Uzak bir ýere gezmäge gitmekçi bolýan bolsaňyz, zatlaryňyzy owadan we gymmat bahaly sumkalara salmagy unutmaň! Şeýtseňiz töweregiňizdäki hemmeler Siziň özüne göwni ýetýän, barly adamdygyňyzy bilerler we Size hormat goýarlar.
Onsoňam uzagrak bir ýere ugranyňyzda ýanyňyz bilen köpräk pul alyň we pullaryň hemmesini bir jübiňize ýa-da bir sumkajyga salyň – belki ýolda nähilidir bir gowja zat duşar we Siz ony kynçylyksyz satyn alyp bilersiňiz.
Geýneniňizde gymmat bahaly zatlar geýiň – aýal maşgalalar üçin norka şuba, has bolmasa dublýonka, erkekler üçin bolsa gowy palto, dublýonka, kurtka geýmek has maksadalaýyk bolar. Goý, adamlar Siziň wkusyňyzyň nähili gowdugyny bilsin.
Kupeniň içine giren badyňyza derrew ýanyňyzdakylara özüňiziň nirä barýanyňyzy, nirde işleýäniňizi, işiňizde gazanan üstünlikleriňiz hakynda gürrüň berip başlaň! Dogry-da, Siz açyk göwünli, hakykatçyl adam ahyryn, hiç zady gizlemek bolmaz.
Paltoňyzy ýa kurtkaňyzy gapynyň gapdalyndaky krýuçokdan asyp goýuň, goý, korridordan geçýän adamlar Siziň bular ýaly eşikleri geýmäge ýagdaýyňyzyň bardygyny görsün!
Çemodanyňyzdan bir zatlar aljak wagtyňyz, ony ýanyňyzdakylara tarap bakdyryp açyň, goý, olar Sizde näçe gowy zatlaryň bardygyny bilsin!
Haçan-da ýorgan-düşek üçin bort prowodniklere pul bermeli bolanda, içi puldan dykylyp doldurylan gapjygyňyzdan pul çykaryň – Siziň ýagdaýyňyz bar ahyryn, näme etjek nähilidir bir ýorgan-düşek üçin öňünden pul çykaryp, taýyn etjek bolup? Hiç özüňize azar salmaň!
Poýezdiň uzagyrak durýan stansiýalarynda hökman kupeden çykyň, perronda gezmeläň – kupede hiç kim galmasyn – goý, içiniň howasy täzelensin! Kupeniň gapysyny soňuna çenli açyp goýsaň has-da gowy bolar.
Eger-de Siz bilen bir kupede barýan biri Siziň ýoklugynyzda (tualede ýa-da çilim çekmäge diýip çykanyňyzda) guýup goýan çaýyny, kofesini Size hödürleýän bolsa, garnyňyza sygdygyndan arkaýyn içiň – uky dermanyny diňe detektiw kinolarynda ulanýarlar.
Eger-de uly pullary bölüp bermegi haýyş etseler, näçe bolsa bölüň – Siz bir köp ýerlerde gezip ýören adam, uly pullaram gerek bolar.
Gije ýatanyňyzda-da hemme pullaryňyzy we dokumentleriňizi eşikleriňiziň jübüsinde goýuň – islendik wagt Siziň bir zat üçin pul tölemeli bolmagyňyz mümkin.
Öz zatlaryňyzy oturgyjyň aşagyna salmaň – o taýdan zatlaryňyzy almak kyn ahyryn, gowsy ýokarky tekjelerde goýuşdyryň – bir zat bolsa, zatlaryňyzy derrew alyp bilersiňiz.
Teswirler 10
yalangachlayalar bizde beytseng 😆 😆 .
Hehe, goni tersine etmeseng jurungi dikjekleri bes-belli. 😆
🙂
LOL
adamyn yagdayi bar bolsa poeza munerdimi
bular name tersinemay?
hehe yansylap yazya weli iller düşünenokmy 🙂 #kakdyrmaşak Feya 🙂
😆 😆
degişip yazdyn oydyan bu maslahatlary 😆
maslahaty tersine berdi oydyan 🙂