Ýanýoldaş saýlamak

Maşgala ojagynyň bereketli we tertip-düzgünli bolmagy, özünden garaşylan oňaýly netijeleri berip bilmegi üçin käbir esasy ölçütleriň nazarda tutulmagy zerurdyr. Bularyň başynda bolsa diniň öýlenilmegini gadagan eden maşgalalaryndan başgasyny ýanýoldaş saýlamak şerti gelýändir. Ýagny durmuş gurjak aýal bilen erkegiň arasynda öýlenmeklerine dini taýdan hiç-bir päsgel bolmaly däldir. Şol sebäpli hem durmuş gurmakçy bolýanlaryň bu meseläni gowuja sorap-idemekleri zerurdyr.

Musulman aýal-erkegiň, Allatagala ortak goşýan aýal-erkek bilen durmuş gurmagy haramdyr. (Bakara 2/221).

Dinimizde bir erkegiň öýlenmesi gadagan bolan zenanlar şulardyr:

حُرِّمَتْ عَلَيْكُمْ اُمَّهَاتُكُمْ وَبَنَاتُكُمْ وَاَخَوَاتُكُمْ وَعَمَّاتُكُمْ وَخَالَاتُكُمْ وَبَنَاتُ الْاَخِ وَبَنَاتُ الْاُخْتِ وَاُمَّهَاتُكُمُ الّٰتٖى اَرْضَعْنَكُمْ وَاَخَوَاتُكُمْ مِنَ الرَّضَاعَةِ وَاُمَّهَاتُ نِسَائِكُمْ وَرَبَائِبُكُمُ الّٰتٖى فٖى حُجُورِكُمْ مِنْ نِسَائِكُمُ الّٰتٖى دَخَلْتُمْ بِهِنَّ فَاِنْ لَمْ تَكُونُوا دَخَلْتُمْ بِهِنَّ فَلَا جُنَاحَ عَلَيْكُمْ وَحَلَائِلُ اَبْنَائِكُمُ الَّذٖينَ مِنْ اَصْلَابِكُمْ وَاَنْ تَجْمَعُوا بَيْنَ الْاُخْتَيْنِ اِلَّا مَا قَدْ سَلَفَ اِنَّ اللّٰهَ كَانَ غَفُورًا رَحٖيمًا

“Size ejeleriňiz, gyzlaryňyz, uýalaryňyz, kakalaryňyzyň aýal doganlary (ejekeleriňiz), daýzalaryňyz, erkek doganyňyzyň gyzlary, aýal doganyňyzyň gyzlary, sizi emdiren süýt eneleriňiz, süýt emşen uýalaryňyz, gaýyneneleriňiz, ýanyna giren aýallaryňyzyň yzyna düşüp gelen öýüňizdäki öweý gyzlaryňyz — eger heniz ýanyna girmän aýrylyşan bolsaňyz onuň gyzy bilen nikalaşmagyňyzda size hiç hili günä ýokdur — şeýle hem öz biliňizden önen ogullaryňyzyň gelinleri we iki gyz doganyň arasyny bir nikada birleşdirmegiňiz haram edildi. Emma öň bolup geçeni geçdi biliň! (Siz oňa jogapkär dälsiňiz). Takyk, Allah Bagyşlaýjydyr, Rehim – şepagatlydyr.” (Nisa 4/23).