Tankyt barada ýene bir gezek ýa-da argumentsiz tankyt dogrumy?
Beýleki temada bardy eýýäm aýtjagym welin, ol tema şeýle bir uzapdyr - okajak ýa okanam bolmazmyka diýýän.
Bärde soňky döwür tankytlardan we tankytçylardan ýadanlar köpelipdir. Köpüsiniň aýdýany "aý düzeldäý özüň, näme boşuna bärde aýdyp otyrsyň?" ýa "özüň düzel, özüň bir gowumy?" ýa "hany bir çözüw hödürlesene, bolmasa biderek boş gürleme". Elbetde, her kim öz pikirini aýdybermeli, ýöne geliň pikir edeliň, bir obadaky çopan:
-Aý doktorlar hiç zady bilenoklar, kesel bolup özüň barma.
Ýa mellekdäki işläp ýören daýhan:
-Uniwersitetlerde okuw ýok, Bilim ministri hem dinduk
diýse dogry bolarmy? Seredip otursaň, özi okuwsyz, belki sowatsyz, argument diýer ýaly argumendi ýok, konstruktiw tankydy ýok. Hödürleýän bir çözüwem ýok. Şu daýhanyň ýa çopanyň aýdany dogrumy? Aýtmaga haky barmy?
Jogap: elbetde haklary bar. Sebäbi ýurt halkyňky, mal halkyňky, baýlyk halkyňky. Bu iki adamam halkyň içinden adamlar. Prezident kim? Ministr kim? Uniwersitetleriň mugallymlary, keselhanalaryň doktorlary kimler? Bular şol halk tarapyndan pula tutulan işgärler. Bular puly howadan alanoklar, ýa halka salnan salgytdan, ýa bolmasa, edil biziň gynançly ýagdaýymyzda, göni baýlyklarymyzdan alyberýäler. Käsi aýlyk hökmünde, käsi ýene bir zat hökmünde. Onsoň ýaňky çopan ýa daýhan öz tutan işgärini nähili tankyt edesi gelse edibermeli. Bu onuň haky.
Diýeli siz bir gural satyn aldyňyz. Bahasy million dollar. Onuňam kemçiligi bar. Bir topar adam (toparyň ady hökümet) geldi we size "şu meseläňizi biz çözjek pul berseňiz". Sizem razy bolduňyz, emma 3 ýyl geçdi, a problema çözülmedi. Siz näme diýersiňiz? "Aý bu guraldan başym çykanok, argumently tankyt edip biljek däl" diýersiňizmi? Ýa tankyt etseňiz olaryň "lakgyldama, zat bileňok, özüň çözüw hödürläý" diýmäge haky barmy? Ýok, bularyň götüne depip başga adam çagyrarsyňyz. Siz jogap talap edersiňiz. Açyk bir söz talap edersiňiz, başarmaýan bolsa, ýoguny çekesiňiz geler.
Halkam şeýle. Islän wagty islän şeklinde tankyt etmäge haky bar adamlaryň. Şuňa gowy düşüneliň.
Arhiwiň ýagdaýy
● Doly tekst
● 48/48 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 26 noýabr 2011 ý. · Asyl sahypany gör ↗
Teswirler 48
Tuweleme. Gowja mowzuk eken. Esasy zat name tankytlasak hem dine we dine adalatyng hatyrasyna, Watan we halk bahbidi un edeling . Ing esasy bolsa tankytdan gorkmalyng.
Mergen
Men ýöne agrumentsiz tankytlaýan, argumentli tankytlaýan, konstruktiw tankytlaýan we çözüw hödürleýän birdir diýjek bolamok. Elbetde iň gowusy, bir alternatiw çözüw hödürlense, iň bolmanda konstruktiw tankyt edilse, ondan pesi näme üçin tankyt edýänine argument görkezse gowy. Gep bu barada däl. Gep adamyň, halkyň haklary barada. Olar tankyt etmäge haky bar, senem ylalaşýaň. Argumentsiz, boş tankyt edýäni öňi-soňam diňleýän bolmaz. Meniň ýokarda beren çopan ýa daýhanymy diňläp, goldajak bolarmy? Ýok, sebäbi diňläre zat aýdanoklaram. Ýöne seniň beýleki temada bok guýmak diýip taryp edýän tankydyň hem tebigy we adaty zat, bolaýmaly zat, IMHO.
Arap ýurtlary barada aýdanyňam dogry, eger halkyň ýagdaýy pes bolsa, olardan bir gowy adam çykasy ýok. Ýöne geleli maşyny oňaryp bilmeýänleriň götüne depmek ýerine. Men häzir Türkmenistanda şeýdilmeli diýemok, sebäbi çyndanam Türkmenistan ösýändigine ynanýan. Emma bizde şu wagt alternatiw pikir ýok, ýa bar bolsa hem halk eşidilenok. Düşünýäňmi, şolar gerek. Bir kelle gowy, birnäçe kelle has gowy! Sen diýýäň, gel şonda-da ministr öz işini başaranok, näme etjek?. Men diýýän, şondan gowy başarjak adam tapylar! Näme, öňi-soňam ministrler her 6 aý çalşyp duranokmy? Dur. Meniň aýdýanym, tankyt we ýene üsti bilen şu prosesse halk hem goşulmaly. Muny 2-3 kelle özleriçe karar berip durmaly däl.
gara_pişik
Ol ministre dinduk diýen mysal ine şu bir mysal alar ýaly ýagdaý diýip aýdanym däl, ýöne çopanyň şony aýtmaga hakynyň barlygyny görkezmek. Eger ministre tankyt agyr gelýän bolsa, onda işini taşlaýmaly. Elbetde, biri töhmet atsa, munyň üçin jogap bermeli. Diýeli bir jurnalist pylan ministr ogry diýse, subut etmese jeza çekmeli. Ýöne işini başaranok, biderek ýaly zatlary aýtsalar, bu onuň işiniň bir bölegi. Azyndan demokratiki döwletlerde şeýle. Şol tankytdan gorkýan barmasynam şol işiň ýanyna.
ilki bn Teswirchi bolupsyn shony gutlayan🙂
son yokarda namesi dushnuksiz diyip yazypsyn Ya swaminin teswirine, gechende shu yerde bir subutnama goyulypdy,
meselem bir jemgiyetde maksimum peyda gazanmak un jemgiyet un maksimum peydany gozonune tutmaly, eger tersine her shahsiyet ozu ucin maksimum peydany goz onune tutsa jemgiyetine maksimum peyda getirip bilmeya, matematiki usulda subut edildi diyip shu yerde-de agzalypdy shul, umuman ozun un dal-de jemgiyet un maksimum peydany goz onune tutsan has amatly bolya
+1
Haladym, gowy yazypsyn! Tankyt gerek zat, yöne yerinde we chäginde peydaly. Elbetde yerinde tankytlasañ, tankytlanyanyñ ösüshine getiryär. Shonuñ un YERINDE tankytlamaly.
Yöne kabir adamlar (hichkime kakdyramok, umuman aytyan) tankydy käte etmelimishin diyip gerekmejek yerde etyärler, dogry pikiri hem tankytlayarlar. Shonuñ un tankyt ösushe getiryär-yöne YERINDE we CHÄGINDE. Esasly tankyt etmeli(myka diyyärin) blum
james bond yashuly !!! name vahabist diyip minus goyup yatyrsynmy))) zyyanam yok velin bir dushunaysem name uchn gyzardyp gelyanini. ay borda . sada bolma gardash ataist bol dijek hem kandir vahabist bol dijegem. (bagyshlan temadan chykanlygym un bul dossum meni abdulaziz dossuma komek berenligimde gunali tapdy oydyan)
Mergen, interesna, haysy halk talap edenokka gowy zatlary? Hokumede gelen ishgar, ARYNA, NAYMYSYNA, ILINE-GUNUNE, MILLETINE, DININE, KONSTITUSIYASYNA and ichip gelenokmy, men shulary shulary gowy ederin diyip? Diyeli belli bir problemalary and ichmedi, emma name gorenokmyka beyleki problemalary?
Halk gerek diyyan weli, TURKMEN halkyna bir bash gerek.
Name ucin mi? sebabi TURKMEN HALKY hich bir wagt bir yere tuykiren halk bolmady, shu wagtam sheyle dal. Hazir birisi gelip ine chozgut diyse 5 welayatdan 5 sany argument geler, we biderek bolar. Her kim ozuninkisini dogry diyip hasap edya bizin halkymyzda. Dazhe shunam yazyp otyryna, manada diyerler, ey name ishleyan, beyle akylly bolsan, gel we duzeltda, name ishlap yorsun USAda diyip. hawa men oynap yorun shu tayda. Okuwym gutarar, son master, son doktora. Sonam Turkmenistanamy hokman gaydyp gelerin? - YOK! Nirede sylag gorjek bolsam, nirede gadrym bilinse, nirede derejam bilinse sho tak. Shonun ucin men USAda. Wessalam.
Bagyshla tema bashgarak yere gitdi