Pygamberlere iman
«Pygamber» sözi pars sözi bolup, «habar äkidýän» we «ilçi» diýen manylary berýär. Dinde aňladýan manysy emr we gadaganlyklary ynsana teblig etmek we hidaýet ýoluny görkezmek üçin Allahyň gullarynyň arasyndan saýlan ilçilerine pygamber diýilýär. Kurany Kerimde Allahyň wezipe beren pygamberleri «resul», «mürsel» we «nebi» sözleri bilen düşündirilýär. Özüne täze bir kitap we şerigat berlen pygamberlere «Resul», öňki geçen pygamberiň kitap we şerigatyny ymmatyna ýetirmek üçin iberilen pygamberlere bolsa «Nebi» diýilýär. «Risalet» we «nübüwwet» sözleri pygamberlik manysyny berýär.
Allah Tagala aralarynda tapawut goýmazdan pygamberleriň ählisine ynanmagy her bir musulmana farz edipdir.
«Ol kişilerden käbiri ne Allahy tanar, ne-de Onuň resullaryny. Käbirleri bolsa, Allahy tanandyklaryny öňe sürüp, resullaryny tanamazlar. Allah bilen resullaryny biri-birinden aýryp şeýle diýerler: «Resullaryň käbirine iman ederis, käbirini ret ederis. Șeýlelikde iman bilen küfür arasyndan bir ýol tutarlar. Olar hakyky käfirdir. Biz käfirler üçin agyr azap häzirledik», (Nisa, 150-151).
Pygamberlik Allahyň lutuf we yhsanydyr. Tagat-ybadat, yhlas we gaýrat bilen şol mertebä ýetip bolmaýar. Allah Tagala pygamberlik ýüküni göterip biljegi we oňa laýyk ynsany bilip, islänini saýlaýandyr. «Bu Allahyň lutfudyr, ony islänine berer», (Juma, 4) aýaty munuň tassyklamasydyr. Bu meselede mal-mülk, şan-şöhrat we wezipäniň täsiri ýokdur.
Kurany Kerimiň habar bermegine görä, pygamberlik hezreti Muhammet (s.a.w.) bilen gutarýar.
«Muhammet siziň erkekleriňiziň hiç birisiniň kakasy däldir. Ýöne Ol Allahyň resuly we pygamberleriň iň soňkusydyr», (Ahzab, 40) aýaty Hatemül Enbiýa bolan Muhammet pygamberden (s.a.w.) soňra pygamberiň gelmejekdigini aýdyň görkezýär.
Okanynyza minnetdar!
Arhiwiň ýagdaýy
● Doly tekst
● 8/8 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 21 oktýabr 2011 ý. · Asyl sahypany gör ↗
Teswirler 8
Jereen agza size bir zat hayysh etsem bolyarmyka?
Hawa bolar Quotient aydyberin
Menin ozum bu ugurdan azajyk bilimsizrak. Yslam dininin Resuly hakynda kop zatlar eshitdim. Kop zat diydigim kop owguler eshitdim. Men ony gozumde gaty beyik yerlerde derejelendirdim. A ozi barada welin kan bilyan zadym yok. Umuman menem Turkmen bolanym ucin, musulman masgaladan bolanym ucin azajyk maglumatym bar. Doglan yerini ilkinji ayalyny, gyzyny zadyny bilyande, sypatlaryny bilemok. Hasiyetlerini bilemok. Kyncylyklara dush gelende nahili netijeler cykaryanyny bilemok.
Eger mumkin bolsa mana Resuly has yakyndan tanamaga komek etseniz. Yagny mowzuk acsanyz diyjekdim. Beylekki agzalarynam arasynda bilmeyanler bar bolsa peydaly boljakdy-da. Imenna mana peydasy degerdi. Kop sag bolun!
Nesip bolsa teme acharys 🙂 edil bu guna soz berip bilmeyan yone gelejekde hokman INSHALLAH 🙂
Alla razy bolsun! Pygamberler ynanyaryn hem bashardygymdan yoran yolum sholan yoly bolmagyny Gozel Allahymdan dileyan! Hem musulman doganlarma dileyan!
Alla razy bolsun
Pygamberleriň sany
Ilkinji pygamber hezreti Adam atadyr (a.s.). Iň soňky pygamber bolsa, hezreti Muhammet Mustafadyr (s.a.w.). Bu ikisiniň aralygynda ençeme pygamberler gelip geçipdir. Olaryň sany barada Kurany Kerimde anyk maglumat berilmeýär. Ýöne bir aýatda:
«Kasam bolsun, senden öň hem pygamberler iberdik. Olaryň arasynda saňa kyssalaryny habar berenlerimiz hem bar, bermediklerimiz hem bar», (Mü’min, 78) diýilýär. Pygamberimiziň hadyslarynda bolsa, bir rowaýata görä: 124 müň, başga birine görä 224 müň pygamberiň gelip-geçendigi, 313 sanysynyň hem resuldygy barada aýdylýar, (Ahmet b. Hanbel, «Müsned»). Bu rowaýatlardaky sanlar biri-birinden ýüz müň töweregi tapawut edýär. Bularyň islendigini kabul etsek, ýüz müň kişini pygamber saýyp, ýa-da pygamber bolany pygamber däl diýmegimiz mümkin. Șeýle hem pygamberdigi anyk belli bolmadyklar barada «pygamberdi, pygamber däldi» diýip jedel etmek hem ýalňyşdyr. Bu meselede iň dogrusy «Allahyň iberen pygamberleriniň ählisine ynandym» diýmekdir.
Kurany Kerimde mü’minleriň ajaýyp waspy şeýle düşündirilýär: «Biz Allahyň pygamberlerinden hiç birini beýlekisinden tapawutlandyrmarys», (Bakara, 285). Bu aýatda Allah Tagalanyň pygamberdir diýenine guluň ýok diýmäge hakynyň ýokdugy nygtalýar. Kurany Kerimde ady tutulan pygamberler şulardyr.
Kurany Kerimde atlary tutulan Uzeýriň, Lukmanyň we Zülkarneýniň pygamberdigi ýa-da däldigi hakynda anyk höküm ýok. Olaryň salyh ynsan bolandygy belli bolsa-da, pygamberdigi barada anyk aýdylmaýar.
Kuranda ady tutulmasa-da, pygamberdigi giňden aýdylanlar şulardyr: Șit, Ýuşa, Jerjis, Danýal.