Türkmenistanyň Futbol federasiýasy 2015-nji ýylda ýurduň iň gowy oýunçysyny yglan etdi

Paýtagtyň «Altyn asyr» toparynyň we Türkmenistanyň futbol ýygyndysynyň 25 ýaşly kapitany Ahmet Ataýew 2015-nji ýylda ýurdumyzyň futbol çempionatynyň iň gowy oýunçysy diýlip yglan edildi.Türkmenistanyň Futbol federasiýasynyň metbugat işleri boýunça jogapkäri Amanmuhammet Çaryýewiň «Turkmenportala» habar bermegine görä, ýylyň futbolçysyny yglan etmek boýunça geçirilen ses berlişige geçen möwsümde Ýokary ligada çykyş eden toparlaryň hersinden bir wekil we 9 sany sport žurnalisti gatnaşdy. Şeýlelikde, Ahmet Ataýew mümkin bolan 19 sesden 10-syny gazanyp, ýylyň iň gowy oýunçysy boldy. Ses berlişikde ikinji orny milli ýygyndymyzyň we «Balkan» futbol toparynyň merkezi goragçysy Mekan Saparow eýeledi. Oňa jemi 4 ses berildi. Iň köp ses alan futbolçylaryň üçlügini geçen möwsümde milli çempionatymyzyň iň netijeli...