"Ynha, ýene bahar..."
***
Ynha, ýene bahar.
Baharda guşlar
Bir wagtlar süýji-süýji saýrardy.
Ýaz lybasyn geýinerdi tebigat
Ol gözel görnüşe göwün haýrandy.
Ynha, ýene bahar.
Ýöne bu sapar
Küýseýär ýüregim ýaşyl baglary.
Şu beton daglardan gutulmak isläp
Gamgyn göwün näçe gezek aglady.
Ynha, ýene bahar.
Ýaz ýagşy ýagar.
Ýöne ýagar kömür reñkli asfalta.
Ýagaýmaz ol açylan ter güllere
Ýalbaryplar seretsem-de asmana.
Ynha, ýene bahar.
Baharda guşlar
Bir wagtlar gamgyn-gamgyn saýrardy.
...Uzak diýarlarda bir bahar güni
Aşyk ýigit köçe bilen barýardy.
Arhiwiň ýagdaýy
● Doly tekst
● 6/6 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 23 maý 2012 ý. · Asyl sahypany gör ↗
Teswirler 6
haladym 🙂)
''Uzak diyarlarda bir bahar guni
Ashyk yigit koche bn baryardy''
Sagja bol shahyr! Shu yokarky setirleri gaty haladym.
Ynha, ýene bahar.
Ýaz ýagşy ýagar.
Ýöne ýagar kömür reñkli asfalta.
Gurbannazar aga şeýle diýipdir:
Asfalt ýollar hiç maňzyma batanok
Onda yz galanok aýakyzymdan
ýaly setirleri bardy
Halyl Kulynyň goşgusy bardy bahar barada:
Bahar gelýär, bahar gelýär adamlar
-diýip. Bahara her kimiň öz garaýşy bar.
Goşgy gowja bolupdyr. Ylaýta-da soňy!
Dostum goshgulanyn hayrany men. Dowamyna garasyan.