DIÝMESEÑ HEM BOR

atawatan· · 447 gezek okaldy· halanan: 6teswirler.com



DIÝMESEÑ HEM BOR

gözleriñe bakamda garagyñ görünmese,
oa göz diýseñ hem, diýmeseñ hem bor.
söhbetiñde ýüregiñ duýulmasa,
oña söz diýseñ hem, diýmeseñ hem bor.
 
gülüñ güle mahsus ysy bolmasa,
oña gül diýseñ hem, diýmeseñ hem bor.
gollarda jerenleñ yzy bolmasa,
oña çöl diýseñ hem, diýmeseñ hem bor.
 
atan oky sowa geçse nyşandan,
pähim diýseñ hem bor, diýmeseñ hem bor.
nesibi bolmasa şöhratdan-şandan,
tohum diýseñ hem bor, diýmeseñ hem bor.
 
şemal öwsüp tukat sazyn çalmasa,
oña güýz diýseñ hem, diýmeseñ hem bor.
edebi, ekramy, näzi bolmasa,
oña gyz diýseñ hem, diýmeseñ hem bor.
 
ejize germese golun-ganatyn,
bürgüt diýseñ hem bor, diýmeseñ hem bor.
ýowuz günde görkezmese gaýratyn,
ýigit diýseñ hem bor, diýmeseñ hem bor.
 
geleninde gopdurmasa kyýamat,
oña sil diýseñ hem, diýmeseñ hem bor.
bir-birine eýlemese hemaýat,
oña il diýseñ hem, diýmeseñ hem bor.
 
owlajyklañ ahy-zaryn duýmasa,
tüpeñ diýseñ hem bor, diýmeseñ hem bor.
diline, däbine hormat goýmasa,
TÜRKMEN diýseñ hem bor, diýmeseñ hem bor.
 
içimde bir ýangyn tüsseläp, öçmese,
kömür diýseñ hem bor, diýmeseñ hem bor.
öz halkyna hyzmat edip geçmese,
ömür diýseñ hem bor, diýmeseñ hem bor.
 
şu dünyäde özüñ bolupýaşamak
agyr diýseñ hem bor, diýmeseñ hem bor.
çyrşaşdyran şu setirlerimeşygyr diýseñ hem bor, diýmeseñ hem bor.

Arhiwiň ýagdaýy

● Doly tekst

● 10/10 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 5 awgust 2012 ý. · Asyl sahypany gör ↗

Teswirler 10

leyl@sh@ 13 ýanwar 2011 ý. 11:37 +2

goja goshgy eken haladym

Boeing757 13 ýanwar 2011 ý. 12:28 +1

Tüweleme, zer gadryny zergär biler!

100 13 ýanwar 2011 ý. 13:07 +1

gawy goshgy.  👍

Maral: 13 ýanwar 2011 ý. 13:22 +1

haladym gowy gosgy eken

yhlasly 13 ýanwar 2011 ý. 13:32 +1

Gowy goşgy. Gaty gowy setirlerem bar. Goşgy gitdigiçe güýçlenýär. Ýöne tehnikasy bärden gaýdýar. Mysal üçin, Ýowuz günde diýmän Ýow gününde diýseň nähili bolardy. Ýowuz günler diýip Gylyç Kulyň romanam bardyr welin, ýowuz gün bolanok-da, ýowuz adam, ýowuz duşman, ýowuz daramak... dogry ýaly. Mümkin meniň öwrenşen jümläm däldir, bilemok. Umuman goşgy gaty gowy. Bir-birine eýlemese hemaýat,
oña il diýseñ hem, diýmeseñ hem bor. Şu setiriň özi bir goşga degýär! Berekella.

atawatan 13 ýanwar 2011 ý. 13:54 +2


sag bolung, yhlasly!
yowuz güni we yow güni baradaky öz pikirimi aytsam, yow güni diyende dinge uruş, söweş, jeng yadynga düşyaer. men yowuz gün diyemde umuman hemme göreşleri göz öngüne getirjek boldum. ayratyn hem, adamyng öz-özi bilen edyaen göreşini, yöne yowuz gün hemme göreşleri hem öz içine almaly. Magtymguly aytmyşlayyn: Atda ayak bolsa, özge syn bolmaz/Aerde gayrat bolsa, işi kyn bolmaz/Söweş güni goç yigitde müyn bolmaz/Dogry gözlaer, peykam-yaya seretmez.
Tangryyalkasyn eden teswiringiz üçin.

Killer 13 ýanwar 2011 ý. 14:30 +1

Berekella. Dogry, dürs aýdylan sözler. Ýerinde otyrýar. +10

tat 13 ýanwar 2011 ý. 17:03 +1

hakykatdanam gowja, manyly gosgy. Sag bol biz bilen paylashanyn ücin

şokolad 13 ýanwar 2011 ý. 17:50 +1

Bu go$ga bet diýseñ hem, diýmeseñ hem bor 🙂 berekella...

Razor 13 ýanwar 2011 ý. 22:46 +1

berekella.