Meňzetme . (oka ,oýlan)

Käse.

Akyldaryň şägirtleriniň biri kiçijek oglanjyk wagty hem örän akylly bolupdyr. Onuň halypasynyň gymmat bahaly, seýrek duş gelýän käsesi bolupdyr. Bir gün ýalňyşlyk bilen ol bu käsäni döwüpdir. Haçan-da halypasynyň aýak seslerini eşidende bolsa, käse döwüklerini arkasynda gizläpdir.

Halypasy içeri girende :"Enjamlar näme üçin döwülýär? "diýip sorapdyr. Halypasy bolsa :"Bu bolmaly zat,her bir zat öz wagty gelende döwülýär "diýip düşündiripdir. Şonda şägirdi elindäki käse döwüklerini görkezip :"Siziň käsäniziň hem döwülmeli wagty bolupdyr "  diýipdir.
Gün we şemal.

Günlerde bir gün Gün bilen Şemal özleriniň güýçleri barada özara jedelleşipdirler. Şonda Şemal :"Men saňa özümiň güýçlüdigimi subut edeýin "diýipdir.

Gün öz şöhleleriniň arkasynda gizlenipdir. Şemal bolsa ýuwaşlyk bilen öwsüp başlapdyr we tä tüweleýe öwrülýänça, gitdigiçe güýçlenipdir. Ýöne ol näçe güýçli öwüşdügiçe, ýaşuly adam şonça-da öz ýapynjasyna bürenipdir. Ahyr soňy Şemal ýuwaşapdyr we öwüsmegini bes edipdir. Şol wagt Gün şöhleleriniň arkasyndan seredipdir we ol adama mähir bilen ýylgyrypdyr. Adam şatlanypdyr we egnindäki ýapynjasyny aýyrypdyr. Gün Şemala mähriň hem dostlugyň gahardan we güýçden has ýokardadygyny subut edipdir. )