MEN BEYLE ATA BOLMAK ISLAMOK! (durmushy wakalar)

Ata bolmak oz perzendine terbiye bermek ahli atanyn mukaddes borjy hasap edyarin. Cunki sonky wagtlar kaka terbiyesinin cagalar ucin az bolyanlygy sebapli ejeleri ozlerine esasy goraglary we yeketakleri hasaplayarlar. Emma kop meselede ata bolmaklygy oz ustlerinden ayyryan kakalar caga psihologiyasynda uytgesmelere sebap bolyarlar. Men hem size kabir durmusy mysallar bilen bu zatlaryn yalnysdygyny subut etmage synanysdym.
Özüniň „Ýitirilen atalygyň gözleginde“ diýen kitabynda, doktor Jeýms L. Şeller bütin gününi ogly bilen balyk tutulýan ýerde geçiren bir adam hakda gürrüň berýär. Şol günüň agşamlygy — bu dünýäniň güýçlüleriniň biri bolan — bu ata öz gündeligine „Bu gün oglum bilen balyk tutulýan ýere gitdim. Günümi biderek ýere ýitirdim“ diýip ýazýar. Onuň ogly hem gündelik ýöredýär eken. Şol gün agşam öýüne gaýdyp gelenden soň ol hem öz pikirlerini ýazýar.Ýöne onuň bu gün baradaky pikiri kakasynyňkydan has güýçli tapawutlanypdyr. Ol şeýle diýip ýazypdyr: „Bu gün — ömrümiň iň ajaýyp güni — kakam bilen balyk tutmaga gitdim“ - diyip yazypdyr. Indi pikirlenip gorelin, ozüniň nähili ägirt ygtyýara eýedigine, bu atanyň ýekeje-de düşünmändigi göze açyk dürtülip dur, sebäbi bolan zada oglunyň nukdaýnazaryndan seredip bilmändir. Emma caga dusunjesini gozonunde tutsan bu ullakan nadogrylyk hasabyna girer. Yene bir mysal;
On dört ýaşly Eými, ilkinji gezek munuň nahili bolandygyny ýatlaýar. Ol bäş ýaşyndady. Ol gijäň ýarynda, penjiräniň aňyrsynda möwç alýan güýçli gök gümmürdisiniň sesine oýanýar. Garaňkydan we daşarda ýaňlanýan gök gürlemesinden gorkan gyzjagaz, aglap ejesi bilen kakasynyň ýatýan otagyna tarap ylgaýar. Ol ejesiniň krowadynyň ýanyna gelip, ejesini yralaýar. Ýöne ejesi jogap berip ýetişmänkä, kakasy oýanýar-da: „Sen bu ýerde näme işleýärsiň — diýip, ol özüni oýarandyklaryna gaharlanyp soraýar — derrew öz otagyňa git“ — diýýär. „Kaka, men gaty gorkýan“ — diýip, gyzjagaz has-da gaty aglap aýdýar. „Men bu barada hatda eşitmegem islämok. Sen eýýäm ullakan gyz, özüňi ýaşyňa laýyklykda alyp barmaga çen boldy“. Eými düşeginde oturan ýerinde ýere bakyp oturan ejesine ýalbaryjy äheňde seredýär. „Sen meni eşidýäňmi? — diýip, kakasy bir gygyrýar welin, Eými otagdan atylyp çykýar — düşegiňe geç diýdim men saňa“. Eými ejesi bilen kakasynyň ýatýan otagyndan çykyp, wanna otagyna girýär. Ol şol ýerde çyrany ýakyp, öz üstünden gapyny ildirip, her gezek gök gürlände aglap hem tisginip, bütin gije oturýar. Beýle ýagdaý, Eými kakasyndan kömege garaşmagyň manysyzdygyna düşünýänçä birnäçe gezek gaýtalanýar. Gyzjagaz on ýaşaýança, gök gürrüldili gijeleri, çyrasy ýakylyp, üstünden ildirilip goýlan wannada aglap geçirýär. Eýminiň durmuşyndaky taryhynyň iň elhenç ýeri-de, onuň hakykylygyndadyr. Ondan bäri gyzjagaz tupandan we gök gürrüldisinden gorkmasyny goýdy, ýöne öňküsi ýaly öz kakasynyň göwünlik hem-de goldaw bermezliginden ejir çekýär. Eýminiň kakasynyň hereketleriniň ölçegi boýunça aýtsam, menem bir zady boýun almaly. Eger menden dogjak cagalarymyň mätäçlik çekýän zady bolan göwünlik we goldaw berilmesi bilen olary üpjün etmek başartmadyk gezekleri mende-de bolup biler. Ýöne meniň munuň ýaly ata bolasym gelmeýär. Meniň, çagalaryna göwünlik we goldaw gerek bolan pursatynda hemişe ýanynda bolýan ata bolasym gelýär. Çagalarynyň gorkusyna we agyrsyna düşünip hem duýup bilýän ata bolasym gelýär.

A siz nahili ata bolmak isleyaniz...