Goşgy okamagy söyyanler üçin...

Salam teswirdeşler!!! Bugun yadymda galan goşgulary size hödürleyan.YENE-DE SÖYGİ 🙂

***

Bir gowşak goşgy deý unudylan söýgim,

Bu gün meni mugallymym deý okatdy,

Ak kagyza düşen bir damja gözýaş

Biziň söýgimize goýlan nokatdy...

***

Eger-de aldansaň ilki söýgiden,

Galar ýüregiňde ömürlik ýara,

Bar zada ujypsyz, höwessiz bakyp,

Bolarsyň dünýäde bir bagty gara...

***

Agajyň uzyny derekdir derek,

Adamyň aýnasy ýürekdir ýürek,

Beren wadalaryň soňy bolmasa,

Ýürekdäki dörän söýgi biderek.

***

Ýollar weýran bolýarmyşyn siline,

Şemal zeper ýeti-r bagyň gülüne,

Dilden çykan oýlanşyksyz ýeke söz,

Böwet bolup biler söýgiň öňüne.

***

Gyzyl gül ekseň daşyna seret,

Onuň ter ýapragy zaýalanmasyn,

Ýaryň söýýänligine bol ilki belet,

Soňra ýaş ýüregiň paralanmasyn.

***

Daglaryň başynda gara galmasyn,

Tüpeň atylanda däri galmasyn,

Iki ýyllap gulluga giden ýigidiň,

Yzynda oň ýary aglap galmasyn.

***

Geçene seretme, geljege seret,

Başarsaň durmuşda täzelik döret,

Söýseňem saýlap söý päk ýüregiňden,

Ýöne bir ýigide hökmüňi ýöret!

***

Kim diýer ýaz güli owadan bolar,

Kim diýer güýz güli owadan bolar,

Soradym ýürekden dillendi ýürek,

Her kimiň öz güli owadan bolar.

***

Söýüşýärkäň küýseseň başga birini,

Ol eýýam wadada wepasyzlykdyr,

Ýene-de söz berseň başga birine,

Bu dünýäde arsyz-namyssyzlykdyr.

***

Söýendim men gapydaky direge,

Gyzyl sagat gelişermi bilege,

Günbatardan öwsüp duran şemalyň

Haýry ýokdur ýanyp duran ýürege.

***

Eger iki ýigit söýse bir gyzy,

Ikisi hem oňa söýýärin diýse,

Onda ol söýgi gyzyň özüne bagly,

Bir ýigit gider ýüregi dagly.

***

Bahar ýeli ýaly ýeňles ýigitleň,

Duýgusyndan juwan ýüregiňi aýa,

Olar gözleriňe göni baksa-da,

Käte ýüregiňe bakýandyr gyýa.

***

Oka gözlerimden ýürek sözlerim,

Bagş edýän saňa bahar ýazlarym,

"Söýýän" sözüm gaýtalamak hökmanmy

Sözläp durka meniň gara gözlerim.

***

Men seniň ýanyňa ýetmeli bolsam,

Saýlardym ýollardan iň ýakyn ýoly,

Eger seniň bilen gitmeli bolsam,

Saýlardym daş ýoly gutarmaz ýaly.

***

Gyş gar ýagmasa, ýaz günäkärmi?

Aýdymçy joşmasa, söz günäkärmi?

Ýigit söýgüsine bolsa biwepa,

Hany aýdyň dostlar, gyz günäkärmi?

***

Ýagşylary söýmän bilmeýär gyzlar,

Olarda günä ýok söýgüden özge,

Düýn söýen gyz , bu gün seni ýigrense,

Onuň sebäbini özüňden gözle.

***

Söýmezlige hiç galmady bahana,

Sen dünýämi öwrüp barýaň bahara,

Öň bu halda däldim indi janserek,

Çekinýän diýmäge, ýöne…SEN GEREK.

***

Göwnüňe degen bolsam käte-käteler,

Äsgermedik bolsam ýürekden däldi,

Men sebäpli başyň egilen bolsa, JANYM

Haýyş edýän bagyşla meni.

***

Daşdan görseñ owadandyr käbiri¸

Bolmajak bol owadanlañ ýesiri¸

Daşdan görseñ owadandyr ýylan hem¸

Elıne düşäýseñ¸ goýbermez diri.

***

Synan göwne seýik bolup bilmeseñ¸

Göwnümi gözlemden duýup bılmeseñ¸

Derdimiñ dogasy bolup bılmeseñ¸

Janym söýme¸ öz ugruma goý meni!

***

Sag bol janym¸ öz günüme goý meni

Täsin bakyşlaryñ duýup bilemok¸

Seni juda beter söýerdim weli…

Düşün dünýäm¸ indi söýüp bilemok.

***

Gaýrat et¸ ýalbarma¸ ýadadym indi¸

Saña bagly hiç duýgym ýok¸ ynansañ¸

Seniñ özüñ düşünäýmeli ahyry¸

Täsin bakyp¸ gussa bilen dymamsoñ.

***

O:t ýaly oglanlar öñüñden çykar¸

Gözleri ataşdyr¸ sözleri şeker¸

Üç gezek bükülip dyzyna çöker¸

Buýsanç bilen üstlerinden gülüp geç.