Akylly gyzlar eýmendirijimi ýa-da özüne çekiji?

Gadyrly dostlar!
Il içinde oglanlar akylly gyzlardsan çekinýärler, golaýyna barmanlaryny gowy görýärler diýen stereotip bar. Şunuň nädogrydygyna ynanasym gelýär! Akmajyk gyz derrew ýüregiňize düşer. Öz pikirleriňi, ideýalaryňy paýlaşmaga, maslahatlaşmaga intellektual taýdan ösen, düşbüje gyz küýsärsiňiz. Onsaňam oglana-da ösüp, gyzdan has akyllydygyny görkezmek üçin okap, bilimini artdyrmaga stimul peýda bolar. Bardy-geldi onuň ýanynda bir zady bilmäýeniňizde-de, paýhasly gyz ikinji Eýnşteýn bolaýanda-da hiç-wagt ony size bildirtmez. Tersine öz ýarynyň belentde bolmagy üçin özi bilmediksirän bolar. Siz hijem aljyraňly ýagdaýa düşmersiňiz!
Meň bir kursdaşym gyzlaryň gowusy gumuň obalarynda ýaşaýar, öýlenseň şolar ýalakylara öýlenmeli, sessiz-üýnsüz gezip ýörer, nämä gerek şäheriň okuwly, köpbilmiş gyzlary diýýär. Men onuň pikiri bilen düýbünden razylaşmaýan. Gyz-gelin - bu ýigidiň bütin ömürlik maslahatçysy, ýoldaşy, dosty... Nädip ol bilimsiz, okamadyk, öýde oturan gyz bilen ýaşar? Haçan-da mentalitet düýbünden gabat gelmeýärkä? Ähli zat öz derejäňe laýyk gelse gowy bolýar.
Siz özüňizi akylly-paýhasly gyzyň ýanynda göz öňüne getirip görüň. Siz bilen bir üýtgeşijek waka bolup geçdi, biri bilen paýlaşmak isleýäňiz, şonda: "Men çaltyrak öýe baryp keýwana aýdyp bereýin, näme diýerkä? Özä her-hiljek pikirleri ataganjadyr!"
Edil şu ýagdaýy dar dünýägaraýyşly, biperwaý gyz bilen göz öňüne getirip göreliň: "Bää, kim bilen paýlaşsamkam? keýwana aýtdyň-aýtmadyň bir köpük, gök-önüme aýtsaňam bir, oňa aýtsaňam. Garaýşam ýok, degerli maslahatam!" Pikirlendirýär, hämi?
Beýleki bir kursdaşym edil özi ýaljak akylly,bilimli, medeniýetli, ösen, beýik IQ-ly gyza öýlendi. Olara seretmek diýseň ýakymly! Ähli zatlary bileje çözýärler, gürleşmäge temalary gutaranok. Gyz bolsa öz gezeginde adamsynyň mertebesini beýgeltem üçin elinden gelenini edýär. Men şolar bütin ömrüne bile bolarlar öýdýän, sebäbi olaryň derejeleri bir, biri-birine ýarym sözden düşünýärler. Nähili ýakymly 🙂!
A siz bu meselä nähili garaýaňyz, akylly gyzlar eýmendirijimi ýa-da özüne çekiji?