hakykam durmushda gabat gelýan zatlar

Hakykatlar...!!!

kerim gurbannepesowyn ''gonshyda gonshy'' goshgusuna mengzeshrak

gowy yazlypdyr haladym

Gowja yazylan. Minnetdar.

i like it!

HAKYKAT..

Haladym. Hemme dowurlerde, has-da hazirki dowurde pulung bolmasa, sen hich kim. Beyik Allahym, bendesini bendesine matach etmesin, her kiming ryzkyny Ozi bersin!

Bu temaň Magtymgulyň:
Garyp aýak ýalaň, kendir guşakdyr,

Bir märekä barsa, orny aşakdyr,

Garyplar at münüp, depse – eşekdir,

Döwletliler eşek münse, at bolar goşgusyna meňzäpdir!

Hem ruhy tarapdan hem maddy tarapdan baý bolup bilseň, şoňa geljek zat ýokmyka diýýän!

Baly kop bolan agza samsyk teswir yazypdyr. ' Senki dogry! ' diyipdirler. Gunesogerjik gowy teswir yazypdyr. ' Hay blaa bula yene baslady. Ejen ber minusy... ' diyipdirle. :-)

Manyly yazylypdyr!!!

Хорошо и верно отметено. Я то думал что щяс будут негативные комменты. Что типа богатые плохие, такие и сякие. А нет. Капитализм начинает сказыватся. Человек добившиеся богатства своим трудом, честным и правельным свое головой и знанием, достоин уважения.

bay bolmaly . bar gep pulda pul hemme zady chozyar

bond:
bay bolmaly . bar gep pulda pul hemme zady chozyar

Ine gardas munyn bolmady.... Pul gerekdir hokman yone pul hemme zady cozmeya. Gecmisde seyle bet adamlar gecipdir yone olaryn baylaryndan garyplary has kopdur

öň bir wagtlar şu baýlyk barada kä zatlar ýazypdym, bu ýere-de goýmakçy:

Ilki aýatdan bir mysal bereýin bu babatda:

(Resulym, sen olara) Şeýle diý: Eý, mülkiň(ryzkyň, baýlygyň) eýesi bolan, Allahym! Sen mülküňi isläniňe berersiň. Isläniňdenem mülküňi yzyna alarsyň. Ysläniňi eziz (päk, ygtybarly, hormatly) edersiň, isläniňi hem zelil (pes, biabraý) edersiň. Haýyr (bähbit) seniň eliňdedir. Şübhesiz, Sen hemme zada doly ýagdaýda güýç ýetirýäň! (Ali Ymran süresi, 3/26)

Indi bolsa birnäçe hadyslara ýüzleneli bu babatda:

1-nji hadys: Baýlyk - bu baýlyk-mülküň köplügi däl-de, göz doklugydyr.

Muňa başga bir mysal hem:
1- Ýol görkeziji isleseň Hz.Muhammed (SAW) ýeter;
2- Dost isleseň Kuran ýeter;
3- Maslahat isleseň ölüm ýeter;
4- Baýlyk isleseň kanagat ýeter;
5- Duşman isleseň nebis ýeter!

2-nji hadys: Üç zat bardyr, (bularyň dogrulygy barada size) ant içýärin. Birem, hadys aýtjak, muny gowy ýatda saklaň:
1-Ynsanyň baýlygy sadaka sebäpli azalmaz.
2-Bir bende nähak ýere zulma duçar bolup sabyr etse, Allah onuň hormatyny, namysyny (dünya we ahirette) hökmany ýagdaýda artdyrar.
3-Bir bende dilegçilige başlasa, Allah oňa garyplyk gapysyny hem açar.
Hadysyň dowamynda: Bir bende Allah razylygy üçin pespäl bolsa, Allah ony beýgelder. Dünya dört kişi üçindir:
1- Bir bende bardyr - Allah oňa baýlyk we ylym berendir. Ol baýlygy babatda Allahdan gorkar. Bbaýlyk we ylmyny ulanyp, sylaýy rahym eder (ene-atasyny, garyndaşlaryny we mätäçleri gezip, olary goldar). (Baýlyk we ylymda) Allahyň hakynyň barlygyny biler; ynha, bu adam iň beýik makamlardan birindedir;
2- Bir bende bardyr - Allah oňa ylym berendir, baýlyk beren däldir, emma ýagşy niýetlidir we: Baýlygym bolsady, ony pylan adam ýaly haýyr-sahabatda ulanardym diýer. Ynha, bu adam niýetindäkini amal eden ýaly sogap gazanar, ikisi hem deň derejede sylaglandyrylar;
3- Bir bende bardyr - Allah ona baýlyk berendir, ýöne ylym beren däldir. Baýlygyny biderek sowar. Baýlygy babatda Rabbinden gorkmaz. (Gysgançlygy, sowatsyzlygy sebäpli) baýlyk taýdan sylaýy rahym etmez; baýlygynda Allahyň hakynyň barlygyny hiç-hili pikir etmez. Ynha, bu adam mertebeleriň iň pesindedir;
4- Bir bende bardyr, Allah oňa ne ylym ne-de baýlyk berendir, ýöne: Eger baýlygym bolsady, ony pylan adam ýaly haýyr-sahabatda ulanardym diýer. Bulam niýetine görä netije gazanar. Niýet eden şahsyýetiň sogap gazanjyny bolşy ýaly olam gazanar.

Baýa baý hem Hudaý hem eçiler, garybam oňa hyzmat eder ýaly söz bir tarapdan dogry ýaly görünse-de, beýleki tarapdan käbir zatlar örän wajyp bolup durýar bu babatda. Meselem:

1- Allah ähli janly-jandara Rahman ady boýunça ryzyklar berýär bu dünýäde. Mukdar taýdan olaryň ukyplaryna görä üýtgeýär;

2- Şükür taýdan baýlyk: Her nygmat özi üçin şükür islär diýilýär. Many taýdan hadysda beýan edilişine görä: Şükür nygmaty zyýadalaşdyrar, mukdar taýdan artdyrar diýilýär. Aýatda hem nygmatlar üçin şeýle buýrulýar:Rabbiň beren nygmatlaryny beýan et (we şükür et)!(Duha süresi, 93/11) Allahyň razy bolan bendelerinde bar bolan aýratynlyklarynda olar köp şükür ederler... beýany hem birnäçe ýerde geçýär (mysal: Toba süresi, 9/112);

3- Kanagat taýdan baýlyk: Kanagat eden ýeterlik mukdarda baýlyga eýe bolan ýalydyr. Meselem, tilki näçe mekirlik we gaýrat etse-de, ýene iň hor we aç haýwanlaryň hatarynda görülýär. Balyklar, goýunlar üýtgeşik gaýrat görkezmeselerem, ýene-de ýeterlik mukdarda özlerini ekleýärler;

4- Hasabat: Baý we garyp adamlaryň hasaby bir bolmaz. Muňa mysal hökmünde şu aýatda many taýdan şeýle diýilýär: Soňra ol gün hökmany ýagdaýda (size berlen her bir) nygmatlardan hasaba çekilersiňiz! (Tekasür süresi, 102/8) Şu baýlyk taýdan hasaba çekilme barada örän oňat bir dini hekaýa hem bar, Hammalyň hasaby atly, islänler göz gezdirip bilerler.

Ýene bir hekaýa bolmaly hem baýlyk, hem-de nesibe barada, onam Baýyň ömri hiç bir haýra ýetmedi atly hekaýada okap bilersiňiz!

Garaz, baý bolmak gowy zat. Bu başda Allah tarapyn welin, yz ýany bn Biribaryň dünýä üçin ýaradan kanun we sebäplerine hem eýermek gerekliligi bar, umuman. Ýogsa ene-atadan galan ýadygärligi ulanmasyny hem bilmeýän nebereleriň gysga wagtda mätäç ýagdaýa düşmegi ahmal. Baý bolmak gowy, çünki, şu ýagdaýda has gowy zatlary hem-de mukdar taýdan has köp amal edip bolýar. Elbetde, niýetiň päk bolsa. Bu babatda pygamberimiz hem bir hadysynda many taýdan şeýle diýen ekeni:Güýçli we ejiz bolan ynsanyň/möminiň/musulmanyň güýçlisini seçerin/arzuw ederin! Şu ýerde güýçli sözi hemme taraplaýyn we peýdaly bolmak babatda beýan edilen bolmaly.

Baýlyk taýdan hemmämiz üçin: Bir bende bardyr - Allah oňa baýlyk we ylym berendir. Ol baýlygy babatda Allahdan gorkar. Baýlyk we ylmyny ulanyp, sylaýy rahym eder (ene-atasyny, garyndaşlaryny we mätäçleri gezip, olary goldar). (Baýlyk we ylymda) Allahyň hakynyň barlygyny biler; ynha, bu adam iň beýik makamlardan birindedir diýlen mertebäni bizi hem rowa görmegini Beýik Biribardan dileýärin!

Baýlyk we garyplyk hakda 2 sany terjimäm. Aslynda, ýadymda bar bolanlaryň terjimesi, gönüden-göni türkçesinden däl:

1- Baýyň ömri hiç bir haýra ýetmedi.

Şäherde bir baý adam bardy. Bir üýşmeleňde giden märekäniň içinde:”Meniň şäherde 50 sany öýüm, çölde 500 iri şahly malym, bankda 5 milýon dollarym, öýde 5 sany maşynym,..., başga-da birnäçe baýlykdyr mümkinçilik bar!” diýip magtanýardy. Märekäniň içinden bir ynsan örboýuna galyp:
- Eý, pylany! Bize öz şahsy baýlygyňdan söz etme! Şu wagta deňiç halka eden kömegiňden, beren zekatlaryňdan(sadaka) we haýyrlaryňdan söz et! – diýdi. Şonda şol baý adam az salym dymyp durdy-da
- Olary etmäge-de wagt geler! – diýip, gysgajyk jogap berdi.

Kän wagt däl, bary-ýogy bir gün geçensoň, şol baýyň jynazasyna soragy soran adam hem gatnaşypdy. Şonda ynsanlar öz içlerinden:”Diýmek, baý hem bolsa haýra ömri ýetmedi, Biribar oňa bu ýagdaýy rowa görmedi, beýle ýagdaýdan Allahyň Özi bizi uzak tutsyn!” diýip oýa batypdylar.

2- Hammalyň hasaby

Obada atly bir baý bardy. Onuň sanalgysy dolup, beýleki äleme göçüp gidýär. Şonda onuň ogullary öz kakalarynyň mazarynda oňa ýoldaşlyk edip biljek mert ynsan bar bolsa, onda şoňa kaka wesýeti bilen ummasyz baýlyk berjekdiklerini wada edýärler.

Obada bu ýagdaýa hiç kim milt edip bilmeýär, sebäbi baýyň eden pyssy-pujurlyklary ähli obala mälimdi we şeýle biriniň ýanynda az salymlyk hem bolsa, bolaslary gelenokdy. Ahyry üsti-başy köne-küşülje eşikli, ýekeje köne we kiçijek külbejigi hem-de bar baýlygy ýekeje ýüpi bolan bir hammal “Barybir, durmuşym boýunça şujagaş ýüpim bar, meni heläk edäýesleri ýok-la mazarda!” diýen pikir bilen ummasyz mukdardaky baýlyga özüniň talyplygyny ölen baýyň ogullaryna bildirdi.

Olar kabul edensoňlar hammal gije baýyň mazaryna baryp ýatypdy. Ilkinji gün ölen ynsany ilkinji gezek mazarda hasaba çekýän melekler gelipdi baýyň mazaryna. Olar bu gezek bir ynsan ýerine iki ynsan görenlerinde:”Nähili hem bolsa, bu baý öli, munyň gitjek ýeri ýok, gel-aý, şu hammaly hasaba çekeli ilki!” diýip, ony hasaba çekmäge başladylar:
-Adyň näme?
-Aşyr ogly Mämmet!
-Rebbiň kim?
-Bir bolan Allah!
-Kitabyň näme?
-Biribaryň kelamy – Gurhany Kerim!
-Ynanjyň/diniň näme?
-Yslam! Men hem, Allaha şükür, musulman bolýaryn!
-Pygamberiň kim?
-Ähli pygamberlere ynanmak bilen, iň soňky pygamber – Hz.Muhammed(SAW)!
-Parzlaryňy eda etdiňmi? Ybadatlaryň piri bolan namazyňy dop-dogry we yhlasly okadyňmy, Remezanlarda agyz beklediňmi, sadakaňy berdiňmi hemişe?
-Hawa, Biribara şükür! Sadakany hem özüme düşenje paýy bilen mätäç garyndaşlaryma az-owlak hem bolsa kömek berdim!
-Haja Käbä gitdiňmi?
-Görşüňiz ýaly, men bir hammal, muňa meniň güýjim ýetenok, gidip bilmedim henize çenli!
-Durmuşyňy näme edip geçirdiň?
-Ryzkymy agtaryp!
-Näme bilen?
-Şujagaş ýüpüm bilen hammallyk edip!
-Ýüpi nireden aldyň?
-Ony bir ýerden tapypdym!
-Tapan ýüpüň başga birine degişli bolup, saňa hak geçýänini bileňokmy?
-Bilýän welin, bu ýüp üçin kän pitiwa etmezler diýip pikir edipdim?!
-Seniň ýaly näçe ynsan hammallykdan ryzyk gazanýany bilseň, beýle diymersiň, şeýle dälmi?!
-Hawa, pikir etmändirin!
-Bende hakyny ödemän hem, Jennete gidilmeýänini, jezaňy çekip, ondan soň girilýänini hem bilýänsiňdir onda?!
-Hawa, bilýän men biçäre!
-Onda, galan zatlaryň hasabyny soňa, ýagny, hakyky ýagdaýda öli halyň bilen mazara geleriňe goýup, häzirlikçe kitabyň çep tarapyňdan berlip, jähennemlikdigiňi aýdyp, baýy hasaba çekmäge başlaýarys! – diýip, hammaly goýup, baýy hasaba çekip başlaýarlar. Elbetde, bu ýagdaýa-da şaýat bolan hammal neressäniň gara-jany galmaýar. Ertesi ony baýyň ogullary mazardan çykaryp, wada edilen ummasyz mukdardaky baýlygy berjek bolsalar:
- Men pahyr bar baýlygym bolan ýekeje şujagaz ýüpümiň hasabyny berip bilmän jähennemlik boldum, munça baýlygy alyp, şol ýerde has köp mukdarda galasym gelenok, baýlygyňyzam, günäleriňizem, sogaplaryňyzam özüňize nesip etsin, hoş galyň! – diýip, derrew ol ýerden uzaklaşyp gidýär.

Biribardan hemmämiziň ruhumyzy iman baýlygy bilen almagyny, hasabymyzyň aňsat bolmagyny, Baky Jenneti we Biribaryň Öz Jemalyna muşdak etmegini dilemek bilen!

Elbetde pul gaty köp zady çözýär, emma hemme zady asla-da çözüp bilmez

bu aydylanlara bir wagt biderek nakyl bardy jübüne göra gürle diyip şona menzedi. yöne dogry pulyn bolmasa yüzüne seretyanem yok şu döwürde.

Gowy mowzuk eken. Halanlaryma go$dum 🙂