Talyp durmuşyndan kiçijek parça

Kijijek talyp durmusy!

Ine ýene oýandym, bolkona çykdym, täze dogan güne
salam berdim, ýöne bu dogan güni beýle garşylamok islämok, men ony mähriban
ojagymda garşylasym gelýär ýöne indi iki ýarym ýyl bäri bu pursat maňa nesip
edenok:

Höwes etýän öz öýümden örmegi

Arzuw etýän watanymy görmegi

Iki ýyldyr sizden ýokdur habarym

Küýseýän eziz obam Goňurum

Adatdakylar
ýaly ýuwundum, eşiklerimi çalyşdym, umumy ýaşaýyş jaýyndan çykyp instituta
barýan ýoluň ugry bilen ýöräp ugradym. Hemişekileri ýaly hemme kişi öz ýoly
bilen gidip barýardy. Ýöne bu müňlerçe adamlaryň içinde maňa mähriban türkmen doganlarymyň
ýokdygy meni gynandyrýardy. Gidip barýan ýolumdan ertirlik edinmek üçin student
kafesine sowuldym, iki sany çeburek bilen bir kofe aldym, Wah ALLAJAN bu alan
ertirligimde ne tamdyryň nede mukaddes çöregimiziň ysy bar, iň esasy
gynandyrýan ýeri bu iýmitlerde mähriban käbämiň eliniň ysy ýok:

Ýok hiç hili nägiläm hiç hili arzym

Iýýärin her günem seniň höregiň

Ýöne her iýemde küýseýän zadym

Mähriban käbämiň tamdyr çöregin

Ertirlik
edindimde ýene ýolumy dowam etdirdim. Instituta geldim, ilkinji para girdim,
mugallym sapak düşündirmäge başlady, wah hany meniň bir wagtky ene dilimde sapak
düşündiren mugallymlarym, men sizi gaty küýseýän.

Ýatlaýaryn seni köneje mekdebim

Ikinji edep terbiýäni alan ýerim

Şol edep terbiýäni bize beren

Küýseýärin sizi jan mugallymlarym

Para gutardy, menem edil beýleki talyplar ýaly
paradan çykdym. Talyplaryň kimsi çilim çekmäge gitdi, kimsi ertirlik iýmäge, men
bolsa hiç zat etmän durdum, birden gözüm bir birini çyndan söýýän oglan bilen
gyzyň duranyny gördüm, olar şeýle bir ajaýypdylar. Wah ALLAJAN meňem ýarym
bardy ahyry, menem şeýdip bile durupdym ahyryn, ýöne indi ýarymyň ellerini
başga biri tutýar, lewlerini başga biri sorýar, gujagynda özge kişi daňyny
atyrýar, men bolsa diňe ol zatlaryň arzuwyny etýän. Şol bada ýürek berip söýen gyzymdan gelen iň soňky habary
telefonumdan açyp okadym. Onda şeýle sözler bardy:

Bagyşla ezizim ýeketäk söýenim

Ýykyp bilemok enem atam raýyny

Senden aýrylyp gitmeli bolýan

Senem taparsyň asman aýyňy

Bu sözleri täzeden okasamama okadym welin ýüregime
gaty ezýet berdim. Wah janim bu zatlar, seň bilen geçiren günlerim edil düýş
ýaly göz öňümden geçip gitdi:

Gara batyp galsada meň bijelem

Sen hakda pikirim uzak gijelem

Güýze ýetmän sanalsada jüýjelem

Seň bilen geçiren günlerim galdy

Paralarym gutardy, institutdan çykdymda umumy
ýaşaýyş jaýyna tarap gelen ýolum bilen yzyma gaýtdym. Ýolda ýöräp barýan daş
töweregime seretýän hiç hili tanyşym ýok bilişim ýok, bütin uly şäherde ýeke
ýalňyz türkmen men. Umumy ýaşaýyş jaýyna geldim, ýeketäk dostum ýalňyz
syrdaşymyň ýanynda oturdymda içimi dökmek üçin elime aldym, ýalňyz syrdaşym bu
bolsa meniň dutarymdy.

Ine bu meniň günde başymdan geçýän talyp durmuşum.
Dogrymy aýtsam bu zatlara öwrenişipdirinem ýöne kä ýarym şeýlebir watanymy küýdeýän
sebäbi meň damarymdan türkmen gany akýar!!!!!!