Oba we obalylar

ADS· · 653 gezek okaldy· halanan: 14teswirler.com

Kyrk bir adam.

Alty diýen obaly ýigit köpçülikde:
–Men bir motorda kyrk bir adam getirdim–diýende, adamlar:
–O nähili? Bolup bilmez–diýipdirler.
–Näme üçin bolman, hasaplaň: Otuzy, Bäşimi, Altyny.
Oturanlara diňe gülmek galypdyr.

“Görüp dursuň-a...”

Batyr aga düýäniň başyny saklap, aýalyna düýe sagdyryp duran eken. Geçip barýan obadaşlarynyň biri ondan:
–Näme işläp dursuňyz? diýip sorapdyr.
Batyr aga:
–Görüp dursuň-a. Aýalym-a düýeden gorkýar. Düýe-de menden. Men hem aýalymdan. Ine-de, şeýdip durşumyz–diýip jogap beripdir.

Ugurtapyjy

Kolhoz başlygy bilen brigadiriň sözi azaşypdyr. Başlyk ýörite ýygnak çagyryp, oňa käýäpdir hem-de:
–Eger-de, men şu wezipede otursam, saňa ýeriň ýüzünde iş ýok–diýipdir.
Bir gün brigadir obada biriniň güýusyny gazyp ýörkä, obadaşlarynyň biri başlyga şugullapdyr. Dergazap bolup gelen başlyk:
–Men saňa iş ýok diýmänmidim name?–diýipdir.
Onda brigadir guýynyň içinden parahatlyk bilen:
–Köşeş, başlyk. Siz maňa “Ýeriň ýüzünde iş ýok” diýdiňiz. Görýäňiz-ä, men ýeriň aşagynda işleýärin–diýipdir.
Bu jogaba hezil edip gülen başlyk:
–Bolýar, ertir öňki işiňe başlaber–diýäýmekden başga alaç tapmaýar.

Arhiwiň ýagdaýy

● Doly tekst

● 17/17 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 4 awgust 2012 ý. · Asyl sahypany gör ↗

Teswirler 17

ADS 2 fewral 2011 ý. 08:50 +3

“Eltip bermeden geçen...”

Ogultäç daýza her sapar goňşusynyň gapysyndaky üýşmek ýowşandan tamdyrtowluk alyp, nan bişirýän eken. Bir gün muny gören goňşusy:
—Ogultäç, bu näme etdigiň boldy! Her gezek çörek bişireniňde, meniň gapymdaky tamdyrtowdan alyp dursuň-la! – diýipdir.
Muňa Ogultäç daýza göwni bir ýaly:
—Bu nähili gürrüň boldy, gyz? Özüň eltip berenden-ä geçen, gelip alsagam gürrüňini edýäň-le – diýip, ony haýalçyradypdyr.

Killer 2 fewral 2011 ý. 09:20 +1

1 bar eken, 1 yok eken, ertesi olam yok eken

Killer 2 fewral 2011 ý. 09:22

1 yok eken, 1 bar eken, ertesi olam yok eken 🙂

Maral: 2 fewral 2011 ý. 10:05

2 sem gowja degisme eken esasanam 1 nji haladym

Star 2 fewral 2011 ý. 11:57

Sag bol oñatja degishmeler haladym. [url=http://smiles2k.net/lol_smiles/index.html][img]http://i.smiles2k.net/lol_smiles/1_011.gif[/img][/url]

Tejenli 2 fewral 2011 ý. 12:13

Hah tuweleme hemmesem gowy

akyllyja 2 fewral 2011 ý. 16:59

👍👍👍👍

bilbiljik 2 fewral 2011 ý. 19:25

gowja degishmeler haladym👍

Sabyrly 2 fewral 2011 ý. 19:32

Menin 90 sany dostum bar,Otuz  Jorayew,Otuz Aliyew we Otuz Myradow 😆😆😆

ahmet15 3 fewral 2011 ý. 03:52
ADS:
“Eltip bermeden geçen...”

Ogultäç daýza her sapar goňşusynyň gapysyndaky üýşmek ýowşandan tamdyrtowluk alyp, nan bişirýän eken. Bir gün muny gören goňşusy:

—Ogultäç, bu näme etdigiň boldy! Her gezek çörek bişireniňde, meniň gapymdaky tamdyrtowdan alyp dursuň-la! – diýipdir.

Muňa Ogultäç daýza göwni bir ýaly:

—Bu nähili gürrüň boldy, gyz? Özüň eltip berenden-ä geçen, gelip alsagam gürrüňini edýäň-le – diýip, ony haýalçyradypdyr.

yaman yuzsiz ayal eken-ay..ozem sherraydir 😆

GarrySerdar 30 aprel 2011 ý. 22:31

masha köp dörýäňle gyz