"Kineli zenanyň oýlanmasy"

Zenan legendäki çalymtyk suwy birsalym synlap oturdy-da, gör näçinji gezekdir, kalbyny gaplap alan öýke-kinesini, aňyndaky oý-pikirlerini legendäki hapa suw bilen bile krandyň aşagyndaky çukura dökdi.          Ol legeni birnäçe gezek çaýkaşdyryp ýuwdu-da, krantdan legene arassa suw akdyrdy. “Käşgä adam pahyryň göwnünem şeýdip täzeläp, arassalap bolýan bolsady” diýip içini gepletdi. Onsoň krandyň suwuny ýapdy-da legeni öňüne süýşürdi. Legendäki sowujak, arassa suwa elini sokdy: “Zenan kalby ýaly arassa, tämiz” – diýip oýlandy. Gapdalyndaky paraşokdan (kir ýuwujy serişdeden) bir gysym aldy-da legendäki suwa salyp, eli bilen bulaşdyrdy: - “Aýdaly bu-da gylyk-häsiýet, edep-ekram, durmuş tejribesi”. Ol gapdaldaky bedreden kürşge bilen gyzgyn suw alyp legendäki suwuň üstüne guýdy. “Bu-da seniň ömürlik ýan-ýoldaşyň saňa bolan mähri,...