Düýe Bolsam,Il-Günümiň Hyzmatynda Bolsam (Ýarym degişme)

Komýuterde bir giden hekaýalar bar ekeni,özümem bilmän ýördim. Indi köp hekaýany şu ýerik copy paste ederin.Okap başlasagam bolarmyka diýýän.
«Türkmençilik» diýlen zatda aşakdaklar edilmeýär.
1. Bedew aty et üçin öldürilmeýär.
2. Düýe ýüňünden aýak aşagynda basgylanjak keçe, düşek, jorap edilmeýär.
sebäbi bu iki janawariň türkmen milletiniň saklanyp galmagynda bitiren hyzmatlary uly.
türkmene haýran galýan. nähili minnetdar halk bolupdyr. haýwan hem bolsa özüni goran mallara bolan garaýyşy beýik.– atyny et üçin öldürmeýär, düýesini harlamaýar...
aşakdaky ýazgyny okaň we düşüniň:

Düýe Bolsam,Il-Günümiň Hyzmatynda Bolsam (Ýarym degişme):

Men, düýe görsem Türkmen ýadyma düşýär! Maňa dogry düşüniň. Men aslynda Düýäni görüp türkmençiligimi berkidesim gelýär, öwrenesim gelýär türkmençiligi. Umuman Düýe bolasym gelýär.
Düýe bolsam, Garagum Watanymda agyp-dönsem! Erkin bolsam! Meni saklap Sowetler eýýäminden galan kesel dokument... soramasalar! Düşündiriş ýazdyrmasalar. Käýinç bermeseler.
Düýe bolsam, wagtlaýyn aç-suwsuzlygy bildimem etmesem!
Düýe bolsam, ýüňümden porsy aýaga geýilýän jorap däl-de, tamdyrdan çykan mukaddes çöregi dolar ýaly saçak dokasalar! Hormatym şeýle uly bolsa, hem uzyn aýaklarym aşagyma sygsa!
Düýe bolsam, çagalaryma her kim “Eş-şek” diýmän "Köşejigim" diýse!
Düýe bolsam, epgekden yssylamasam, aýazdan üşemesem!
Düýe bolsam, düýeligime höwes etseler.
Şagal-möjek golaýyma gelip bilmän hol beýlede şagallygyny edip uwlap dursa.
Menem düýe bolsam, olardan beýik bolsam! Gelip maňa “sen düýe” diýmäge hiç kimiň dili barmasa!
Düýe bolsam, iýenim ýandak bolsa-da süýdümi derman edip içseler!
Düýe bolsam menden Hindistandaky sygyr ýaly hudaý ýasamasalar.
Päli pes-le diýibem tirkemeseler eşegiň yzyna.
Wah, bolmanda ýekeje ýyl düýe bolsam, onda-da Mollanepes şahyryň neri bolsam.
Ýetmiş ýyllyk maýa bolanymam bes, indi bir baky bitarap düýe bolsam.
Düýe bolsam adym Kuranda geçse, üstüme münenler pygamber ýa sahabalar bolmasa-da bolmanda Adam bir bolsalar.
Düýe bolsam… Il-günümiň hyzmatynda bolsam.

Siz hem şu hekaýadaky ýaly düýe bolasyňyz gelerdimi.

Howwa(75%, 3 adam)

Ýok(25%, 1 adam)