulagyňda gulakhalka.

Satyldy gyşa gapylanja,

Tomat, hyýar  banka-banka.

Galmady öýde täzeje,

Setil, gazan, kündük, taňka.

Dolandyň gyz tylla-zere,

Bolsaňda sen gyşyk, maňka.

Ýüz tutdylar-Pul beriň!-diýp,

Dogan-gardaş, ähli halka.

Ep-esli milliona ýetdi,

Bermeli pul “Daýhanbanka”.

-Maşyny satmaly!-diýsem,

Atam diýenim etmedi.

Aglap giden “Žaporožyň” puly

Tufliňede ýetmedi.

Balarlaryňy satjak diýp,atam,

Mal ýatagy ýykyp dur.

Neressäň botinkasyndan

Bäş barmagam çykyp dur.

Bizden algydarlaryň,

Sany barha artyp dur.

Mugt işlikliň hasabyna,

Gaýynlaram semräpdir

Gelin gelsede öýne,

Atam derdi ýeňlemedi.

Salam bermän gaýynata

Sözlerinem diňlemedi.

Gelip jaýda swetnoý görüp,

Içde çigit çakyp otyr.

Atamyň pulna alynanja

Şaý-seplerin dakyp otyr.

Atam özi bilen ýaşdaş,

Çerny-belyý

Telewizoryna bakyp otyr.

Sesi çykmasa oň gapdalna,

Taýak bilen kakyp otyr.

Meň jaýymda kondisioner,

Atam eräp, akyp otyr.

Gelin tomusda üşäp durka,

Atam dere batyp otyr.

Bolýan zatlara dawleniýe bolup,

Ýürek-bagryn ýakyp otyr.

-Meň sözlerme gözel gyzlar,

Sizler näme diýersiňiz?

Öň bal iýýän öýe baryp,

Ak bilen nan iýersiňiz.

Ak bilen nan nädip iýjek?!

Gaýynlarym,

Garyp düşüp, nalap durka.

Ak bolarmy?!

Sagymlyja sygyrmyzam,

Ataňlarda molap durka.

Nirä bolsa arz edeliň!

Nirä bolsa çapalyň!

Ýöne, welin bu zatlaryň

Bir alajyn tapalyň!

Şoň alajy tapylaýsa,

Sallahlaň keýpi kök bolar.

Bolmasa ýagty jahandan,

Heleýsiz ötjek köp bolar!