ÜÇ ÝÜZ ALTMYŞ GÜNLÜK /ÝYLLYK/ ÝOL
Magtymgulynyň "Ýolmuş bu dünýä" goşgusy şeýle setirler bilen başlanýar:
"Adem diýaryndan wujud şährine
Üç ýüz altmyş günlük ýolmuş bu dünýä".
Başga bir goşgusynda bolsa:
"Hasap etdim, dünýä başdan-aýaga
Üç ýüz altmyş ýyllyk ýoldur bu dünýä"
diýýär.
Adem diýýäni - ýokluk, bolmazlyk. Wujud - ýaradylmak, bar bolmak manysyny berýär. Bu düşnükli. Emma ýoklukdan barlyga çenli üç ýüz altmyş günlük ýol diýýänine nähili düşünmeli? Ýalan dünýäň hasaplary boýunça bu mukdar bir ýyl çemesi wagty aňladýar. Ýagny, milady hasabyndan bäş güni kem bir ýyl, hijri-kamary hasabyndan bir ýyl bäş gün. Ikinji goşguda bolsa 360 gün diýenok-da, 360 ÝYL diýýär. Ýa bular biri-biri bilen baglanyşykly dälmikä?
Mysal getirilen goşgularyň ikisi hem pany dünýä barada. Emma 360 gün we 360 ýyl düşnüksizligine galýar. Şu meseläni açyklap berjek agza barmy?
Arhiwiň ýagdaýy
● Doly tekst
● 10/10 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 26 maý 2012 ý. · Asyl sahypany gör ↗
Teswirler 10
kab sagja bol gowy goshgy eken on hich okap gormedim eger hemmesi sende bar bolda gayrat edip yaltanman yazayda..!
Adem diýaryndan wujud şährine
Üç ýüz altmyş günlük ýolmuş bu dünýä,
Ýörip-ýörip bir kenarda ýetişdim,
Barsam, menden burun dolmuş bu dünýä
Men özümni bir meýlise ýetirdim,
Jahan tomaşasyn göze ýetirdim,
Gulak salyp, bir köşede otyrdym,
Ber-hä-bermiş, al-ha-almyş bu dünýä.
Kaýsy bir gudratyn diýsem miýesser,
Birin-birin atsam gelmez serbe-ser;
Üsti pelek, asty anyň ýedi ýer,
Andan aşak düşsem, elmiş bu dünýä.
Aýdar magtymguly, ýar bolsa hudaý,
Anyň birligine sen kylgyn perwaý,
Bolan günüň TOÝDUR, ölen günüň – WAÝ
Başdan-aýak galmagalmyş bu dünýä .
Magrypdan maşryga dünýäniň ýüzi,
Diýmäň, bize mälim däldir bu dünýä.
Abady, haraby, derýasy, düzi
Ýüz kyrk alty müň agaç ýoldur bu dünýä.
Bu jahan ýüzünde işler peýdadyr,
Teferrüçdir, tomaşadyr, gowgadyr,
Kyrk alty müň agaç suwdur, derýadyr,
Ýetmiş iki tüýsli dildir bu dünýä.
Bir elli müň agaç ýollar anda bar,
Döw-peri mesgeni, gullar anda bar,
Daşlar, daglar, aç arslanlar anda bar,
Ol ýerde adamdan çöldür bu dünýä.
On iki müň agaç jaýy-Hindistan,
Alty müň agaç ýol arzy-Rumystan,
Tört müň Saklap, Senjap, tört müň Zeňistan,
Göýä geçip bargan sildir bu düňýä.
Tört müň farsah Ýemen, bir müň-de Bulgar,
Zemini-Ýunan hem bolar ýek hezar,
Müň agaç ýol dagdyr döwi-merdumhor,
Anda agyp bargan saldyr bu dünýä.
Müň agaç kelim güwş, ýek dest-u ýek pa,
Bäş müň agaç Ýajuj, müň agaç sähra,
Ýedi müň agaç ýer jezire, derýa,
Müň agaç ýer ýatan maldyr bu dünýä.
İki müň üç ýüz agaç ähli-yslamdyr,
Yrak, Azerbaýjan, Müsürdir, Şamdyr,
Horasan, Fars, Bezirkuhda tamamdyr,
Ýok bolynça, galmagaldyr bu dünýä.
Magtymguly, adyň döndi Praga,
Paryg bolup, çek özüňni gyraga,
Hasap etdim dünýä başdan-aýaga,
Üç ýüz altmyş ýyllyk ýoldur bü dünýä.
Ine, şu iki goşgy barada pikir alyşaýsak...
Bu yerde ebjet hasaby bilen ilki barlag gechirmeli bolarmyka diyyan. Bu gun biraz yadaw belki ertir dagy bu hakda pikir alshy[p bileris. GHyzyklyja teman uchin sag bol Kab!
Kan sagja bol men un yaltanman shu goshgylary yazanyn un dogurdanam gowy goshgylar. Magtymguly atamyzyn erbet goshgusy yok welin bu iki goshgy ichinde hasam saylanyp chykyar oydyan...!
aslynda 360 yyllyk dunya diydigi,goni manyda dalde,syrly manyda aydyar,sebabi 1 yyllyk dunya deregne 360 (gunli) yyllyk shol bir zady angladyar
Onsong,her bir planeta,yagny islendik planeta oz dashyndan 360 gradus aylanyar,hatda,elektonlorom sheyle,ynha sagadam wagtam 360 gradusda bolunendir.Bashga syrly zat yok,360 astronomiki element
360 yyllyk yol diyleni,belki adam yerin dashyndan 360 yylda aylanyp çykar diyyandir....Sonam Kab aga,Azerbeyjanyn ady bar shu yerde,shol dowurde Azerbeyjanyn ady sheyle bolupmy?
gün diymesinin sebabi yoklukdan yaradylyş. yoklukdan ene garnynda peyda bolmak.eger göni hasap bln hasaplasak, ene garnynda 270 gün diysek 90 gün önunden peyda bolmaga başlaya. Yyl bolsa dünyadaki durmuşy, Ya Swami'nin aydyşy yaly dereje bolup biler.(pikirim) gowy mowzuk.
KAB! Pikirlendirip bildiň öz-ä! Ya sawmi bilen Razoryň garaýyşlary örän ýerlikli. Tema örän gowy, ýazyp aldym, gijirägem bolsa bir zatlar ýazmaga synanyşarys.