14-NJI FEWRALYŇ GELIP ÇYKYŞY

Köpleriň “Söýgüliler Güni” diýip atlandyrýar, köp kişi hem “Mukaddes Walentiniň Güni” diýip. Ady nahili tutulanda-da bu gün tutuş dünýäde diýen ýaly uly şatlyk bilen bellenilýär. Bir-birini söýen ýürekleriň birek-birege duýgularyny her hili sowgatlar bilen beýan edýän güni. Ýöne bu adat nireden göz baş aldyka diýip pikirlenip gördüňizmi?

Bu gün, başyny Köne Rim döwründen alyp gaýtýar. Rimliler fewral aýynyň ortasyna 3 gün Luepercalia atly festiwal belleýär ekenler. Bahar paslynyň başlangyjy mynasybetli şüweleň gurnalýar eken. Bir guta gyzlaryň adya ýazylyp salynýar.  Muny bolsa oglanlar bije hökmünde çekýär ekenler. Eger birek-biregi halasalar durmuş gurýar ekenler.

Hrystiýanlyk dininiň ýaýramagy bilen bolsa bu adatlaryň ady üýtgedilipdir. Hrystiýançylykda dini bir ruhany bolupdyr. Onuň ady Walentin eken we ol din ugrynda ölüpdir. Şonuň hormatyna bu gün hem Mukaddes Walentiniň Güni diýip atlandyrylypdyr. 496-njy ýylyň 14-nji fewraly ilkinji gezek resmi bellenilip geçilipdir.

Soňraky döwürlerde bolsa bu gün dini ähmiýetini ýitirýär we diňe söýgülileriň güni bolup galýar. Orta asyrlarda birek-birege hat ibermek adaty bar eken. Şol güni hem bir-birinden uzakda bolan jübitler hat ýada gutlag kartlary arkaly söýgüliler günlerini gutlapdyrlar.

19 – njy asyrda bolsa 14-nji fewraly, hakyky söwda edip pul gazanylýan gün ýaly garalyp başlanyldy. 1916-njy ýylda ABŞ-nyň “Hallmark Kartlary” atly firmasy gutlag kartlaryny öndürip “Söýgüliler Güni”niň bu günki ýagdaýa gelmegine sebäp bolýar.

Bu günde esasn hem gül, şokolad, süýjilikler, şaýsepler esasan köp sowgat berilýär. Meniň pikirimçe bolsa bu zatlary öndürýänleriň iň gowy söýgülisi bolsa 14-nji fewral güniň özümikä diýýän :)

ÇEŞME: #supra_gen_tasin