Oylanmaga itergi

näbelli· ≈ 2 mart 2016 ý. ertir.com

Bu ýazgy RSS lentasyndan dikeldildi, teswirleri saklanmandyr.

Uzunly gün uklap ýatan meýdanlar,
Jana gelýär ýazyň ýagyşlaryndan.
Heder edip, gaça duruň adamlar,
Bigünä bendäniň gargyşlaryndan.

Göwne degmäň, bihuda gep aýytmaň,
Söz ýarasy bitýän däldir, unutmaň.
Ýalňyşlygam boş gidýändir öýütmäň,
Adam sapak alsa ýalňyşlaryndan.

Ýürek gyýlyp, ýokuş degse-de näler,
Ýamanlyk undular, ýagşylyk galar.
Eli, kalby sahawatly ynsanlar,
Bähre tapýar alan alkyşlaryndan.

Adam käte öz-özüňe duşmandyr,
Dogry ýola saljak diňe puşmandyr.
Ýigidiň kalbyna uçgun düşýändir,
Güldesse gyzlaryň göreçlerinden.

Gün ýaşar, ýaşan Gün ýene-de dogar,
Ýerden göterlen bug ýene-de ýagar.
Şahyr geň-taňlygy alandyr, meger,
Beýwan çölleriň derwüşlerinden.

Awtor Halyl Kulyýew

Arhiwiň ýagdaýy

● Doly tekst · RSS

○ Teswirler saklanmandyr

Ýazylan saýty: ertir.com · Çeşme: RSS lentasy (Web Archive) — ertir.com, 9 aprel 2016 ý. · Lentany gör ↗

Oylanmaga itergi

Arhiwiň ýagdaýy

Teswirler 0