Ýuwaş gelin :)
Ejem obamyzdan saýlap-seçip,bir gyz tapyp:"Oglum,ine,şu gyz saňa tüýs mynasyp gelinlik" diýip,meni oňa öýerdi. Öýlenibem şähere alyp gaýtdym. birbada erbedem däl ýalydy. ýuwaş,näme diýseň ylgap ýör. Ýöne ýuwaş gelin bilen ýaşamak aňsatmy näme?Aýratynam şäherde.Bu wagtky ýaşlara geregi agzyndan ýalyn lowlap duran gelin. O-da hemmäniň bagtyndan çykyp baraýanok. Meniň ejem ýalylaram ýuwaşja gyz tapsalar, garbap alýarlar. Habary ýok öňki hyrydaryň: "Aý, munuň polady gaty ýumşak, bize gelinlige ýaramaz" diýip, ýüz öwrüp gidenlerinden.
Ýanýoldaşyň ýuwaş bolsa-da bolmaz eken. Iň bärkisi, gelni ýuwaş oglanlar ýuwaş-ýuwaşdan arak-şerap içmek, çilim çekmek ýaly nysaklary tapyp başlaýarlar. Nädersiň, erniňdäki çilimiňi maňlaýyňa basyp öçürjek bolup duran gelin bolsa, şol zatlary öwrenmänjik geçäýseň.
Ýuwaş aýalyň bolsa ýene-de bir oňaýsyz tarapy bar. Oglanlar bilen bir ýerde oturlyşyk etmeli bolanda "Kimlere barmaly?" diýen sorag öňüňde keserýär. Aýaly ýakasyny tanadan oglanlar göni seniň ýüzüňe seredişip, "Ýörüň bize" diýeriňe garaşýarlar. Onsoň öz ýuwaşlygy zerarly aýalym her gezekki oturlyşykda adamsynyň "hormatly" myhmanlaryna hyzmat edip, kösenip ýörmeli.
Beýleki oglanlara"Hany siziňöýüňizde-de oturyp göreli-le"diýsem: "Öýdäki gykylyk edip bar keýpiňi uçurýar. Onuň gykylygyny eşidip oturandan oturlyşyk bolýarm-aý"diýşip jogabyňy nat edýärler. Her gezekki dökan-saçanlyk öz öýümde bolansoň,meniňem gaharym gelýär. Ärlerini mumly ýüplige öwrüp,öýlerini şeýle dökan-saçanlykdan goramagy başarýan gelinlere gözüm gidýär.
Bir gezek oglanlar bilen bir tokly,başga-da iýgi-içgileri alyp,oturlyşyk etmeli etdik. Ýene-de öý bikesi adamyň ýüzüne gelip bilmeýän meniň öýüm bijebaşy boldy. Dürli-dümen tagamlar bişirlip, toklynyň eti iýlip gutarylýança:goç bolup süsüşip: , ep-esli gap-gaçlarymyzyň külüni çykardylar. Menem oglanlaryň iň soňkusy howludan çykansoň:"Sen bir ile meňzeş aýally bolanyňda,şu zeýilli öz öýünde gatyrak asgyrmaga gorkup ýören adamlar bize gelip dökan-saçanlyk edip biljekmi?! Men-ä olaryň ýanynda bahana tapyp bilemok. Olaryň-a bahanasy nagt-"Öýdäkini tanaýaňyz-a,keýpi bozýa",wessalam. Olara ilkinji gezek geleninde gahar-gazap edip gygyran bolsaň,senem dynaýmaly,menem. Sen gowşak bolaňsoň,haý diýilmänsoň menem sandan çykyp barýan" diýip,aýalymyňüstine heňkirdi Şonda-da aýalym: :Men onuň ýaly zady oňarmasam nädeýin?!" diýip öňkisinden beter müzzerýär.
Meniňem şu ýyl edäýjegim içimde. bir daşgynrak garyndaşymyň oba ot ýakdyrmaýan aýaly bar. Aýalym zähmet rugsadyna çykdygy, şonuň ýanyna "tälim" almaga ugratjak. Eger ol aýal öz häsiýetiniň bäşden birini meniň aýalyma geçirip bilse,uly baýrak berjek. Şu niýetim amala aşsyn bakaly, şonda oglanlara görkezerin,kimiň gelniniň "zordugyny" .
awtory: Nurberdi Dädebaýew.
siz gelniňiz nähili bolsa halaýaňyz?
ýuwaşja :) (16%, 4 adam)
agzyndan ýalyn lowlaýan bolsa :D(20%, 5 adam)
sadaja :)(64%, 16 adam)
Arhiwiň ýagdaýy
● Doly tekst
● 43/43 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 43
hehehe, ondan gowusyny men tapyp bilmeyarin, menden gowusyny ol tapyp bilmeyar... agzyndan Huday eşitsin, Allajan sanada in mynasyp yigidi duşyrsyn... Tanyşdyraryn hökman( Rusça bilyan bolsan) 😉
@Rainman, Mevlananın bir sözü varya : Paranı, imanını, ve gittiğin yolu kimseye gösterme! gibi 😆😆😆😆
omyn enşallah... entek mana irrak 😉
ne o aday rus mu yoksa ?
belki rus belki rumyn belki moldovan blum
ir diyilyan zat yokmyka diyyan 😆 mana da irrak aslynda 😆 yöne ykbal meselesida, haçan name boljagy belli bal (: ha birde son sorduğun soru için yanıtım: üzümü ye, bağını sorma 😉
belkem türkmençe bilmeyan türkmendir
hahahahaha hay güldürdinay dost meni 😆 Moldovanka ol spiçkalaryn içinde in Allah özenip yaratmışı, yöne... 😉
walla ykbala bagly zatlar walin yane de men kiçirak bu zatlar üçin
siz öyle diyosanız öyle olsun 'ısrar yok'
tobo men bilemok onda 😆 özenilenden başgasyny tanamok...
dogry aytyan hayalperest
dogry aytyan hayalperest
köp bilyaniz siz gyzlar 🙂
@Rainman, gyzlaryn kellesi 3-4 yaş uly işleyar 😆 mysal üçin, men 89'ly bolsam, men pikir edyanlerimi pikir edyan gyz tapjak bolsam 93-94'lerden gözlemeli 😆 yalnyş pikir etman yöne 😆
hehe onda gözlaber solardan.eline gurjak berip agzyna soska, aylarsyn 4 5 yil son oyleniber 😆
Haha 😆
🙂)
Gaty gowy mowzuk haladym,Hakyky durmusdan aldynmy
Wah içi ýanan görgüli.
Ayaly yuwash bolsa, adamsy dogumlyrak bolup, meň oyume-de , siziň öýüňize-de gitmeris. Kafede üýşeris diýaýmeli. Meň pikirimçe gelin gaty ýuwaş bolsa-da gowy dal, gaty şermende bolsa-da. Altyn aramlykly bolsa gowy.