Futbol ýaryşy – dünýäniň şatlygy
Dünýäniň dört künjeginde, dört ýyldan bir gezek geçirilýän dört hepdäniň futbol ýaryşyna çagadyryn diýmän, agadyryn diýmän sabyrsyzlyk bilen garaşylýan gün ahyry gelip ýetdi.Argentinanyň futbol komandasynyň tälimçisi Diego Maradona, 12-nji iýun, 2010-njy ýyl.Öz ýurdunyň oýunçylary dünýäniň Kubogy ugrundaky aldym-berdimli dikleşige gatnaşýarmy ýa gatnaşanokmy - parhy ýok, stadionlara millionlarça janköýer ýeňse, telewizoryň öňüne çüýlenen milliardlarça ynsany howlusyndaky saraýa ot düşäýsin, oturgyçdan ýa diwandan goparjak bolup bir gör!
Çaýdan-nahardan ellibizar tomaşaça tutuş bir aýlap päsgel beren özüň bolma! Olimpiada oýunlaram-a adam baryny jadylap ataýýandyr welin, edil futbolyň öňüne düşüp biläýýän däldir.
Dünýäniň Kubogy ilkinji gezek geçen asyryň birinji ýarymynda, has takygy, 1930-njy ýylda, Urugwaýda geçirilip, şol ýurduň oýunçylary hem birinji orny eýeläpdi. 1934-de Italiýada hem 1938-de Fransiýada geçirilen ýaryşda, italýan futbolçylary yz-yzyna iki gezek dünýäniň çempiony bolupdy.
Ikinji Jahan urşy sebäpli bu uly futbol dabarasy 1942-nji we 1946-njy ýyllarda geçirilmän galdy, ýogsam gadymy Elladadan gaýdýan däp boýunça oýunlar başlanan gününden döwletler arasynda gidip oturan uruş hem togtadylýan eken.
Braziliýada dalaş edilen 1950-nji ýylyň baýragy ýene Urugwaýa nesip etdi. Şondan son Braziliýa ýurduň jankköýerlerine çäksiz şatlyk paýlap, 1958, 1962, 1970, 1994, 2002-nji ýyllarda bäş gezek dünýäniň in güýçli komandasy bolup galyberdi.
Öz futbol ýygyndymyz
Gurban BerdiýewHany indi iliň üstünligine guwanyp oturman, öz futbol ýygyndymyzyň dünýä arenasynda edýän çykyşlaryna-da el çarpjak bolalyň. Arman, bu ýerde ermeni halkynyň bir pähimini biygtyýar ýatlamaly bolýas: «El çarpjak bolsaň, hökman iki eliň bolmaly, biri bilen el çarpyp bolmaýar».
Dört-bäş millionly milletin içinden ýüze tutarlyk, ile çykarlyk bir komanda ýygnap, iki-üç spesialistden ybarat trenerlik ştabyny döredip bolmaýarmyka?
Prezidentiň garamagyndaky Milli sport komiteti, şeýle hem ýurtda sport işlerine gözegçilik edýän sansyz edaralaryň işgärleri näme bilen meşgul bolup otyrka?
Beýik münberden ýaňlanýan talap ediji çagyryşlar bir gulakdan girip, beýlekiden çykyp gidiberýärmikä?
Hany bu gün altmyşynjy ýyllaryň birinji ýarymynda derwezesinde Anzor Kawazaşwili, ýarym goragda Waleriý Woronin, hüjüm liniýasynda Eduard Strelsow oýnan, dabarasy dag aşan Moskwanyň «Torpedosyny» utup goýberen «Köpetdagçylar» Annaly Garadanow, Oraz Geldýiew, Gurban Berdiýew?..
Söhbetimi futbolymyzyň soňky düşen ýagdaýy bilen jemlemegi makul tapdym:
Demrindenmi, kömründenmi, bilmedik,
Oýun gördük – ýylgyrmadyk, gülmedik,
Özgelere gidip, bize gelmedik
Oçkolar ýandyryp-ýakyp baradyr...
Bir mahalky başy belent «Köpetdag»
Ýuwaş-ýuwaş aşak çöküp baradyr.
Arhiwiň ýagdaýy
● Doly tekst
● 16/16 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 16
tuweleme
wahhh 60-njy ýyllar... turkmen futbolynyñ has osen ýyllary...
wah gowy dowurlerdi 🙂
tüweleme 60larda yaşap gelen yaly aytdynyz weli 😆
yöne sportun şu görnüşini ösdürmeli nadip bolsada 🙂
60-larda yashamadym, yöne bir yaşulyny tanayan, futbolyň ölemen jankoyeri, öňler köp goryadim ony, soňky wagt kabir sebaplere görä kän gorup bilemok.. Gurban Berdiyew, Waleriy Nepomnişşiy dagy bilen bile oturup-turuşan yaşuly.. 60-njy ýyllar barada kop gurruň bererdi, Merkezi aziyada kopetdag yaly guycli komanda-da yokdy diyerdi. Gurban Berdiyew dagy trenirowkadan soň trenerlerinden bukulup şuwagtky 16-njy mekdebiň yanynda çilim çekerdiler diyyadi.. 🙂 aytsaň aydyp oturmaly, 60-njy yyllar barada..
Adam birhilek boluberya Gurban berdiyew nirden nira gorsene hehehe🙂
tuys ustunden gelinen tema men soyguli yan yoldasymam futbalist bolan mekdep dovrunde halem men anyryma baksam sol internetden futbola seretya men gelyan veli basga zada uytgetya
Şo-da maňlayda 🙂 ya Nepomnişşiy nahili abray aldy, TSSR-iň molodýožnysyna trenerlik edip yörkä, Kamerun milli yygynda trener edip çagyrdy, World Cup 90-da Kameruny 1/4 finala çenli eltdi.. Afrikaň Gahrymany diyen at berildi..
Wah ftbol ftbol :( :(
Shu gun Arsenalyn oyuny bar. MU-nynkam bolmaly oydyan
ey turkmen halkym aranyzda meni tanan barmy?.talyplardan gaydanynyz varmy?men cicek.ok
Merkezi aziyada kopetdag yaly guycli komanda-da yokdy diyerdi.
aydylayyan sozdirlay
ay tanysdyrsanam bolar
Onat mowzuk. Jubulerinde ''Turkmenistanyn Syyahatchylyk we sport baradaky Dowlet komiteti'' diyip yazylgy shahsyyetnamany donuna sygman goterip yoren agyr pyyadalary hem-de bu ugurdan chorek iyyan has yokardaky yolbashchylaryn baryny jemlap Tejene oba-hojalyk yerleri ozleshdirmage goybermeli.
BOLUBİLER 🙂