"Ewolýusiýa" diýip nämä düşünýäňiz?

"Ewolýusiýa" diýip nämä düşünýäňiz?

Birinji nobatda "maýmynyň adama öwrülmegi" diýen pikire bileleşip seredeliň! Hamala, biz maýmyny tutup, gözenege salyp, ideg etsek, ertir ýa birigün, bolmasa 5 ýyldan ýaňky maýmyn adama öwrülermi? Öwrülmezmi? Çarlz Darwin şonýaly "kütek" boldumyka, bäş ýylda maýmynyň adama öwrülmejekdigine düşünmez ýaly derejede?! Ýa "ewolýusiýa üçin millionlarça ýyllar gerek" diýenleri dogrumyka?

Onda, näme üçin ähli maýmyn adama öwrülmedikä? Ýa adamsypat maýmynlar adama öwrülipdir diýilýäni çynmyka? Adamsypat maýmynlar adama öwrülip ýören wagty, hakyky maýmynlar näme isledilerkä? Olaram maýmynlykdan adamsypat maýmynlyga öwrüliberseler bolmadymyka?

Ýa-da, meselem, biz organizmde we intellektde bolýan üýtgeşmeleriň ewolýusiýa netijesinde bolýanyna ynanamzok. Onda, bir adam sport bilen meşgullansa sagdyn bolýandygyny inkär edemzok. Sagdyn erkek oglan sagdyn zenan bilen durmuş gurup, nesil öndürseler, şol çaganyň geniniň sagdynlygy sebäpli, aglaba ýagdaýda sagdyn önüp-ösjekdigini hem tassyklaýarys. Ol çaga we onuň hem çagalary nebere-nebere şol ýoly dowam etselee şol neberäniň umuman sagdyn boljakdygyny hem ret etmeris. Özi sagdyn genli, maşgala bolanda hem ýanyndaky bilen garyndaslyk derejesi daş bolsa bolsa göwresi we aňy hem ýitileşmegi mümkin. Şony hem özboluşlyja nano(belki-de piko)ewolýusiýa diýip kabul edip bolarmy?

Siziň pikiriňiz nähili?