«Altyn Asyr» bazarynda örän başagaýlyk
Bir ýyla golaý wagt bäri Aşgabadyň jygyllyk bazarynyň täze ýere göçüriljekdigi barada ilaty howsala salan myş-myşlar ahyr soňlandy. Ýöne gün-güzeran üçin adamlarda täze dörän aladalar hem ozalkylardan az däl.
Ilkibaşda 19 müň amerikan dollaryna söwdagärlere satylyp başlanan plastik aýna-gapyly dükanlardan satyn alanlar uly utuş gazandylar. Söwdagärleriň ýersiz galmakdan gorkup, basga düşmelerinden peýdalanyp, degişli ýolbaşçylar dükanlaryň nyrhlaryny geçen ýylyň ortalarynda 38 müň amerikan dollaryna çenli ýokarlandyrdylar. Ýylyň ahyryna çenli bolsa nyrhlar 47 müň amerikan dollaryna çenli ýetirildi.
“Şu nyrh bilen alynýan dükanlaryň göwrümi hem uly däl, 26 kwadrat metr meýdançasy bolan bu dükanlar uly konteýnerlerde haryt ýerleşdirýänler üçin juda kiçi. Elbetde, özüm-ä diňe çörek puly gazanmak üçin jygyllyk bazarynda ownuk söwda bilen meşgul bolýanlygym sebäpli dükan eýesi bolup bilmejekdigime gözüm ýetýärdi. Ýöne meniň kimin güzerany kyn müňlerçe adamlar üçin hem ýolbaşçylar alada eder öýdüp oýlanýardym. Adamlaryň güzeranynyň aladasyndan döwletiň gaznasynyň aladasy has ýokary bolup çykdy” diýip, aşgabatly söwdagär Jennet aýdýar.
Bazar göwünlerden turýar
«Altyn asyr» adyny alan bazaryň ýerleşýän ýeri şäherden has uzakda bolsa-da, söwda nokadynyň ýerleşýän meýdançasynda dükanlaryňam, söwda prilawkalarynyňam gurnalyşy göwnejaý. Prilawkalaryň ýerleşýän ýerleri mermer daşlar bilen örtülip, daş-töweregi gök otlar ekilen alleýajyklar bilen görke getirilipdir. Bazaryň içine ýük düşürmek üçin awtoulaglaryň barmagy hem göz öňünde tutulan. Ozalky jygyllyk bazary ýaly ýel tursa çäge sowrulyp, gyşda batganyň içinde, tomus jokrama günde oturjak gumanyň ýok. Ähli ýer basdyrma bilen ýapylan.
Döwrebap bazarlary gurmakda hem soňky ýyllar döwlet tarapyndan alada edilýär. Emma gymmat bahaly dükanlary satyn almaga güýji ýetmeýän ownuk söwdägärler üçin niýetlenen — boýy bir ýarym, ini bir metr bolan prilawkalardan ýer almak üçin salgyt gullugyndan patent alyp gelmelidigi baradaky habar ýaýradylandan soň, ýersiz galmakdan ätiýaç eden ownuk söwdägärleriň ählisi şäheriň etrap salgyt gulluklaryna garşy eňdiler. Bir aýyň dowamynda dörän nobatlardan salgyt gulluklarynyň edara jaýlarynyň golaýyna barar ýaly bolmady.
Bazarda welaýatlardan gelýänlere ýer bolarmy?
Aşgabadyň Çoganly şäherçesiniň ýaşaýjysy Maralyň aýtmagyna görä, Lebapdan, Daşoguzdan, Marydan gelip, güzeran üçin ownuk söwda etjek adamlara täze bazardan ýer berilmez. Onuň aýtmagyna görä, täze açyljak bazardan diňe Aşgabat şäherinde, şeýle hem paýtagta golaý bolan Ahal welaýatynyň etraplarynda ýazgyda (propiska) duran ýaşaýjylara ýer berilýär.
Bu başga bir tarapdan şäher ýaşaýjylarynyň birnäçesi üçin gazanç çeşmesidir hem. Ýagdaýdan peýdalanyp, bazardan dükan satyn alyp, ony kärendesine bermek üçin özüne müşderi gözläp ýören paýtaglylar hem kän.
19-njy fewralda döwlet baştutanynyň täze bazaryň açylyş dabarasyna geljek gününe görülýän taýýarlygyň çäginde täze dükanlaryň harytlardan doldurylmagy barada söwdagärlere görkezme berildi. Bu günler her kim görkezmäni ýerine ýetirjek bolup, ber-başagaý.
Arhiwiň ýagdaýy
● Doly tekst
● 26/26 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 26
azathabat.com dan copiya edilen ogunden aydyan Akyllyja bagyshla sana derek bu gezek men etjek kopiyany azathabardan
sagja bol gyzykly maglumat.
Çägäniň içinde ýöräp hezil edip söwda edäýýädik welin... 🙂
ay ol bazara gidip durasymyz yok.
Sag bolun maglumat uchin .
maglumat uchin sagbolyng,elbetde bazar tertipli shertde bolso yagshy,yone gedaychilige dushmejek bolup,6-7 gun gelyan adamlrda bar,olory kowsa,achlykdan ejir chekmegi mumkun,welayatdakylarada sheyle,men gorkyan zadym,hokumet garybrak halkyng choregne el urup ugrasa,Mubarak sindromyna dushaymese!
bazara gaty gerek how türkden arzanjak zat satyn alyp bazarda 4 esse bahasyna satyalar turskiy diyip
For your information...
Dükanlaryň iň kiçisiniň meýdany 26 kwadrat metr däl, 12 kwadrat metriň bahasy 40-50 müň dollar. Ondan başga-da, tutýan meýdany edil şonuň ýaly bolan, ýöne şertleri biraz gowrak bolan (mermer ýazylan we ş.m.) dükanlar 50-60 müň dollar. 26 kwadrat metrligini aljak bolsaň 100 müň dollardan geçmeli. Bu dükanlar 15 ýyllyk şertnama esasynda müşderilere berilýär. Patent töleginden daşary, her aýda tok, suw, gaz üçin her aýlyk tölegini töläp durmaly.
Prilawkada söwda etjek bolsaň her aýda 390 manat (köne pulda 1 950 000 manat), ýagny her günde 15 manat (köne pulda 75 000 manat) tölemeli. Mundan daşary, hökmany suratda her aýda patent üçin hem 60 manat (köne pulda 300 000 manat) töläp durmaly.
Bu zatlaryň hemmesi kanuny ýagdaýda resmileşdirilýär we degişli tölegler Türkmenbankyň kassasyna tölenýär.
Enjoy!
wah onki cagelije bazardan gowusy yokdyda😆😆😆
Enjay-jayngyz jennetde bolsyn diymekmi?,
Bagyşlaň, Dükanlaryň iň kiçisiniň meýdany 26 kwadrat metr däl, 12 kwadrat metr, onuňam bahasy 40-50 müň dollar bolmalydy.
Ýok, dost. Bu jaýyňyz elita jaýlardan bolsun diýmekdir. Enjoy!!!
Ай, бу базар онки жыгыллык ялы болмаяр. Сто фонтан ялы гыммат бир базар болжак. Онсон алловорра гиденден хеммелер шэхерин ичиндэки базарлара чозаймаса...
26 kwadrat metr-47 mün $? O_o, Bahçelievlerden 2+1 öy alyan men o pula 😆 gowy maglumat yöne, sagbol!
dogry aydyan meselem mir5 daki optaboy bazar
Medeniyet 😆 47 mun dollardan baslayan bolsa nadeli, hokumedimiz alada edya zo halkyna
morozhni bar telpekliii😆😆😆
indi o bazara hich kimem barmaz,sebabi hemme zatlar gymmatlar......
Yany baryp gaytdym 47 mun diydi . Gowuja onarypdyrlar uly eken yone gymmat wapshe
Yany baryp gaytdym 47 mun diydi . Gowuja onarypdyrlar uly eken yone gymmat wapshe