Goşgular

Üçlemeler

Serimi bir pikir ýagtyltdy şu gün .
Janym , aşyklara meñzejek bolman ,
Içeli söýginiñ dirilik suwun .

***

Dünýäm , meýmiretdi zülpleriñ towy .
Ýa gelde örüz sen irkilen göwni ,
Ýa-da saçlaryñda uklaýyn gowy .

***

Güýçli , näziñ uçurjylyk ýokumy .
Diñe men däl , zeminede eçilseñ ,
Ötägitjek terk edip öz okuny .

Bentler .

Sözle janym , sözleñ , ýaşaýyş içre ,
Lebleriñden akýan lezzet çeşmesi .
Dünýe döräp suwsap ýatan çöl ýaly ,
Menem onuñ ömürbaky teşnesi .

***

Tebigatam walla täsin oguşýa ,
Güýzde güýzlik haýsy ýana öwrülseñ .
Gyşyñ demi sowuk bolsa ,
Baharda ,
Bahar çykar , kiýselerni çöwürseñ .

***

Dünýäm , sen söýenim hem söýjegim ,
Ölçäbem oturma ýetmez ölçegiñ .
Asmandaky ýyldyzlar deý hamana ,
Aýan däldir söýgimiñem ölçegi .

***

Ezizim , adyña ýazaýyn dessan ,
Onuñ her setiri bag bilen bossan .
Ýedi aşyklara meñzejek bolman ,
Içeli söýginiñ dirilik suwun .

***

Serwim , sen sözleme , sözläýin özüm ,
Şunça wagt dyman duýgulam hakda .
Yşgyñ ýygralykda geçen ýolunda ,
Oýnum hem çynym hakda .

Çynlaryma ynanarsyñ sen şonda ,
Belki bilmän çynyrgadan oýnumda ,
Ýylgyrarsyñ ,
Ýylgyrdarsyñ ,
Ajap dünýäñ ýaz goýnunda .

***

Dogry , indi meni ýatlamarsyñam ,
Meýilli däl ýatlanmagma özümde .
Öz keşbimiñ ýoklugyny bilýärin ,
Köp oglanlañ keşbi galan gözüñde .

Emma ,
Ýatlamagñam ahmal saýlan ýoldaşyñ ,
Seniñ mertebäñi peselden güni .
Ýöne bolmaz beýle ýagdaý asylha ,
Çünki men islämok ýatlanmagymy .

Oýarma meni

Besdir , sabrym dyndy , şo:l düşjek ýörjek ,
Näzenin yzyñdan aýyrma meni .
Owalam köp nika gyýdyñ bize sen ,
Indi ýalñyzlyga öýerme meni .

Duşuşyk pursaty däldir bu aýyp ,
Ädenimde ýañagyndan öpsem diýip ,
Gaçyşyñ nebela , göýä boz keýik ,
Gaýta janym , süýşir , golaýña meni .

Bagtyñ sallançagy seniñ gujagyñ ,
Birden irkiläýsem ( güman boljagy ),
Goşa örümiñ bilen ýelpäp aşygyñ ,
T:ä özüm turynçam oýarma meni .

Wepa Pirnepesow .