Gözlerine Aşykdym

gözleri öran ajaýypdy
we diňe gözlerine aşyk boldym
belki hemme taraplaýyn näzenindir
belki hiç hili kemçiligi ýokdyr ýöne men gözlerine aşykdym
näwagt görsem, gözlerine serideriberýädim
birnäçe gezek tutdy meni
netijede bakyşlarymyz kesişýädi
maňa seredişini halaýadym
gözleri örän owadandy
we diňe maňa seretmelerini isleýädim
...
bugün sapakda ýanyma otyrdy
we ýene gözlerine seretmäne başladym
ilkinji gezeg şeýle ýakyndan seretýädim
gözleriniň mawysyny gördüm
we içindäki ýaşyly
we ýalpyldaşyny
aklym, huşym giden pursatdy birden "salam" diýdi
geň galdym
gözler belki gürleýändir ýöne ses çykaranoklar
geplän özüdi
we jadylaýjy pursat ýok boldy
o bolsa ýylgyrýady
meni nähili gaharlandyranyndan habary hem ýokdy
ýöne oňa gazaplanyp bilmedim
ol gözleriň eýesidi
gözleri örän ajaýypdy
we diňe maňa seretmelerini isleýädim
...
bugün bile birzatlar içmäne gitdik
belki 2 sagat oturandyrys
ýekeje diýen zadym "gözleriň örän ajaýyp" bolandyr
ýene ýylgyrdy, eýýäm näçinji gezek eşidendir bu sözü
birzatlar diýýädi
ýöne eşitmeýädim
gözlerine seredýädim hipnoz bolan ýaly
onsuzam gözlerine aşykdym, özüne däl
ýekeje eşiden zadym näme içjegini aýtmagydy
miwe suw sargady
gazly, içinde asit bolan içgileri halamaýanyny aýtdy
bu gowydy
sebäbi gözleri örän ajaýypdy
we diňe maňa seretmelerini isleýädim
...
bugün öýüme gelýä
hemme zat kemçiliksiz bolmaly
aljyramakdan gorkýadym
hemme zat ýerbe-ýer bolmaly
sebäbi gözleri örän ajaýypdy
we diňe maňa seretmelerini isleýädim
...
geldi
ýenede geplemedim men
ol hem geplänokdy
gözlerime seredýädi, edil meniň hem oňa seredişim ýaly
ýylgyrýady
we şol wagt gözleriniň ýylgyrşyny gördüm
gözleri hem maňa aşykdy
bu gowydy
sebäbi gözleri örän ajaýypdy
we diňe maňa seretmelerini isleýädim
...
şol ýerde otyr diýip kuhnýa gitdim
miwe suwlary taýýarlamaga
kola ýerine miwe suwy halamagy gowydy
sebäbi uky dermany kolada köpürjükler emele getirýädi
hemme zat kemçiliksiz bolmaly
we kola uly kemçilik bolardy
onuň stakanyna öňünden ezip goýan uky dermanlary atdym
we gowyja garyşdyrdym
...
birzatlar diýdi
miwe suwy içmez öýtdüm
ýöne howlukýan ýaly içdi
ýylgyrýady
"uky dermany atdym miwe suwuňa" diýdim
geň galdy we ýylgyrdy
"atmadyk bolsaň has hem hezil bolmazmydy" diýdi, sesi azalýady
menem ýylgyrdym
"ynanaý bolmazdy" diýdim "iň azyndan seň üçin"
gözleri örän ajaýypdy
we diňe maňa seretmelerini isleýädim
...
üç günläp öýden çykmadyk
ol, men, we gözleri
özü bilen hiç işim ýokdy
gözleri bolsa häzirem örän ajaýyp
we indi diňe maňa seretýäler
pc stolumyň üstünde duran baňkanyň içinden