Örän netijeli adamlaryň 7 häsiýeti. (Stephen COVEY)
Bu ýazgy RSS lentasyndan dikeldildi, teswirleri saklanmandyr.
1. Işjeňdirler (Proactive). Olar özleriniň başarýan işleri bilen meşgul bolarlar. Mysal: Diýeli olaryň hususy kärhanalary bar. "Döwlet kanunçylygy ýaman", ýa-da "şu günler adamlar gowy harytlaryň gadyryny bilenoklar" diýmezler, tersine "men şu harydymy nädip kämilleşdirip halkyň durmuşyndan aýrylmaz bölek edip bilerin" diýerler.
2. Hyýalyndaky arzuwlaryny durmuşa geçirerler. Şeýle sorag bereliň hemmämiz özümize, "men kim bolmak isleýän?". Eger jogabyňyz iň ökde okuwçy, iň gowy ýan ýoldaş, iň zähmetkeş işgär bolsa, onda, hakyky durmuşda siz bulary ýerine ýetirmek üçin näme etdiňiz? İsleýän zatlarymyz bilen edýän işimiz deň gelmeli.
3. Birinjiligi birinjilige goýarlar. Eger size soralsa, "Siziň üçin iň esasy zat näme?". Elbetde köpiňiz, saglygym, maşgalam-çagalarym, ýakynlarym diýip jogap berer. Hiçbirimiz internetde gezmek, telewizora seretmek diýip jogap bermese gerek. Eger şeýle bolsa onda, birnäçe sagat ýeriňden galman internetde (Laýnda), telewizoryň garşysynda wagt sarp etmegiň peýdasy näme. Diýmek, aýdýan zatlarymyz bilen edýän işlerimiz deň gelmeli.
4. Utuş we utuş şeklinde pikirlenerler. Eger siz gowy ýazyjy bolsaňyz, başga ýazyjylaryň pikirlerini ulanmakdan çekinmäň. Eger ulansaňyz, okyjy sanyňyz iki esse artar. Ol ýazyjy hem siziň kitaplaryňyzdan peýdalansa onda onuňam okyjy sany artar. Eger herkim özüni bilip, başgasyna basdaş bolsa onda okyjy sanynyň agzybirlikde iş salyşmasyndan az boljagy mälimdir. Goşa utuş barka, bir ýeniş bir ýeňlişiň geregi näme.
5. Düşünmek üçin pikirlen, soňra düşündirmek üçin. Laýn hasabyma haladym goýaýyň diýmekden öňürti, ulanyjylar näme halaýar şoňa düşünjek bol. Eger jogabyn tapsaň, ulanyjylar saňa düşüner we laýk sanyň öz-özünden artar.
6. Hyzmatdaşlyk (Synergy). Diýeli alma agajy dur öňüňizde. Her ikiňiziňem boýy ýetenok almalary toplamaga. Eger biriňiz beýlekiniň gerşine münse, soň ol seň gerşiňe münse almalara deň mukdarda eýe bolýaňyz. Diýmek hyzmatdaşlykda aýry işlemekden kän peýda bar.
7. Byçgyňy ýitelt. Agaç kesip dursuňyz byçgy bilen. Byçgy körelýär we kesmek kynlaşýar. Dostuňyz gelýär-de byçgyny ýiteltseň has aňsat kesersiň diýýär. Siz bolsa beýtsem wagtym ýitýär diýseňiz, hemme kişä gülkünç boljagy görnüp dur. Emma durmuşda biziň edýän işimiz şundan üytgeşik däl, wagtymy alýar diýip kitap okamazlyk, maşk etmezlik we ş.m.
(Iňlisçe bilýänler üçin we youtube'a girip bilýänlere salgysy: https://www.youtube.com/watch?v=ktlTxC4QG8g&feature=youtu.be)
Arhiwiň ýagdaýy
● Doly tekst · RSS
○ Teswirler saklanmandyr
Ýazylan saýty: ertir.com · Çeşme: RSS lentasy (Web Archive) — ertir.com, 6 aprel 2016 ý. · Lentany gör ↗
Teswirler 0
Teswir ýok.