Bahreýnde köpçülikleýin ýygnanyşyklar gadagan edildi

Bahreýniň harbylarynyň
aýtmagyna görä, olar paýtagt
Manamanyň möhüm nokatlaryny
öz kontrollyklaryna alypdyrlar.
Harbylar bidüzgünçilikleriň öňüni
almak üçin köpçülikleýin
ýygnanyşyklary hem gadagan
etdiler. Bu baradaky beýanat
penşenbe güni ýerli telewideniýe
arkaly ýaýradyldy.
Mundan öň Bahreýniň polisiýasy
paýtagt Manamada eýýäm üç gün
bäri dowam edýän hökümete
garşy protestleri togtatmak üçin,
demonstratlara garşy göz
ýaşardyjy gazy we rezin oklary
ulanypdylar.
Berilýän maglumatlara görä, bu
çärede azyndan dört adam
ölüpdir, başga-da 150-ä golaý
adama şikes ýetipdir.
Müňlerçe bahreýnliler sişenbe
gününden bäri paýtagt
Manamanyň merkezi Göwher
meýdançasynda protest
geçýärler.
Ýurduň howpsuzlyk güýçleriniň
gijäniň dowamynda geçiren
çärelerinden soň, paýtagta
ýaragly ulaglar we tanklar
getirildi.
Protestçiler ýurtda syýasy
reformalaryň geçirilmegini talap
edýärler.