iblis barada soraglar
Meni şeýtan baradaky soraglar gyzyklandyrýar:
1-Iblis Allah tagalany gören we tanan; Jennetiň gözelligini we dowzahyň erbetligini bilýän ýagdaýynda-da näme üçin ynsanlary azdyrmak arkaly ebedi Jähennemde ýanmaga razy bolýar?
2-Uzak wagtlap perişdelere mugallym bolan we bendeleriniň içinde mertebe taýdan Allah gatynda iň beýik bolmagyna garamazdan nädip gysga wagtda mahlukatyň iň erbedine öwrülip bilýär? Bu onuň tebigatyna ters gelenokmy?
3-Eger-de ynsana erk berilen bolsa, iblisiň günäsi näme? Diňe ynsan çekse bolanokmy jezany?
4-Eger iblis bolmadyk bolsa, onda bu dünýä “Synaglar dünýäesi” bolarmydy?
PS: Dini erbetleýär diýip meni ýazgarjak bolmaň! Çyn ýürekden soraýaryn soraglary. Şoňa görä jogap ýazsaňyz hoşal bolaryn. Biderek ýazgylar ýa sögünçler ýa-da temadan daşary ýazgylary ýazmazlygyňyzy haýyş edýärin!
Arhiwiň ýagdaýy
● Doly tekst
● 10/10 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 3 maý 2012 ý. · Asyl sahypany gör ↗
Teswirler 10
Ýokardaky soraglaryma bilýän bolsaňyz jogaplaryny ýazaýsaňyz!
1.ynsan jennedin govy ve dowzahyn erbetdigni bildigi halde yenede bayliga nebsine gyzya?iblisem solar yali yalnislik goyberyar.
As Salmu Aleykum. Alla tagalla adamy yaradanda yanyndaky hemme perishdelere yagny shol sanda-da Iblisada adama(insana) bir gezek boyun egmegi emir edyar, Iblis bolsa shonda nebsine garshy durup bilman Allaha garshy gidyar sheyidibem hazirki gunde. Alla tagalla Iblise Adamyn onunde bir gezek boyun eg diyende emirini yerine yetitrmani ucin gunisholar yaly umytsyz Iblis emma Adama Alla tagalla ozune gunde 5 gezek sejde edin diyip buyryar, Onson gunde 5 wagtyna sejde etmeyanin guni nahili bolarka...
Baş sahypa çykmandyr. Ýörite Dini bloglar bölümine giremde gözüm düşdi.
Ýokarda 4 aýry sorag bar. Bir-biri bilen baglanşykly. Käbir maglumatlar bar bu mowzuga degişli. Aşakda aýry-aýry paýlaşmakçy. Ilki Allah bilen şeýtan=iblis arasynda bolup geçen dialogy(gepleşik) Kurandan mysal getirip başlaýyn.
Bu mowzuk we soraglar barada maglumatlary bolanlar hem paýlaşybersinler.
Araf süresi, 7/8-18 aýatlary
8-Ol gün terezi hakdyr. Kimiň (sogap) terezisi agyr gelse, ine, şolar (hakyky) gutulyşa (jennete we Jemalullaha) eýe bolarlar.
9-Kimiň (sogap) terezisi ýeňil gelse, ine, olar aýatlarymyzy (ýalanlap) haksyzlyk edenlikleri üçin,özlerine zyýan edenlerdir.
10-Dogrudanam, biz sizi ýer ýüzüne ýerleşdirdik we ol ýerde güzeranyňyzy görmegiňiz üçin sebäpler berdik. Nähili az şükür edýärsiňiz!
11-Ant bolsun, sizi ýaratdyk, soň size şekil berdik, soňra bolsa meleklere Adama sejde ediň! diýip emir berdik. Iblisden başgasy sejde etdi. Ol sejde edenlerden bolmady.
12-Allah şeýle diýdi:Men saňa buýruk beren ýagdaýymda seniň sejde etmezligiňe näme sebäp boldy!? (Iblis):Men ondan has üstün. Çünki meni (dumansyz) otdan ýaratdyň, ony palçykdan ýaratdyň! - diýdi.
13-Allah:Şeýle bolsa Düş(çyk) ol ýerden! Ol ýerde ululyk taslamak(men-menlik etmek) seniň heddiň däldir. Çyk! Çünki sen pislerdensiň! - diýdi.
14-Iblis: Maňa (ynsanlaryň) täzeden direldiljegi güne(Kyýamata) çenli möhlet ber! - diýdi.
15-Allah: Bolýar, sen möhlet berilenlerdensiň! - diýdi.
16-Iblis şeýle diýdi: Şeýle bolsa, meni azdyranyň üçin, and içýän, men hem olary ýoldan çykarmak üçin,Seniň dogry ýoluň üstüne oturjak.
17-Soňra bolsa, elbetde, olara öňlerinden, yzlaryndan, sag tarapdan we çep tarapdan sokularyn(ýakynlaşaryn) we Sen olaryň köpüsini (yhlaslylar munyň daşynda) şükür edýänleriň hatarynda tapyp bilmersiň! - diýdi.
18-Allah şeýle diýdi: Hany, tankytlanan we kowulan hökmünde ol ýerden çyk! Ant bolsun, olardan kim-de kim saňa tabyn bolsa, onda siziň hemmäňizi jähenneme dolduraryn!
teswirleri okamazdan ozal sag bol, meninem shular yaly 1000lerche sorag bar kellamde, emma kawagt kabirlerinin jogabyny 100% tapyp bilemok, kabir soraglara jogap gozlap bashlayan, sorag jogap alyshyan, garshydaky adam kawagt dali bolayjak derejade getiryan, son ertir dowam ederis diyip gidayya Name edeyin kellamde shu soraglar meni dekine goymasa, BILESIM, OWRENESIM GELYA! :(
ilki bir maglumatlary goýaýyn, soň her gezek ýazman galýan. soňundan pikir ýöredäýerin ýöredip bilsem:
Şeýtan jähenneme atyljagyny bilip durka-da, näme üçin küfürinden dänmeýär?
Şeýtan sözi öz manysyna görä, Hakyn dergahyndan kowlan, rahmetden uzaklaşdyrylan, gazanan dere-jeleri öz garşysyna öwrülen, nygmata ýetjek mahaly mahrum galan diýmekdir. Ol düşen bu ýagdaýy sebäpli, hak-hakykata düşünmez ýaly daşlyga gaýyp giden, bozuk halkanyn gurbanydyr. Bir hususa ünsünizi çekmek isleýärin. Bozuk halka jümlesini asyl ulanyşyndakydan biraz tapawut-ly şekilde ulanýaryn. Asyl manysynda bozuk halka, meselem, nerw öýjüklerinin işleýşni bozýan zäherli gaz ynsanyn öýkenine düşende bozulýar. Şeýlelik bilen hem gazyn düzü-mi bozulýar hem nerw öýjükleri zaýalanýar. Netijede biri-birine zyýan ýetiriji bozuk halka emele gelýär. Şeýtan ilki başda men-menligi we tekepbirligi bilen öne çykdy. Meselem: «Men ondan has haýyrlydyryn» diýdi we ilkinji şeýtany düşünjesi döräp, ilkinji dialektiki nukdaý nazardan bozuk halkanyn birinji aýlawy döredi, öldüriji girdaba ilk-inji ädimini ätledi, ähli istygfar ýollaryny özüni aklajak bolmak palçygyna basdyrdy we «Men ondan has haýyrlydyryn» diýdi. Munda ilki bilen özüne göwni ýetmeklik we sonra daşyna çogan tekepbirlik, men-menlik bardyr. Netijede, bu hereket bilen bozuk halkanyn birinji aýlawy orta çykýar.
Şeýtan günä iş eden mahaly, Hezreti Adamam hata edipdir we ol gadagan edilen miwä elini uzadypdyr. Emma Hezreti Adam ýagdaýyna düşünen badyna dyza çökýär. «Rabbim nebsimize zulm etdik. Eger bagyşlamasan, bütün-leý, ähli zadyny ýitirenlerden bolarys» diýipdir. Bagyşlamak ara düşen son Adam atanyn daşynda bozuk halka döremändir we Adam ata halas bolupdyr. Şeýtan bolsa, şeýtanlarça özüni aklap nebsini gorajak bolýar. Özüne berlen duýduryşyn tersine günäsini boýun almakdan gaçdy we «Men ondan haýyrlydyryn» diýip heläk boldy. Bir az sonra-da ynsanyn baş duşmanyna öwrüldi.
Görün, ol nähili bet niýete münýär. «Senin uluhyýetin-den ant edýärin, olaryn ählisinin başyny aýlaryn». Başga bir aýatda: «Saglaryndan, sollaryndan, önlerinden, arkalaryn-dan gelerin we olaryn köpüsini şükürsiz görersin. Hemmesi gadyr bilmez mugthor bolup ýaşar. Senin nygmatyny iýer-ler başga birine-de gulluk ederler. Senin nygmatlaryn içinde ýüzerler emma seni tanamazlar...» diýýär. Kur'any Kerim has köp ýerlerde şeýtanyn bu babatda samahyllamalaryny, ynsan ogluna duşmandygyny we Rabbine garşy isýan edişini düşündirýär. Şeýlelikde, bu isýany sebäpli, Allah tarapyndan kowuldy. Ol «Men ondan haýyrlydyryn» diýende, Hak Tagala: «Düşün aşak, hemmäniz»59 diýmek bilen olary zyýanda goýdy. Bir tarapdan, bahanasy gabahatyndanam uly, beýleki tarapdan-da, kasam edip, ynsan ogluna duşman bolmagy ony Rabbyn geçirimli, ýalkaýjy, beýgeldiji rahmetinden büs-bütin uzaklaşdyrdy. Has sonra dolulygyna şeýtany mantyga özüni aldyrdy we «Yzzatyna ant bolsun, olaryn hemmesinin başyny aýlaryn» diýip hümürdedi. Şeýlelikde, ýol edinip, aldadyjylygy saýlady. Aldatdygyça uzaklaşdy. Uzaklaşdygyça öji artdy. Netijede, bozuklyk, pyssy-pujurlyk bilen bütewileşip ikinji bir häsiýete eýe boldy. Uzaklaşdygyça azýardy, kowuldygyça kinesini, ýigrenjini, bet pälinden dönmejekligini, men-menligini, lagnetkerdeligini aýdyp durýardy. Allaha garşy jedele girýär, dialektikadan söz açýar we şeýdibem, Allahyn rahmetinden uzaklaşmagy ony isýana, isýan hem uzaklaşmaga iterýärdi we şeýtan bozuk halkanyn gurbany bolup pälin-den tapdy, ýagny kalby möhürlendi. Munun manysy şudur, içinde ýaramazlykdan başga hiç zat galmady we gowulyga degişli ähli düşünjeler, yşyk çeşmelerinin ählisi sönüp gitdi.
Muny göz önüne getirip bilmegimiz üçin bir mysal getireýin. Ynsan örän mükerrem (kerem edilen) bir barlykdyr. Özüne bagş edilen mümkinçilikleri ulanyp bilen ýagdaýynda melekleşer. indi örän mähriban, namazynda, nyýazynda, orazasynda, hajynda, zekatynda we ynsanlar bilen gatnaşygynda göwni açyk üýtgeşik bir ynsany göz önüne getirin. Emma bu üýtgeşik ynsanyn bir ýerde mertebesine deglipdir, namysa galypdyr, duýgulary depelenipdir we ynsan hökmünde asla hasaba-da alynmandyr. Şeýle hal-daka beýnisine beýik daglardanam agyr agram düşüpdir. Hatda bir döwür şeýle bir hala düşüpdir çydam edip bilmän, beýnisi ýarylara gelipdir. O pursatda onun kellesinde ne dözümsizlik, ne paýhas, ne geçirimlilik, ne-de ginlik galar. Dünýesi tutuşlygyna kine we ýigrençden dolan bu adamy anynyzda janlandyrsanyz jähennemden syçyran uçgunlar ýaly dine öýke we kine görersiniz. Şol wagt hernäçe nesihat bersenizem ona hiç zat düşündirip bilmersiňiz...
Herkes özünin şahsy durmuşynda muna menzeş zatlary görendir we başdan geçirendir. ine, şeýtan durmuşynyn her dem salymy ondanam az pursatda şeýle kinelerin, ýigrenç-lerin, bet pälden el çekmezligin içinde goluny gerip duran bir barlykdyr. Tutuş durmuşynda, näçe ýaşasa, erbetlikden başga zadyn pikirini etmedikdir. Ol şeýle dartgynlylyk içindäki ýaşaýyşdyr. Bu, elbetde, peýdaly, haýyr işin hatyrasyna ýaşalýan dartgynlylyk däl-de, şeýtany dartgynly-lykdyr... Bu haly bilenem ol dine şeýtanlyk etmegin pikirindedir. içi erbetliklerden dyp-dykyz doly bolanson, gowulyk etmäge wagt tapmaýar. Bu sebäpden hem, bir seretsen, Allahy bilýän ýaly bolsa-da, öýkeli müminin Allahy bilibem öýkede mahaly paýhas-parasady unudyşy ýaly, ol hem Allahy bilýänem bolsa Allahy ýadyna salmaýar we iman etmeýär. Çünki içindäki zatlar muna böwet bolýar. Beýle bozuklyklaryn yzygiderliliginin gurbany bolan şeýtan ýaly, edil şonun kimin zaýalanan örän köp ynsan-da bardyr. Olar hem şeýle erbet duýgy we düşünjänin gurbany bolan men-menligine we nebis butuna çokunýandyrlar. Bu meselede hiç kimse hemişelik goragda däldir. Biz mümin musulmanlaryn ýeke-täk hemaýatkäri Allaha (jelle jelaluhu) ynamymyz we Ona bil baglaýanly-gymyzdyr. Ona bil baglaýarys we Ona daýanýarys.
Rabbim şeýtany ýollary arçap o ýollardan ýöremekden bizi Özi gorasyn.
Şeýtanyň niýeti:
Ynanan ynsan pany ömürde baky sagadata we ölümsizlige ýetişi ýaly, inkär eden hem ebedi şowsuzlyga we betbagtlyga uçrajakdyr. Ýogsa, Zahyry Adalatyñ talabyna laýyklykda her kimiñ öz ybadatyna we ýagşylygyna ýa-da kezzaplygyna we ýamanlygyna görä lutf we yhsana, gahara we azaba duçar bolamagy göwne makuldyr. Bu-da ýagşylaryñ jennetlerde boljak döwrüniñ ýagşy ynsan bolup ýaşan ýyllaryça, ýamanlaryñ hem jähen-nemde galjak döwrüniñ eden ýamanlyklaryça boljaklygydyr.
Netijede, ebedilik ýaramazlar üçinem, gowular üçinem gazanan iñ soñky ýagdaýlarydyr we mundan soñ hiç bir zadyñ pikirini etmäge mümkinçilik bolmaz.
Ine şeýle, hem gutarmaýan sagadat, hem-de tükeniksiz bir azap we bagtygaralyk ynasanyñ niýetiniñ miweleridir. Ebedi iman we istykamat düşünjesi ebedi sagadata wesile bolşy ýaly, ebedi küfr we azgynlyk düşünjesi ebedi bet-bagtlyga getirer.
Soñky minutlarynda kalby gulluk düşünjesinden doly bir ynsan, müñlerçe ýyl ömri bolsa, düşünje dünýäsi istyka-matynda sarp etjekdigi üçin, niýeti edil amal eden ýaly kabul ediler, oña görä çemeleşiler. «Mümüniñ niýeti ama-lyndan haýyrlydyr». Edil şonuñ ýaly, soñky minutlaryny ýaşaýan inkärçi ol dinsizlik we küfür düşünjeleriniñ içinde, geljegiñ müñlerçe, ýüz müñlerçe ýylyny garaltmak niýetinde bolandygy üçin niýetine görä jezasyny hem alar.
Diýmek, bu meselede esasy zat olaryñ ýaşan pany we çäkli ömürleriniñ wesileliginden has zyýada a slyýetinde ol pany ömür hem niýetiñ netijesidir olaryñ niýetleridir. Ebedi sagadata iman we ony gazanmak m iilionlarça ýyla bagly bolsa hem mümin ynsana ebedi jenneti gazandyrýar, käfire bolsa, tersine, jähennemi.
Inkärçi öz arzuw islegi bilen ýaşan küfrüniñ jezasyny çekjekdigi ýaly, ähli küfüre we dolup-daşmalara sebäp bolan şeýtan hem bagrynda boý aldyran irginsiz inkär düşünjesiniñ jezasyny üznüksiz azapda çekjekdir.
Aslynda ýaradylyşynda paýyna düşen zatlar sebäpli şeýtanyñ edýän ep-esli işleri we hyzmatlary hem bardyr. Ynsanyñ bir topar häsiýetleriniñ we ukyplarynyñ ösmeginde, ynsanyñ ýaradylyşynda bar bolan ençeme ýagşy magdanyñ arassalanyp orta çykmagynda, hatda kalbyñ we ruhuñ oýa we gözlegde bolmagynda inkär edip bolmaz ýaly derejede şeýtanyñ täsiri görünýär.
Hawa, ol şahslara we jemagatlara musallat bolar. Olaryñ ýüreklerine zäherli tohumlar taşlap, şol ýürekleri şeriñ we garañkylygyñ ösdürilip ýetişdirilýän ekin meý-danyna öwürmäge jan eder. Onuñ bu zaýaçylykly we azaşdyryjy gaýratynyñ derek gurluşyndaky manewi duýgu-lar herkete geçer, edil antibiotige garşy bedeniñ oýanyp işjeñligini artdyrmaga başlaýşy ýaly... Bu bolsa ynsanyñ lat-ifeleriniñ ösmegine, kuwwatlanmagyna, hatda bu iñ ganym duşmanyñ garşysynda ýygy-ýygydan Ýaradana sygynmagyna getirer. Bu-da ynsanyñ kalp we ruhy ýaşaýşynda örän az zyýan çekmek ähtimallygyny artdyrmak bilen örän köp zat gazanmagy diýmekdir. Şeýle magnewi täsiri bilen ynsan oglunda göreşmek azmynyñ gamçylanmagy, onuñ dykgatly we hatyrjem bolmaga höweslenmegi, birgiden magdanyñ sap altyn we niçe öwlüýänyñ we asfiýanyñ, beýik mujahit-leriniñ we gahryman gazylaryñ orta çykmagyna wesile bolupdyr.
Emma, şeýtan bu saýlantgy ynsanlary garşylyk görkezmäge we göreşmäge iterip uly derejeleri gazandyrandygyna derek, özi üçin bir serpaýam gazanyp bilen däldir. Çünki, ol bu eden işlerini Hakyñ dostlary köpelsin diýip etmeýär, tersine, olary günälere iteklemek üçin edýär...
Bu ýerde şeýtanyñ hem niýeti, hem amaly bozuk diýip aýtsa bolar. Ol başgalara gazandyran beýikligi bilen däl, özüniñ pesligine niýet we hereketleriniñ ýaramazdygy sebäp bolýar we muña mynasyp görülýär.
Şeýtanyñ niýeti bozuk, hereketleri hem ýaramazdyr. Ol isýanyny düşünjeli we ýoldan azaşdyrmalaryny bilip edipdir. «Men saña sejde etmegi emir edemde, seni sejde etmekden saklan nämedi? Ol (Iblis) diýdi: - Men ondan has haýyrlydyryn. Meni otdan ýaratdyñ, ony palçykdan ýaratdyñ. Allah (jelle jelaluhu) buýrdy: - Düş aşak ol ýeriñden (jennetden), ol ýerde tekepbirlik etmek gelişmez, çyk! Çünki sen pes we ýaramazsyñ. Iblis: - Maña gaýtadan diriliş gününe çenli möhlet ber - diýdi. Allah hem: - Sen möhlet berlenlerdensiñ buýrdy». Bu ilkinji isýan we baş götermek, düşünip edilen jedel we soñra küfür ýoluny seçip almakdyr. Ynsany azdyrjakdygyna degişli şeýtanyñ kasamlary bolsa adamzadyñ tükenme-gutarmany bilmeýän dramalarynyñ esasyny düzýär.
Şeýtan bu gelen karary we niýeti sebäpli, onuñ duşmanlygy saýasynda oýanan birnäçe duýgular, ol duýgu-laryñ sahybyny faziletlere, belent mertebelere göterenem bolsa, şeýtan ol gaýratlaryndan ötri, hiç bir serpaý almaz.
Netije hökmünde şuny aýtmak bolar. Niýet müminiñ ömründe ähli zatdyr. Şahsyñ öli hereketlerine janlylyk beren niýeti bolşy ýaly, onuñ tutuş ömrüni birini müñ eden ekin meýdanyna öwürenem oldur. Bäş günlük bu ömürde ebedi sagadata tarap ähli gapylary, penjireleri açanyñ niýet bolşy ýaly, ebedi betbagtlyga we ebedi azaba taýýarlaýan hem oldur.
«Amallar niýetlere görädir». Çemeleşmegem amala görä bolup geçer.
amin! Alla razy bolsyn Ata aga. Sen deyin mumin musulmanlan Allahu Tagalla my
dama yolyna nur caysyn
«Iş bitirilenden, ýagny, kyýamat gopup, höküm edilenden soň, şeýtan olara şeýle ýüzlener: «Allah size hakykaty wada berdi. Men hem size wada berdim, emma sözümden dändim. Aslynda mende size zor edere güýjüm ýokdy. Men diňe sizi küfür we isýana çagyrdym. Siz hem meniň çakylygyma ylgap geldiňiz. Onda meni günäkärlemäň. Özüňizi ýazgaryň. Ne men sizi, ne-de siz meni halas edip bilersiňiz. Men öňem meni Allaha şärik goşmagyňyzy ret edipdim. Elbetde, zalymlar üçin elemli azap bardyr», (Ibrahim, 22).