Kakbymyñ buýsanjy käbäm.

Bu giñ ýagty jahana eje hakda,onuñ mukaddesligi,gyzgyn mähri,çäksiz söýgüsi hakda aýdym aýtmadyk bagshy,saz çalmadyk sazanda,goshgy düzmedik shahyr,surat çekmedik suratkesh ýok bolsa gerek.Hatda eje bilen perzendiñ arasynda niçe daglar,düzler,deñiz-derýalar ýatyp,olaryñ her biri bashga bir ýurtda bolsa-da,olar biri-birini,ýagny eje çagyny,çaga ejesini küýseýandir.Ene ýüregi elmydama duýgur bolýar.Öz perzendi haýsydyr bir bela uçrasa,ýa-da bir alada galsa,ony ilki bilen ene duýýar.
Ene öz balasynyñ aladasyny ol heniz dünýä inmäkä,göwresindekä edip bashlaýar.Çünki perzent ilkinji mähri,ilkinji söýgini,ilkinji duýgyny öz enesinden alýar.Ene süýdi ýaly halallyga,ene hüwdüsi ýaly shirin mukamy,ene eli ýaly,melhemi hiç ýerden tapyp bolmaz!Eýsem,bular gudrat dälmidir?!
Ene gudratyna mysal edip biz ýene bir hakykata ser salalyñ.Mysal üçin,çaga aglap duran wagty,ony ýakan adamlar näçe diñdirmek islese-de,ol aglamasyny bes etmez.Shol pursat ejesi alsa çagajyk ene mährini duýup.derrew aglamasyny goýar we özüni bagtly duýar.
Ene-bu diñe bir adamzat nesliniñ nesil daragtyny dowam etdiriji bolman,eýsem ol mashgala ojagynyñ hem eýesi,hem diregidir.Ata-babalarymyzdan galan sheýle dürdäne setirler bar:,,Aýal bar-öý diker,aýal bar-ýykar''.Bu setirleriñ añyrsynda çuñ many ýatyr.Eje öýüñ,mashgalanyñ ata-abraýynyñ,ar-namysynyñ,rysgal-berekediniñ daýanjydyr.Mashgalada agzybirligiñ höküm sürmegi esasan enä bagly.Bu babatla Gorkut atamyz sheýle diýipdir:,,Är öýüñ goragy,aýal öýüñ diregi,direg bolmasa,goragyñ ne manysy bar''.
Türkmen halky elmydama eneleri mukaddes Käbä deñeýärler.Shonyñ üçin türkmen perzendi ejesine:,,Käbäm ejem''diýip ýüzlenýär.Beýik güýçli Allatagalanyñ ýerdäki resuly Hezreti Muhammet Pygamberimiz ,,Jennet eneleriñ aýagynyñ astyndadyr''diýipdir.
Durmushyñ gözbasham,dowamatam ene! Adam-zat ýashaýshyny enesiz göz öñune-de getirip bolmaz.Dünýade ene bolmakdan beýik dereje,ondan beýik borç,beýik mukaddeslik ýokdyr.Her bir perzent öz ejesiniñ öñünde borçludyr.Ol borjy,bergini näçe togap etseñem azdyr.Sen meniñ durmushymyñ göwher täji,gözlerimiñ röwsheni,ýashaýshymyñ altyn açarysyñ käbäm!.
Eziz dost-doganlar depämize täç edeliñ.Biziñ ömrümize bagt nuruny çaýýan,biz üçin hemishe janyny bermäge taýyn biziñ enelerimizdir.Ilki jahanyñ çyrasy,Asman hem Zeminiñ görki bolan gözellik diñe sizde bardyr,eziz eneler!Ýüregimizde mesgen tutup,mähir baýdagy bolup baky parlap bilýän ynsan-bu biziñ enelerimizdir!
Goý,enelerimiziñ güler ýüzi hiç haçan solmasyn!