Güýz. Sentýabr. Ezizow.
Bu ýazgy RSS lentasyndan dikeldildi, teswirleri saklanmandyr.
Güýz. Sentýabr. Ezizow.
Hawa, Ezizowyň güýzi. Ezizowy äkiden sentýabr.
29.09.1975ý. - türkmen poeziýasynyň Eziz Gurbannazary ömrüniň 35-nji güýzünde aradan çykdy.
Gurbannazar şahyr aradan çykandan soň şahyryň bile tirkeşen, bile duz-emek boluşan dostlary, galamdaşlary tarapyndan oňa bagyşlanyp ençeme goşgular, ýatlamalar ýazylypdyr. Aşakda goýuljak goşgular, bentler şol ýazgylardan diňe bir bölekler:
MÄMMET SEÝIDOW:
Gazan doly süýde gaçan zäk bolup,
Birje gün bir ýylyň tagamyn ýoýdy.
Adamlaryň gaýa ýaly göwresin
Ezilen torgaýa dönderip goýdy...
KERIM GURBANNEPESOW:
Gitdiň. Agladyk.
Şu günem - üçüň.
Diýmek, gidenňe
Bolupdyr üç gün.
Üç gün, üçje gün -
Ölüm üçin hiç.
Aglarys öýtdük
Kyrkyňa deňiç.
Aglarys öýtdük
Ýylyňa çenli...
Aglamak juda
Kyn bora çemli.
Ýene çaý-nahar,
Ýene-de gülki.
Onsoň gybatam
Ediler, belki.
Aýdyşym ýaly -
Edildi gybat.
Soň şorta söze
Berildi nobat...
Bir sagat ozal
Belläpdik üçüň.
Parhlyrak bolgun,
Günämiz geçgin!
Geçseň-geçmeseň,
Bolşumyz şeýle.
...Gün bolsa eýýäm
Bolupdyr öýle.
Öz öýlesini
Duýanok hiç kim...
Gitdiň. Hoşlaşdyk.
Agladyk üç gün.
Aglarys öýtdük
Üç gün däl, on ýyl.
(Şoňa mynasyp
ýitirlen ogul!)
Aglarys öýtdük
Uzak, uzak, uzak.
Aglamak hakmy?
Aglamazlyk hak?
Ynsaba bagly
Bu garry sowal.
Häzir dymylsyn,
Jogap hökman däl...
HALYL KULYÝEW:
Bu dünýäde bolýar erkek doganlar,
Ýene bu dünýäde bolýar uýalar.
Bir garynda ýatyp, bile doglanlar
Biri kemis bolsa,
Biri uýalar.
Ýok, biz ikimiz-ä doganam däldik,
Ýöne ikimiziň birdi uýamyz.
Biz - bizdik:
Men Halyldym. Senem Gurbannazardyň.
Bir almany ikä bölen ýalydyk.
Birdi namysymyz,
Birdi haýamyz.
Bu dünýäde bolýar erkek doganlar,
Ýene bu dünýäde bolýar uýalar.
Bir garynda ýatyp, bile doglanlar
Biri kemis bolsa,
Biri uýalar.
Bir garynda ýatmasam-da seň bilen,
Men bu giň dünýäde täk galdym sensiz.
- Gurbannazar öldi?!
Bu habar ýalan!
Kimdir biri meni aldapdyr kemsiz.
Adamlar, bir zada düşünmek gerek:
Nämüçin bir zady bileňizok siz,
Ýürek şeýle diýýär,
Şeý diýýär ýürek:
Nädip ýaşamaly Gurbannazarsyz?
...Entek başym dikkä, ýene ýazaryn,
Sen maňa düşünýänsiň, Gurbannazarym!
ITALMAZ NURYÝEW:
Siz gitdiňiz...
Siziň bilen geçirlen
Goşguly gijeleň, gündizleň baryn
Indi her gün hakydamda oýaryp,
Şol goşa dünýäni göterip ýörün...
ÖWEZMYRAT BABAÝEW:
Seni tanamaýan käbir şahyrlar
Aýagaldygyna "şygyr" ýazýarlar,
Bu döwürde uzalypdyr susaklar,
Seniň adyň bilen at gazanýarlar,
Olara ýagyp dur köp gonorarlar.
A sen zehinlere nazar salardyň,
Şonuň üçin Eziz Gurbannazardyň!..
ANNALY BERDIÝEW:
Daglar, baglar, ýollar ýatladar durar
Nurana keşbini, gadyr-gymmatyň,
Hergiz kalbymyza hemra bor ýörer
Ýeke-täk zürýady Eziz Hümmediň...
AHMET GURBANNEPESOW:
...Bir oňat gyz sy-pan
Hem şemal sy-pan
Bu başym gargadyr,
Bilbile hekem.
Maňa "Göwnüň çökgün" diýme, halypam,
Şem ýanan mahaly aglaýan eken...
NOBATGULY REJEBOW:
...Ýanýar, daragtlaryň ýapragy ýanýar!
Wah, gyrmyzy güýzüň derdi öňdenem...
Bu o:t alan güýzi gözýaşlar bilen
Öçürersiň neneň?
Öçürjek neneň?
NAZAR GULLAÝEW:
...Gyş geler, daglarmyz gara bürener,
Ýaz geler, baglarmyz bara bürener,
Tomus ge:r, ülkämiz nura bürener,
Ah, ýöne güýz geler Gurbannazarsyz!..
GURBANÝAZ DAŞGYNOW:
Durnalar gaýmak dek syrylyp güýzde,
Ýapraga ýaýranda güýzüň gussasy,
Gelýär durnalaryň owazy bilen
Gurbannazaryň sesi.
NÄZIK ANNATYÝEWA:
Gursagyňyz aýdymlardan doludy,
Neneňsi kesildi juwan ömrüňiz?!
Aramyzdan ir gitdiňiz sogrulyp,
Tüýs gülleýän,
Miwe berýän döwrüňiz...
AMANMYRAT BUGAÝEW:
...Ynha, menem goşgy ýazýan sen hakda,
(Düýn-ä oglanmyşym, bu gün hem goja!)
Seniň diri wagtyň ýeriň ýüzünde,
Bu dana sözlerim gidipdi küjä?!
ŞADURDY ÇARYGULYÝEW:
...Penjireleň tutusyn
Oýnap girýän şemalda
Seň sesiň bar, ol bize
Kuwwat berýär her halda.
ANNABERDI AGABAÝEW:
Sözlense bir ataň goç ogly hakda,
Bir enäň ýaz ogly hakda sözlense,
Başdaşyna - bägül,
Balasyna - bal,
Ýoldaşyna - gardaş,
Dostuna - ykbal
Ýigitleň içinden ýigit gözlense,
Saňa meniň gözlerimden gitme ýok,
Saňa meniň sözlerimden gitme ýok!..
Jahyllar agzasa "jahyllyk" sözün,
Kämiller agzasa "kämillik" sözün,
Şygyrýet bagynda
Juwan çagynda
Bir gunça göterip nurana ýüzün,
Ýagtyltsa azajyk türkmeniň düzün,
Saňa meniň gözlerimden gitme ýok,
Saňa meniň sözlerimden gitme ýok!
Baharyň çogunda,
Çilläň garynda,
Daň ýyldyznyň dogjak-dogjak çagynda,
Ýaşlygmyzyň şol gadymy bagynda
(Üstünden geçse-de tomuslar, gyşlar)
Seni aýdym edip saýraýar guşlar.
Şoňa meniň gulagymdan gitme ýok,
Saňa meniň ýüregimden gitme ýok!..
Hawa, Ezizowyň güýzi. Ezizowy äkiden sentýabr.
29.09.1975ý. - türkmen poeziýasynyň Eziz Gurbannazary ömrüniň 35-nji güýzünde aradan çykdy.
Gurbannazar şahyr aradan çykandan soň şahyryň bile tirkeşen, bile duz-emek boluşan dostlary, galamdaşlary tarapyndan oňa bagyşlanyp ençeme goşgular, ýatlamalar ýazylypdyr. Aşakda goýuljak goşgular, bentler şol ýazgylardan diňe bir bölekler:
MÄMMET SEÝIDOW:
Gazan doly süýde gaçan zäk bolup,
Birje gün bir ýylyň tagamyn ýoýdy.
Adamlaryň gaýa ýaly göwresin
Ezilen torgaýa dönderip goýdy...
KERIM GURBANNEPESOW:
Gitdiň. Agladyk.
Şu günem - üçüň.
Diýmek, gidenňe
Bolupdyr üç gün.
Üç gün, üçje gün -
Ölüm üçin hiç.
Aglarys öýtdük
Kyrkyňa deňiç.
Aglarys öýtdük
Ýylyňa çenli...
Aglamak juda
Kyn bora çemli.
Ýene çaý-nahar,
Ýene-de gülki.
Onsoň gybatam
Ediler, belki.
Aýdyşym ýaly -
Edildi gybat.
Soň şorta söze
Berildi nobat...
Bir sagat ozal
Belläpdik üçüň.
Parhlyrak bolgun,
Günämiz geçgin!
Geçseň-geçmeseň,
Bolşumyz şeýle.
...Gün bolsa eýýäm
Bolupdyr öýle.
Öz öýlesini
Duýanok hiç kim...
Gitdiň. Hoşlaşdyk.
Agladyk üç gün.
Aglarys öýtdük
Üç gün däl, on ýyl.
(Şoňa mynasyp
ýitirlen ogul!)
Aglarys öýtdük
Uzak, uzak, uzak.
Aglamak hakmy?
Aglamazlyk hak?
Ynsaba bagly
Bu garry sowal.
Häzir dymylsyn,
Jogap hökman däl...
HALYL KULYÝEW:
Bu dünýäde bolýar erkek doganlar,
Ýene bu dünýäde bolýar uýalar.
Bir garynda ýatyp, bile doglanlar
Biri kemis bolsa,
Biri uýalar.
Ýok, biz ikimiz-ä doganam däldik,
Ýöne ikimiziň birdi uýamyz.
Biz - bizdik:
Men Halyldym. Senem Gurbannazardyň.
Bir almany ikä bölen ýalydyk.
Birdi namysymyz,
Birdi haýamyz.
Bu dünýäde bolýar erkek doganlar,
Ýene bu dünýäde bolýar uýalar.
Bir garynda ýatyp, bile doglanlar
Biri kemis bolsa,
Biri uýalar.
Bir garynda ýatmasam-da seň bilen,
Men bu giň dünýäde täk galdym sensiz.
- Gurbannazar öldi?!
Bu habar ýalan!
Kimdir biri meni aldapdyr kemsiz.
Adamlar, bir zada düşünmek gerek:
Nämüçin bir zady bileňizok siz,
Ýürek şeýle diýýär,
Şeý diýýär ýürek:
Nädip ýaşamaly Gurbannazarsyz?
...Entek başym dikkä, ýene ýazaryn,
Sen maňa düşünýänsiň, Gurbannazarym!
ITALMAZ NURYÝEW:
Siz gitdiňiz...
Siziň bilen geçirlen
Goşguly gijeleň, gündizleň baryn
Indi her gün hakydamda oýaryp,
Şol goşa dünýäni göterip ýörün...
ÖWEZMYRAT BABAÝEW:
Seni tanamaýan käbir şahyrlar
Aýagaldygyna "şygyr" ýazýarlar,
Bu döwürde uzalypdyr susaklar,
Seniň adyň bilen at gazanýarlar,
Olara ýagyp dur köp gonorarlar.
A sen zehinlere nazar salardyň,
Şonuň üçin Eziz Gurbannazardyň!..
ANNALY BERDIÝEW:
Daglar, baglar, ýollar ýatladar durar
Nurana keşbini, gadyr-gymmatyň,
Hergiz kalbymyza hemra bor ýörer
Ýeke-täk zürýady Eziz Hümmediň...
AHMET GURBANNEPESOW:
...Bir oňat gyz sy-pan
Hem şemal sy-pan
Bu başym gargadyr,
Bilbile hekem.
Maňa "Göwnüň çökgün" diýme, halypam,
Şem ýanan mahaly aglaýan eken...
NOBATGULY REJEBOW:
...Ýanýar, daragtlaryň ýapragy ýanýar!
Wah, gyrmyzy güýzüň derdi öňdenem...
Bu o:t alan güýzi gözýaşlar bilen
Öçürersiň neneň?
Öçürjek neneň?
NAZAR GULLAÝEW:
...Gyş geler, daglarmyz gara bürener,
Ýaz geler, baglarmyz bara bürener,
Tomus ge:r, ülkämiz nura bürener,
Ah, ýöne güýz geler Gurbannazarsyz!..
GURBANÝAZ DAŞGYNOW:
Durnalar gaýmak dek syrylyp güýzde,
Ýapraga ýaýranda güýzüň gussasy,
Gelýär durnalaryň owazy bilen
Gurbannazaryň sesi.
NÄZIK ANNATYÝEWA:
Gursagyňyz aýdymlardan doludy,
Neneňsi kesildi juwan ömrüňiz?!
Aramyzdan ir gitdiňiz sogrulyp,
Tüýs gülleýän,
Miwe berýän döwrüňiz...
AMANMYRAT BUGAÝEW:
...Ynha, menem goşgy ýazýan sen hakda,
(Düýn-ä oglanmyşym, bu gün hem goja!)
Seniň diri wagtyň ýeriň ýüzünde,
Bu dana sözlerim gidipdi küjä?!
ŞADURDY ÇARYGULYÝEW:
...Penjireleň tutusyn
Oýnap girýän şemalda
Seň sesiň bar, ol bize
Kuwwat berýär her halda.
ANNABERDI AGABAÝEW:
Sözlense bir ataň goç ogly hakda,
Bir enäň ýaz ogly hakda sözlense,
Başdaşyna - bägül,
Balasyna - bal,
Ýoldaşyna - gardaş,
Dostuna - ykbal
Ýigitleň içinden ýigit gözlense,
Saňa meniň gözlerimden gitme ýok,
Saňa meniň sözlerimden gitme ýok!..
Jahyllar agzasa "jahyllyk" sözün,
Kämiller agzasa "kämillik" sözün,
Şygyrýet bagynda
Juwan çagynda
Bir gunça göterip nurana ýüzün,
Ýagtyltsa azajyk türkmeniň düzün,
Saňa meniň gözlerimden gitme ýok,
Saňa meniň sözlerimden gitme ýok!
Baharyň çogunda,
Çilläň garynda,
Daň ýyldyznyň dogjak-dogjak çagynda,
Ýaşlygmyzyň şol gadymy bagynda
(Üstünden geçse-de tomuslar, gyşlar)
Seni aýdym edip saýraýar guşlar.
Şoňa meniň gulagymdan gitme ýok,
Saňa meniň ýüregimden gitme ýok!..
Arhiwiň ýagdaýy
● Doly tekst · RSS
○ Teswirler saklanmandyr
Ýazylan saýty: ertir.com · Çeşme: RSS lentasy (Feedly) — ertir.com, 30 sentýabr 2016 ý. · Lentany gör ↗
Teswirler 0
Teswir ýok.