Allaha iman düşünjesi

   Älemi yaradan, edara edyän we özüne ybadat edilyän yeke-täk hem-de iň Beýik barlyk bolan Allaha iman, iman esaslarynyň birinjisi hem-de esasydyr. Ähli ylahy dinlerde Allanyň barlygy we birligi, iň ähmiýetli ynanç esasydyr. Çünki ähli esaslar Allaha iman we Onuň birligi esasynyň üstünde binýat edilýär.
Allaha iman etmek, Onuň barlygyna we birligine, Beýik we kämil sypatlara (häsiýetlere) eýeligine, ähli zada güýji ýetýändigine ynanmakdyr.
 
   Adam özüni yaradan Rebbini bilmek we Oňa iman hem-de ybadat etmek üçin ýaradylandyr. Aýatda bu babatda şeýle diýilýär: “Men jynlary we adamlary diňe Meni mabud (özüne ybadat edilýän) bilip, diňe Maňa ybadat we gulluk etsinler diýip ýaratdym.” (Zariyat 51/56)