ÄRSARY GYZY....

ÄRSARY GYZY...
"Hoş geldiñiz" diýdiñ güler ýüz bilen,

Sary reñk köýnegiñ ýatlatdy güýzi.

Waspyñy aýdaýyn ajap söz bilen,

Gül bilen bäsleşen Ärsary gyzy.
Hyzmata başladyñ ýazyp saçagyñ,

Ÿüzüñi gizledi gürje seçegiñ,

Tüýs diýýän gyzyda meniñ ejemiñ,

Bakyşy kalp deşer, Ärsary gyzy.
Goýduñ ses çykarman çaýly çäýnegi,

Has gowy synladym dakyp aýnegi,

Her näçe baksam-da tapmadyñ kemi,

Edebi görk goşar,Ärsary gyzy.
"Myhmansoýerligñiz öñdenem belli,

Ÿöne gözelligiñ has aklym aldy",

Diýenimde ogryn seredip güldi,

gülkä ýürek joşar,Ärsary gyzy.
Uzak günüm geçdi garap görküñe,

Sawçy ibermesem goýmaz erkime,

Aýagym kän düşsün bu oýe ýene,

Turaýyn,Gün ýaşar,Ärsary gyzy.
Awrory: Kerimhally.