Gowunlik. (Ogurladym)

Ne ejizdiñ, ne doýgundyñ durmuşdan,

Ne ünjüli gezip ýören hassadyñ.

Ýöne bu gün gussa gördüm gözleñde,

Ýüregime sanjy boldy hasratyñ.

Perýat çekýäñ dilgir bolup ykbaldan,

Nalaý-nalaý gözýaşyñy seçýäñ sen.

Geçmişiñe öýke bilen seredip,

Käte şirin janyñdanam geçýäñ sen.

Bu - ýazgyda çözgüt däldir, jan uýam,

Bu - namartlap ýeñilmekdir durmuşdan.

Itdilermi belent-belent şahadan,

Ondanam has belent şaha dyrmaş sen!

Bu durmuşy gülki bilen ýeñmeli,

Bagta dönsün, güle dönsün günleriñ!

Gussalarñy gülkiñ bilen depele,

Ýele nähak süllermesin gülleriñ!

Belent başyñ peselmesin pes işde,

Alla söýenlerne be:rmiş derdini,

Hut şu kötel ýollar bilen saýlarmyş

Bendelerniñ namardyny, merdini.

Mert bol, uýam!

Merdemräk bol!

Gysylma!

Ýaz gelýändir her aýazly gyşdan soñ.

Kynçylyklar düýşdir, ine, görersiñ,

Bagtly günler ýetip geler düýşden soñ!